Jems 2:23 - Patep

²³ Mêgem kɨyang wê yêp vac xolac ge vô nôn lec bêga nêbê, “Eblaham vông i vin Anutu om Anutu yê vông vinên wê i vông ge dɨ nêl nêbê i xomxo nivɨha.” Dɨ Anutu yê Eblaham nêbê i nu wê yuu xêyaa vin lecma ge.

Jems 2:23 ပူးပေါင်းရင်းမြစ်များ

Yesu Kɨlisi xolac wê Mak kɨvuu ge 12:10

“Kɨyang wê yêp vac Anutu xolac ge xam mêd o kɨtong lêm? Ên kɨyang yêp bêga nêbê, ‘Ngɨdax ti wê xomxo xumac loxên yê lêc nêbê tɨyiên ma ge, ge wê tu ngɨdax xêkɨzêc wê ob hôm xumac xôn ge.

Yesu Kɨlisi xolac wê Mak kɨvuu ge 15:27

Mêd he hi tɨbii wê mi vun xomxo susu ge yuu lec xax hɨxôn Yesu, om ngwe yux lec xax vô Yesu vɨgê vɨlu hɨyôv dɨ ngwe yux vô vɨgê kêd.

Yesu Kɨlisi xolac wê Luk kɨvuu ge 4:21

Mêd Yesu nêl vô he ên nêbê, “Xolac ti wê a kɨtong mɨ xam ngô ga, vô nôn lec gwêbaga.”

Sinale 1:16

dɨ nêl vô he ên nêbê, “Xam lige, ilage Myakɨlôhô Ngɨbua vông Devit kɨvuu kɨyang lec Judas wê dɨdii xomxo mɨ la vô Yesu dɨ he hôm i xôn ge. Om kɨyang tige vô nôn lec.

Kɨpihac wê Pol kɨvuu vô tɨbii Lom ge 11:2

Anutu o ngɨloo nue Islel wê vɨnoo he ilage lêm. Kɨyang wê Ilaija nêl vô Anutu mɨ i yêp vac kɨpihac xolac ge, xam mêd lungên, me? Ên Ilaija kɨtaa vô Anutu dɨ nêl lie Islel nên nipaên kɨtong bêga ên nêbê,

Kɨpihac wê Pol kɨvuu vô tɨbii Lom ge 9:17

Tɨyi xocbê kɨyang wê Anutu nêl vô Pelo mɨ i yêp vac xolac bêga ên nêbê, “A vông lê levac vô ông dɨ vông tɨxuu tɨxuu tɨbeac vô ông, ên a nêbê xêkɨzêc wê a vông ge i yêp seac dɨ xomxo tɨbeac i yê dɨ nêl a lêg i vô levac vac vɨgwe vɨhati.”

Galesia 3:22

Lêc o bêge lêm, ên xolac nêl bêga nêbê nipaên hɨvun xomxo vɨhati xôn tɨyi xocbê he dô vac kalabuhu ge. Môp yêp bêge, ên Anutu nêb xomxo obêc vông i vin Yesu Kɨlisi ge od ob kô nôn nivɨha wê Anutu hɨlu pyap nêb obêc vông vô he wê vông vinên ge.

Galesia 3:6

Xam xovô lec Eblaham wê kɨyang nêl kɨtong mɨ i yêp vac xolac bêga nêbê, “Eblaham vông i vin Anutu xêkɨzêc om Anutu yê vông vinên wê i vông ge dɨ nêl nêb Eblaham ge xomxo nivɨha.”

2 Timoti 3:16

Anutu kɨyang vɨhati wê yêp vac kɨpihac xolac ge, Anutu vaci vông vô xomxo mɨ he kɨvuu. Anutu kɨyang tige nivɨha tɨyi wê ob vông xovôên vô il, dɨ ob hɨlung il nêd nipaên vô il, dɨ ob tɨtô môp wê il vông ge, dɨ ob tɨxuu il ya môp wê Anutu yê nêb nivɨha ge.

Jems 2:24

Om il ob xovô bêga bê Anutu ob yê nêbê xomxo ti nivɨha lec vông vinên pɨleva lêm. Nge, Anutu obêc yê nôn nivɨha wê yêp seac vac vông vinên wê i vông ge od ob nêl bê i xomxo vông vinên nôn.

1 Pita 2:6

Xolac nêl bêga nêbê, “Xam ngô lê. A vɨnoo ngɨdax nivɨha ti. Ngɨdax tige nivɨha yang om tu ngɨdax levac wê ob le vac xumac xêkɨtu dɨ hôm xumac xôn mɨ i le xêkɨzêc. Om gwêbaga a tung ngɨdax tige dô gê Saion. Om xomxo obêc vông i vin i ge od he ni ob yoc lêm. Nge, a ob vông vông vinên wê he vông ge i vô nôn lec.”