Jems 1:3 - Patep

³ dɨ xam vyac xovô bê vɨyin tigee tulec xam nêb ob yaxên xam nêm vông vinên, lêc wê xam obêc vông i vin Anutu xêkɨzêc ge od xam obêc le pɨlihi mɨ dô.

Jems 1:3 ပူးပေါင်းရင်းမြစ်များ

Yesu Kɨlisi xolac wê Luk kɨvuu ge 21:19

Om xam le xêkɨzêc êdêc dô mamvɨha tɨmuên.

Kɨpihac wê Pol kɨvuu vô tɨbii Lom ge 15:4

Kɨyang vɨhati wê xomxo kɨvuu mɨ i yêp vac kɨpihac xolac ge, Anutu nêl ên nêbê i vông xovôên vô il dɨ vông il le xêkɨzêc vac vông vinên dɨ bin buc wê il ob tulec vɨzid vô Anutu ge.

Kɨpihac wê Pol kɨvuu vô tɨbii Lom ge 2:7

Om xomxo wê le xêkɨzêc vac môp nivɨha dɨ myag môp wê he ob dô hɨxôn Anutu vac xêseac dɨ kô lê levac ge, od Anutu obêc vông xomxo tigee dô mavɨha luta lêc luta.

Kɨpihac wê Pol kɨvuu vô tɨbii Lom ge 8:25

Lêc kɨyang wê gên o vô nôn lec lêm ge, il ob dô bin dɨ il nid ob ma lec lêm, ên il vông i vin ên il nêbê obêc vô nôn lec tɨmuên.

Kɨpihac wê Pol kɨvuu vô tɨbii Lom ge 8:28

Il xovô ên il nêbê il wê il xêdyaa vin lec Anutu ge, nivɨha yuu xôn vɨyin obêc tulec il, lêc Anutu obêc vông vɨhati i vô nôn nivɨha vô il, ên il ga wê Anutu xovô pyap nêb ob kô il ge, om tyuc il lam.

2 Kolin 4:17

Vɨyin tige obêc vô nôn nivɨha vô xe tɨmuên bêga bê xe ob la dô vac xêseac nɨlô luta lêc luta. Xêseac tige levac mabu luu vɨyin kɨbun ga vêl. Om vɨyin wê tulec xe ge, xe xê tɨyi xocbê susu pɨleva wê ob yêp dia lêm ge.

Kolosi 1:11

Xii kɨtaa vô Apumtau xêkɨzêc kehe lec xam bêga ên xii nêbê i vông xêkɨzêc vô xam êdêc xam le xêkɨzêc dɨ kɨlê vɨyin vɨhati hɨxôn xêmyaa nivɨha,

2 Tesalonaika 1:4

Mêgem xe yong xam lêm vô levac vac konglegesen vɨyang vɨyang ge bêga ên xe nêbê xomxo vông vɨyin yuu myavɨnê levac vô xam lec wê xam vông i vin ge, lêcom xam le xêkɨzêc ta dɨ kɨlê vɨyin dɨ hôm vông vinên wê xam vông ge xôn pɨlihi.

2 Tesalonaika 3:5

Om xe kɨtaa vô Apumtau bêga bê i vông xovôên nivɨha vô xam ên xam vyac xovô bê Anutu xêyaa vin lec xam, dɨ xam xovô bê Kɨlisi le xêkɨzêc dɨ kɨlê vɨyin.

Hiblu 10:36

Xam le xêkɨzêc ta vac vông vinên, ên obêc bêge ge od xam ob vông môp vɨhati i tɨyi xocbê Anutu xo nêb xam vông ge, dɨ xam ob kô nôn nivɨha vɨhati wê Anutu hɨlu pyap vô xam ge.

Hiblu 12:1

Xomxo wê a nêl kɨyang lec he gwêbaga ge, he vɨhati dô ila lêc yib. Lêc vông vinên wê he vông ge yêp seac vô il, om tɨyi xocbê he hɨlung môp vông vinên vô il. Om il ob sea môp nipaên yuu susu kɨbun ga wê ku il xôn ge dɨ tup xêkɨzêc ya vông vinên wê Anutu vông vô il ge êdêc la ngɨnoo.

Hiblu 6:12

dɨ xam nim i o lêc ma lec lêm. Nge, xam tɨmu vô xomxo wê vông i vin dɨ ni o ma lec kɨyang lêm ge, ên he ge wê tulec vɨzid nivɨha vɨhati wê Anutu hɨlu kɨyang pyap ilage ên nêbê ob vông vô he ge.

1 Pita 1:7

Anutu ob vông vɨyin toto tulec xam ên nêb vɨyin tigee i tɨxuu vông vinên wê xam vông ge ên xam xovô bê vông vinên wê xam vông ge vô xêkɨzêc lec, me? Xam xovô bêga bê gol ge xomxo mi yê nivɨha. Lêc gol tɨyi wê ob vô nipaên ge, om xomxo si gol vac ngwax ên nêb ob yê bê gol ob dô xêkɨzêc vac ngwax me ob dɨdee sea. Dɨ vông vinên wê xam vông ge luu gol vêl. Om vɨyin wê tulec xam ge ob tɨxuu vông vinên wê xam vông ge tɨyi xocbê ngwax tɨxuu gol ge ên nêb vông vinên wê xam vông ge i le xêkɨzêc ta, dɨ buc tɨmuên wê Yesu Kɨlisi obêc vena le seac ge od ob pɨmil xam dɨ yong xam dɨ vông xam lêm i vô levac.

2 Pita 1:6

dɨ xam viac xam ên môp wê nimnɨvi xovô ge, dɨ xam le xêkɨzêc vac vɨyin, dɨ xam tɨmu vô môp wê Anutu vông ge vɨhati,