Jems 2:19 - Patep

¹⁹ Ông vông i vin ên ông nêbê Anutu tibed. Ge nivɨha lê, lêcom vɨmwo nipaên êno vông i vin kɨyang tige dɨ xona mabu, lêc he o tu Anutu nue lêm.

Jems 2:19 ပူးပေါင်းရင်းမြစ်များ

Matyu 8:29

Mêdec yuu tyuc ên nêbê, “Anutu nu ông, ông ob vông bêna vô xe? Buc tige valên gên ma, lêc ông lam ên ông nêb ông ob vông xe vô nipaên tax, me?”

Yesu Kɨlisi xolac wê Mak kɨvuu ge 1:24

“Yesu Nasalet, ông lam ên ông nêb ông ob vông bêna vô xe? Ông nêb ông ob kɨtya xe vêl, me? A xovô ông ên a nêbê ông ge xomxo ngɨbua wê Anutu vông ông lam ge.”

Yesu Kɨlisi xolac wê Mak kɨvuu ge 12:29

Om Yesu nêl vô i ên nêbê, “Xolac ti wê yêp tax dɨ ngɨnoo baba vêl ge bêga nêbê, ‘Xam xomxo Islel, xam ngô lê. Il Apumtau Anutu, i Apumtau tibed.

Yesu Kɨlisi xolac wê Mak kɨvuu ge 5:7

Lêc Yesu nêl vô i ên nêbê, “Vɨmwo nipaên, ông lam loc vêl ên xomxo tige.” Mêgem xomxo tyo iac mabu dɨ nêl ên nêbê, “Yesu, ông ge Anutu lag puunê nu ông, lêc ông ob vô vatya vô a? A le vô Anutu manôn dɨ a kɨtaa ông bê ông o lêc vông a vô nipaên lêm.”

Yesu Kɨlisi xolac wê Mak kɨvuu ge 7:9

Dɨ Yesu nêl hɨxôn vô he ên nêbê, “Tyac xam so ên xam nêb môp wê xam sea Anutu xolac dɨ la tɨmu vô bume môp ge ob vô nivɨha vô xamê?

Yesu Kɨlisi xolac wê Luk kɨvuu ge 4:34

“Yesu Nasalet, ông lam ên ông nêb ông ob vông bêna vô xe? Ông nêb ông ob kɨtya xe vêle? Ên a xovô ông ên a nêbê ông ge xomxo ngɨbua wê Anutu vông ông lam ge.”

Yesu Kɨlisi xolac nivɨha wê Jon kɨvuu ge 17:3

Dɨ mavɨha luta dôên kehe bêga nêbê xomxo ob xovô ông bê ông Anutu nôn tibed vɨxôhɨlôg, dɨ ob xovô Yesu Kɨlisi wê ông vông i lam ge.

Sinale 16:17

Mêd vêx tige tɨmu vô xe hɨxôn Pol vɨxam dɨ tyuc ên nêbê, “Tɨbii tigae, Anutu ti wê luu baba vêl ge nue yuac, om he lam nêl môp wê Anutu ob vô xam vêl ên nipaên ge kɨtong vô xam.”

Sinale 19:15

lêc vɨmwo nipaên nêl vô he ên nêbê, “A xovô Yesu dɨ a xovô Pol, lêc xam ge letya?”

Sinale 24:25

Dêc Pol nêl kɨyang lec môp nivɨha hɨxôn môp wê xomxo ob kol he ên nipaên ge dɨ nêl lec wê Anutu obêc tɨtô xomxo nên kɨyang vô buc tɨmuên ge. Piliks ngô kɨyang tige dɨ xona om nêl vô Pol ên nêbê, “Kɨyang pyap om ông loc, dɨ obêc buc ngwe nang dɨ a obêc keac ông lôm i tii vac.”

Kɨpihac wê Pol kɨvuu vô tɨbii Lom ge 3:30

Vɨxôhɨlôg nôn, Anutu tibed, om tɨbii Yuda wê ninɨvi gôlên ge obêc vông i vin ge od Anutu ob yê he nivɨha, dɨ tɨbii baba wê gôlên ninɨvi ma gee obêc vông i vin ge od Anutu ob yê he nivɨha êno.

1 Kolin 8:4

Om kɨyang lec môp wê ob yaên bwoc lɨyôhô wê tɨbii vông i tu daa vô anutu kɨtyooên ge, il xovô ên il nêbê anutu kɨtyooên o susu nôn lêm, ên Anutu nôn tibed wê dô.

1 Kolin 8:6

lêc il ga, il xovô ên il nêbê Anutu ge tibed, wê il mag, dɨ ici va tu susu vɨhati kehe, om il ob vông i lê i vô levac. Xomxo levac nôn tibed, ge Apumtau Yesu Kɨlisi, wê i tu susu vɨhati kehe dɨ ici va vông il lax tu ixe.

Galesia 3:20

Dom kɨyang wê Anutu hɨlu vô Eblaham ge, xomxo ti o kô kɨyang tige mɨ la nêl lêm. Nge, Anutu vaci tibed wê nêl i kɨyang.

1 Timoti 2:5

Anutu nôn tibed, dɨ xomxo tibed wê vông kɨsoac mɨ le vac il Anutu mahɨgun. Xomxo tige Yesu Kɨlisi.

Jems 2:8

Il Apumtau Anutu nêl kɨyang ti mɨ i yêp vac xolac bêga ên nêbê, “Ông xêmyaa i vin lec xomxo baba ge i tɨyi xocbê ông xêmyaa vin lec ôcông va ge.” Om xam obêc tɨmu vô kɨyang tige ge od xam vông môp nivɨha mêgê.

Kɨpihac wê Jut kɨvuu ge 1:4

Om a nêb a ob kɨvuu kɨyang lec xomxo kɨtyooên vô xam, ên he ya xôpac mɨ loc dô vac xam mahɨgun. He vô nɨmi vô Anutu, dɨ pɨlepac vɨzid wê Anutu vông ge lax lec kɨyang kɨtyooên ya ên nêb i ngɨdu môp nipaên wê yêp vac he nɨlô ge xôn. Dɨ he yax Yesu Kɨlisi vun. Yesu Kɨlisi tibed ge wê tu il nêd xomxo levac dɨ i Apumtau. Mêgem ilage Anutu nêl ên nêb xomxo kɨtyooên tigee ob tulec myavɨwen.

Kɨpihac wê Jut kɨvuu ge 1:6

Ilage angela ya sea yuac hɨxôn lê levac wê Anutu vông vô he gee dɨ sea Anutu ben. Mêgem Anutu ku he xôn ya sen dɨ tung he la vac vɨgwe mapɨtoc ta. Om he ob la dô dɨ i la tyip vô buc levac wê Anutu ob yaxên he nên kɨyang ge.

Levelesen 20:10

Seten mi kɨtyoo xomxo vevac tigee, om Anutu nêx i la vac madia wê ngwax yuu ngɨdax salpa tum vac ge. Om la dô hɨxôn bwoc vɨmen yuu plopete kɨtyooên wê Anutu nêx yuu la vac ngwax ilage. Mêgem yon ob dô vac ngwax dɨ kô myavɨnê nipaên tɨyi vɨdiiên yuu bucên vɨhati luta lêc luta.