Jems 3:18 - Patep

¹⁸ Dɨ xomxo wê nêl kɨyang malehe vô lie ên nêb he xôn ob dô hɨxôn xêyaa nivɨha ge, ge tɨyi xocbê he xin vê vac yuac om vê tige obêc tyip mɨ vô nôn nivɨha.

Jems 3:18 ပူးပေါင်းရင်းမြစ်များ

Matyu 5:9

“Xomxo wê vông kɨsoac vac xomxo wê kunacma ge, he i dô hɨxôn xêyaa nivɨha, ên Anutu obêc nêl ên nêbê he tu i nue.

Yesu Kɨlisi xolac nivɨha wê Jon kɨvuu ge 4:36

Xomxo wê ob la kô nôn vac yuac ge ob kô nôn nivɨha lec yuac wê he vông ge dɨ ob kɨtuc nôn tige la dô nivɨha luta lêc luta. Om xomxo wê xin vê ge hɨxôn xomxo wê kô nôn ge, yuu xôn xêyaa vô nivɨha.

Galesia 6:8

Om xomxo ti obêc tɨmu vô môp nipaên wê ici va xovô ge od ob kô nôn nipaên bêga nêbê obêc yib mɨ la vac vɨgwe nipaên, lêc obêc tɨmu vô môp nivɨha wê Myakɨlôhô Ngɨbua vông ge od obêc kô nôn nivɨha wê Myakɨlôhô Ngɨbua vông ge bêga nêbê ob la dô mavɨha luta lêc luta.

Pilipai 1:11

dɨ môp nivɨha wê xam vông ge ob vô nôn nivɨha vô xam i luu vêl ya xêkɨzêc wê Yesu Kɨlisi vông ge. Om xomxo ob yê dɨ pɨmil Anutu dɨ vông i lê i vô levac.

Hiblu 12:11

Vô buc wê Anutu ob tɨtô il ge, il ob tulec myavɨnê, dɨ il nɨlôd ob vô nivɨha lêm. Lêc Anutu obêc tɨtô il pyap ge od môp tɨtôên tige obêc vô nôn nivɨha vô il bêga bê il ob tu xomxo wê mi tɨmu vô môp nivɨha ge dɨ il ob dô vac kɨyang malehe kwa ngɨbi.

Jems 1:20

Ên xêyaa myavɨnê wê xomxo vông ge ob vông môp nivɨha wê Anutu vông ge i vô nôn lec lêm.