Jems 2:20 - Patep

²⁰ Ông ge pɨyôp maên, ên ông vông i vin pɨleva dɨ ông o vông môp nivɨha hɨxôn lêm, om ông nêm vông vinên ge mayibên dɨ nôn ma. Lêc mêd ông nêb a nêl kɨyang tige kehe kɨtong vô ông, om ông ngô lê.

Jems 2:20 ပူးပေါင်းရင်းမြစ်များ

Kɨpihac wê Pol kɨvuu vô tɨbii Lom ge 1:21

Ên he xovô Anutu lê, lêc he o pɨmil Anutu lê dɨ nêl bê i Anutu lêm, dɨ he o hi vɨxa pec ên vɨzid wê i vông ge lêm. Nge, he pɨyôp vô judajuda dɨ he vyac xovôên ma, om vông he nɨlô vô mapɨtoc.

Kɨpihac wê Pol kɨvuu vô tɨbii Lom ge 3:28

Ên il xovô ên il nêbê môp wê Anutu ob yê xomxo nivɨha ge, kehe o yêp vac xolac wê Moses vông ge lêm. Nge, kehe yêp vac wê xomxo obêc vông i vin Yesu Kɨlisi ge.

Kɨpihac wê Pol kɨvuu vô tɨbii Lom ge 9:20

Lêc a ob nêl vô xam bê xomxo letya wê ob luu kɨyang vô Anutu ge? Dêg kɨbun o tɨyi wê ob kunac xomxo ti wê pɨtii i ge dɨ nêl bê “Bêna lêc ông pɨtii a tibêga?” ge lêm.

Galesia 5:6

Om il wê il vông i vin Yesu Kɨlisi ge, il ob xê môp ninɨvi gôlên yuu môp ninɨvi gôlên maên i tɨyi xocbê susu pɨleva. Ên môp wê nôn ge bêga nêbê vông vinên wê il vông ge ob vô nôn nivɨha bêga bê il xêdyaa i vin lecma.

Galesia 6:3

Xomxo ti obêc yong i nêb i xomxo levac ge od ge kɨtyoo nên, ên i o xomxo levac lêm.

Kolosi 2:8

Xam viac xam nivɨha, ên xomxo ya nêb ob kɨtyoo xam dɨ ku xam xôn ya kɨyang vaxvax wê ob vô nôn nivɨha lêm ge. Kɨyang wê he mi nêl ge he nêl tɨyi xocbê bue vông ilage, tɨyi xocbê môp yuu xovôên wê yêp gê kɨbun ga. Dɨ he o nêl kɨyang nôn wê Kɨlisi vông ge ti lêm.

1 Timoti 1:6

Xomxo ya sea môp tigee dɨ la nêl kɨyang vaxvax wê ob vô nôn nivɨha vô he lêm ge.

Taitas 1:10

Ên xomxo tɨbeac vac vɨgwe Klit vô nɨnya kɨtu vô Anutu kɨyang, dɨ nêl kɨyang vaxvax wê vông xomxo pɨyôp vô hɨmena hɨmena ge. He wê mi tɨmu vô Yuda vông môp ninɨvi gôlên gee, he tɨbeac mi nêl kɨyang tibêgee.

Jems 1:26

Xomxo ti obêc xo nêbê i xomxo nivɨha ên wê mi vông lɨlo dɨ mi kɨtaa vô Anutu ge, lêc o viac mya nivɨha lêm ge od kɨtyoo i dɨ vông lɨlo yuu kɨtaa ge pɨsiv.

Jems 2:17

Il nêd môp vông vinên tɨyi bêge. Ên vông vinên wê il vông ge obêc vông môp nivɨha ti lêm ge od il nêd vông vinên ge mayibên.

Jems 2:26

Om il ob xovô bêga bê xomxo ti obêc vông i vin ya mya pɨleva dɨ o vông môp nivɨha hɨxôn lêm ge od vông vinên wê i vông ge mayibên, tɨyi xocbê xomxo ninɨvi wê myakɨlôhô la vêl dɨ ninɨvi vaci yêp ge.