Jems 2:18 - Patep

¹⁸ Lêc xomxo ti mêd obêc nêl bêga bê, “A ga wê a vông i vin dɨ ông ge wê ông mi vông môp nivɨha.” Lêc a ob nêl vô i bêga bê, “Ông nêb ông vông i vin lê, lêc ông o vông môp nivɨha ti hɨxôn lêm. Om ông nêm vông vinên ob yêp seac mɨ xe xê tibêna? Dom a ga, a vông i vin nôn, om môp nivɨha wê a mi vông ge nêl vông vinên wê a vông ge kɨtong seac.”

Jems 2:18 ပူးပေါင်းရင်းမြစ်များ

Kɨpihac wê Pol kɨvuu vô tɨbii Lom ge 14:23

Lêc xomxo ti obêc ya yaên ti hɨxôn nɨlô yuu ge od ge vông i so, ên xomxo tige o ya hɨxôn nɨlô tibed lêm. Nge, ya hɨxôn xonaên. Ên môp wê xomxo nêb ob vông ge, he obêc vông hɨxôn nɨlô yuu ge od ge nipaên.

Kɨpihac wê Pol kɨvuu vô tɨbii Lom ge 3:28

Ên il xovô ên il nêbê môp wê Anutu ob yê xomxo nivɨha ge, kehe o yêp vac xolac wê Moses vông ge lêm. Nge, kehe yêp vac wê xomxo obêc vông i vin Yesu Kɨlisi ge.

Kɨpihac wê Pol kɨvuu vô tɨbii Lom ge 4:6

Devit êno nêl kɨyang lec xomxo wê Anutu yê nêb he xomxo nivɨha ge, ên nêbê he hi vɨxa pec ên wê Anutu yê he nivɨha ge, lêc kehe o yêp vac yuac nivɨha wê he vông ge lêm.

Kɨpihac wê Pol kɨvuu vô tɨbii Lom ge 8:1

Mêgem il wê il vông i vin Yesu Kɨlisi ge, myavɨwen wê xomxo ob kô lec nên nipaên ge, ti ob tulec il lêm.

Kɨpihac wê Pol kɨvuu vô tɨbii Lom ge 9:19

Mêd xam ti obêc nêl vô a bê, “Anutu vông xomxo ya hɨngoo i kɨyang om bêna lêc Anutu ob nêl bê nipaên yêp vô heê? Xomxo ti tɨyiên ma wê ob le vac Anutu kɨyang xôn ge.”

1 Kolin 13:2

Wê a obêc nêl Anutu xolac yêp seac, dɨ a obêc xovô Anutu kɨyang wê yêp xôpacên ge vɨhati kehe, dɨ xovô kɨyang vɨhati kehe hɨxôn, dɨ a obêc vông i vin xêkɨzêc tɨyi wê a ob nêl dɨ kɨtôn i hɨyal mɨ loc ge, lêc a xêgyaa obêc vin lec xomxo lêm ge od a tɨyi xocbê xomxo pɨleva.

2 Kolin 5:17

Xomxo ti obêc vông i vin dɨ tu Kɨlisi xe ge od Anutu obêc vông xomxo tige nɨlô vô paha lec. Xam ngô lê. Môp tɨkwê tip la, dɨ môp paha val gwêbaga.

2 Kolin 7:1

Xam lige wê a xêgyaa vin lec xam ge, Anutu hɨlu kɨyang tige vô il, om môp ningeac wê ob vông il nidnɨvi yuu nɨlôd vô nipaên ge, il ob sea vɨhati i yêp xel, dɨ vông nɨlôd i vô paha lec. Om il ob xona ên Anutu dɨ tup vô môp bôbac tibed êdêc tu xomxo nivɨha nôn.

Galesia 5:6

Om il wê il vông i vin Yesu Kɨlisi ge, il ob xê môp ninɨvi gôlên yuu môp ninɨvi gôlên maên i tɨyi xocbê susu pɨleva. Ên môp wê nôn ge bêga nêbê vông vinên wê il vông ge ob vô nôn nivɨha bêga bê il xêdyaa i vin lecma.

1 Timoti 1:5

Om a ob nêl vô ông bêga bê ông le vac he xôn dɨ nêl vô he bê he i sea kɨyang kɨtyooên. Om he obêc ngô ông kɨyang dɨ tɨmu vô ge od he nɨlô ob vô paha lec dɨ nipaên ti ob yêp vac he nɨlô lêm, dɨ he ob vông i vin Yesu. Om he obêc tɨmu vô môp tibêge od he ob vông môp xêyaa vin lecên vô nôn lec.

Taitas 2:7

Taitas, ôcông va ge ông tɨmu vô môp nivɨha ên he ngɨvihi he i yê dɨ tɨmu vô ông vɨxam. Dɨ wê ông obêc tɨxuu he ya kɨyang ge, od le i lêc nêl kɨyang kɨtyooên hɨxôn lêm. Nge, ông vông pɨyôp i loc vô môp nivɨha dɨ vông ông yuac tige.

Hiblu 11:33

He vɨhati vông i vin Anutu. King tɨbeac kô he nue vevac mɨ la vông vevac vô he, lêc he ngɨnoo tɨbii vevac vɨhati vêl. Dɨ he viac xomxo ya môp bôbac. Dɨ he kô nôn nivɨha wê Anutu hɨlu kɨyang ên nêb ob vông vô he ge. Dɨ tɨbii nêx he ya la vô noo laion ên nêb noo i ya he, lêc Anutu vông noo laion mya tung xôn.

Hiblu 11:6

Lêc xomxo ti obêc vông i vin Anutu lêm ge od Anutu ob yê xomxo tige nivɨha lêm. Ên xomxo ti obêc nêb la kwabo vô Anutu ge, od i vông i vin bêga bê Anutu dô mavɨha dɨ obêc vông nôn nivɨha vô he wê myag i ge.

Jems 2:14

Xam lige, xomxo ti obêc nêb i xomxo vông vinên, lêc o vông môp nivɨha hɨxôn lêm ge od i nên vông vinên ge, mya nêl pɨleva dɨ o tɨyi wê ob vô i vêl ên nipaên dɨ vông i dô vac nivɨha ge lêm.

Jems 3:13

Xomxo wê pɨyôp yuu xovôên nivɨha ge od i lêc tup vô môp nivɨha dɨ i o lêc yong i lêm, êdêc xomxo i yê dɨ xovô bê i xomxo xovôên nôn.