Jems 2:14 - Patep

¹⁴ Xam lige, xomxo ti obêc nêb i xomxo vông vinên, lêc o vông môp nivɨha hɨxôn lêm ge od i nên vông vinên ge, mya nêl pɨleva dɨ o tɨyi wê ob vô i vêl ên nipaên dɨ vông i dô vac nivɨha ge lêm.

Jems 2:14 ပူးပေါင်းရင်းမြစ်များ

Matyu 5:20

A ob nêl vô xam bê môp nivɨha wê xam vông ge i luu wê xomxo xolac kehe hɨxôn he Palisi mi vông ge vêl. Lêc obêc ma ge od o tɨyi wê xam ob la vac Anutu ben ge lêm.

Yesu Kɨlisi xolac wê Luk kɨvuu ge 3:11

Om Jon nêl vô he ên nêbê, “Xomxo ti, siot yuu obêc dô ge, od i vông ngwe vô xomxo ngwe wê nên siot ma ge. Dɨ xam ti yaên obêc dô vô xam ge od ông vông bêge vô xomxo wê xen yaên ma ge êno mêge.”

Yesu Kɨlisi xolac wê Luk kɨvuu ge 6:49

Lêc xomxo wê ngô a kɨyang lê, lêc o vông i vô nôn lec lêm ge, ge tɨyi xocbê xomxo ti lox xumac lec kɨbun pɨleva dɨ o yev hɨpu la vac kɨbun lêm, om mia butac mɨ val mabu ge od dii i nên xumac sea.”

Sinale 15:9

Dɨ Anutu o vông môp bangwe vô il Yuda dɨ vông bangwe vô he tɨbii ba lêm. Nge, he vông i vin om Anutu vông he vô paha lec.

Sinale 8:13

Dɨ Saimon vông i vin hɨxôn dɨ lipac mia dɨ la hɨxôn Pilip dɨ yetac mabu ên do levac wê Pilip mi vông ge.

Sinale 8:21

Ông ob vông yuac tiga hɨxôn xe lêm, ên ông nɨlôm o yêp nivɨha vô Anutu manôn lêm.

Kɨpihac wê Pol kɨvuu vô tɨbii Lom ge 2:25

Xam obêc tɨmu vô xolac wê Anutu nêl vô Moses ge od môp wê gôlên ninɨvi ge ob vô nivɨha vô xam, lêc xam obêc pwoo xolac vac ge od môp wê xam mi gôl nimnɨvi ge, tɨyi xocbê xam vông lec kɨsii dɨ xam o xovô Anutu lêm.

1 Kolin 15:2

Om xam obêc vông i vin nôn dɨ hôm xolac xôn pɨlihi ge od Anutu ob vô xam vêl ên nipaên dɨ xam ob la dô mamvɨha.

1 Kolin 16:22

Xomxo ti xêyaa obêc vin lec Apumtau lêm ge od Apumtau i vông myavɨwen nipaên vô i dɨ tii i vêl. O Apumtau, ông lamê.

Galesia 5:13

Xam lige, vɨxôhɨlôg, Anutu pɨwelac xam vêl ên xolac wê Moses ge dɨ vông xam dô nimvɨha. Lêc xam o lêc xo bêga bê, “Gwêbaga xe dô vac nivɨha dɨ kɨyang ti o hôm xe xôn lêm, om xe ob vông môp vaxvax i tɨyi xocbê xovôên wê xe vông ge”, xam o lêc xo kɨyang tibêge lêm. Xam xêmyaa i vin lec lime vɨhati dɨ xam vông môp wê ob ngɨdu he xôn ge.

Galesia 5:6

Om il wê il vông i vin Yesu Kɨlisi ge, il ob xê môp ninɨvi gôlên yuu môp ninɨvi gôlên maên i tɨyi xocbê susu pɨleva. Ên môp wê nôn ge bêga nêbê vông vinên wê il vông ge ob vô nôn nivɨha bêga bê il xêdyaa i vin lecma.

1 Tesalonaika 1:3

dɨ xe xovô môp nivɨha wê xam vông ge, om xe mi nêl xam kɨtong vô il Mag Anutu ên xe nêbê xam vông i vin nivɨha om xam mi vông yuac nivɨha, dɨ xam xêmyaa vin lec Yesu om xam mi vông yuac xêkɨzêc, dɨ xam mi vông i vin xêkɨzêc bêga ên nêbê Apumtau Yesu Kɨlisi ob lop mɨ lôm vô buc tɨmuên, om xam dɨyaxên buc tige.

1 Timoti 1:5

Om a ob nêl vô ông bêga bê ông le vac he xôn dɨ nêl vô he bê he i sea kɨyang kɨtyooên. Om he obêc ngô ông kɨyang dɨ tɨmu vô ge od he nɨlô ob vô paha lec dɨ nipaên ti ob yêp vac he nɨlô lêm, dɨ he ob vông i vin Yesu. Om he obêc tɨmu vô môp tibêge od he ob vông môp xêyaa vin lecên vô nôn lec.

1 Timoti 4:8

Ên il obêc tɨxuu il ya môp kɨbun ga wê nivɨha ge od ob vô nivɨha vô il nipwo titi. Lêc il obêc tɨxuu il ya Anutu kɨyang mɨ tɨmu vô ge od ob ngɨdu il xôn i luu vêl, ên ob vô nivɨha vô il gwêbaga wê il dô madvɨha lec kɨbun ga ge, dɨ ob vô nivɨha vô il vô buc tɨmuên wê il ob dô madvɨha gê kɨsii ganê hɨxôn.

Taitas 1:16

He mya mi nêl bêga en nêbê, “A xovô Anutu.” Lêc môp wê he vông ge nêl he kɨtong nêbê he mi yax Anutu vun. He mi vô nɨnya kɨtu vô Anutu kɨyang, dɨ he o tɨyi wê he ob vông yuac nivɨha ti ge lêm. Om Anutu yê he nipaên.

Taitas 3:8

Kɨyang tige vɨxôhɨlôg nôn. Om a nêl vô ông bêga bê ông nêl kɨyang tige xêkɨzêc vô xomxo, ên he wê vông i vin Anutu ge he i vông nɨlô i loc vô yuac nivɨha vɨhati dɨ le xêkɨzêc vac yuac tigee. Yuac tigee nivɨha dɨ ob ngɨdu xomxo xôn.

Hiblu 11:17

Ilage Anutu hɨlu kɨyang vô Eblaham ên nêbê, “Bume tɨmuên obêc pum lec num tuc Aisak dɨ he obêc vô tɨbeac.” Anutu nêl bêge, nang dêc buc tɨmuên ge Anutu nêb ob yaxên Eblaham om nêl vô i ên nêbê, “Ông hi num tuc Aisak i yib dɨ vông i tu daa vô a.” Mêgem Eblaham vông i vin kɨyang wê Anutu hɨlu pyap ge om nêb ob vông Aisak i tu daa tɨyi xocbê Anutu nêl vô i ge.

Hiblu 13:9

Xomxo ya obêc val nêl xolac ba vô xam ên nêb ob pɨlepac xam la vac môp wê he vông ge od xam o lêc sea Anutu dɨ tɨmu vô môp wê he vông ge lêm. Ên xomxo ya nêl kɨyang kɨtyooên lec susu yaên ên nêbê xomxo obêc tɨmu vô ge od ob vô nivɨha vô he. Lêc môp tibêge o tɨyi wê ob ngɨdu il xôn ge lêm. Nge, vɨzid wê Anutu vông ge wê obêc ngɨdu il xôn dɨ il obêc dô nivɨha ya.

Jems 1:16

Om xam lige, le i lêc vông i vin kɨyang kɨtyooên wê nêl ên nêbê Anutu ob dɨdii il vac nipaên ge lêm.

Jems 2:16

lêc xam ti obêc nêl vô i bêga bê, “Loc hɨxôn xêmyaa nivɨha, dɨ vɨnyum ngakwi lec ên lea dɨ wa yaên ên i den ông.” Xam obêc nêl bêge, lêc xam obêc vông yaên yuu ngakwi wê ob ngɨdu i ninɨvi xôn ge lêm ge od kɨyang tige ob vô nivɨha vô i tibêna?

Jems 2:18

Lêc xomxo ti mêd obêc nêl bêga bê, “A ga wê a vông i vin dɨ ông ge wê ông mi vông môp nivɨha.” Lêc a ob nêl vô i bêga bê, “Ông nêb ông vông i vin lê, lêc ông o vông môp nivɨha ti hɨxôn lêm. Om ông nêm vông vinên ob yêp seac mɨ xe xê tibêna? Dom a ga, a vông i vin nôn, om môp nivɨha wê a mi vông ge nêl vông vinên wê a vông ge kɨtong seac.”

Jems 2:26

Om il ob xovô bêga bê xomxo ti obêc vông i vin ya mya pɨleva dɨ o vông môp nivɨha hɨxôn lêm ge od vông vinên wê i vông ge mayibên, tɨyi xocbê xomxo ninɨvi wê myakɨlôhô la vêl dɨ ninɨvi vaci yêp ge.

2 Pita 1:5

Anutu nêb il ob tu xomxo nivɨha i tɨyi xocbê i ge, mêgem a ob nêl vô xam bê xam lêc vông yuac xêkɨzêc dɨ vông môp nivɨha vɨhati i yêp hɨxôn vông vinên wê xam vông ge, dɨ xam kô xovôên nivɨha hɨxôn,