Epesas 6:9 - Patep

⁹ Xam xomxo levac wê xam viac nume yuac ge, xam vông nivɨha vô nume yuac, dɨ le i lêc hɨgac dɨ vông he i xona lêm, ên xam xovô bê Apumtau wê dô kɨsii ganê ge tu xam nêm levac dɨ tu nume yuac nên levac êno, dɨ Apumtau o yê il mangwe levac dɨ mangwe nipwo lêm. Nge, yê il vɨhati tɨyima.

Epesas 6:9 ပူးပေါင်းရင်းမြစ်များ

Matyu 22:10

Om nue yuac la le vac môp vɨhati dɨ la kɨtuc xomxo nivɨha yuu xôn nipaên wê he tulec ge dɨ kô he vɨhati mɨ la vac vɨgwe wê he ob ya vɨzid vac ge. Om he la pup lec xomxo levac tyo ben.

Matyu 22:8

“Mêd xomxo levac tyo nêl vô nue yuac ên nêbê, ‘A myêl vɨzid levac pyap mɨ i dô, lêc xomxo wê a tyuc he ên a nêb he i lam ya ge o tɨyi wê ob ya ge lêm.

Matyu 24:48

Lêc xomxo levac obêc la dɨ nu yuac tyo obêc xo bêga nêbê, ‘Xomxo levac tyo ob vena lutibed lêm.’

Matyu 24:51

Om xomxo levac obêc hi i vô nipaên dɨ vông i la dô vac vɨgwe nipaên hɨxôn xomxo kɨtyooên. Vac vɨgwe tige xomxo obêc byag dɨ kic nɨvu lecma.”

Matyu 7:12

“Om môp vɨhati wê xam nêb xomxo i vông vô xam ge, xam vông môp bêge vô he êno, ên kɨyang wê Moses hɨxôn plopete nêl ge kehe bêge.

Yesu Kɨlisi xolac wê Luk kɨvuu ge 6:31

Môp nivɨha wê xam nêb xomxo i vông vô xam ge, od xam vông nivɨha vô he êno bêge.

Yesu Kɨlisi xolac nivɨha wê Jon kɨvuu ge 13:13

Xam mi nêl a ên xam nêb a xolac kehe dɨ a Apumtau, om xam nêl i la tɨyi, ên a bêge mêge.

Sinale 10:34

Mêd Pita nêl vô he bêga ên nêbê, “Gwêbaga a xovô vɨxôhɨlôg ên a nêbê Anutu o yê xomxo mangwe nêb nivɨha dɨ yê mangwe nêb nipaên lêm. Nge, Anutu yê xomxo vɨhati tɨyima.

Kɨpihac wê Pol kɨvuu vô tɨbii Lom ge 2:11

Ên Anutu obêc yaxên xomxo vɨhati tɨyima, om xomxo vɨhati obêc la le vô Anutu manôn, dɨ i yaxên môp wê he toto vông ge.

1 Kolin 1:2

xii kɨvuu kɨpihac tiga vôxam wê xam tu Anutu nue vông vinên mɨ dô vac vɨgwe Kolin ge, ên Anutu vɨnoo xam ên nêb xam tu xomxo ngɨbua nôn lec yuac wê Yesu Kɨlisi vông ge dɨ xam tu i nue, hɨxôn xomxo vac vɨgwe vɨhati wê he kɨyag vya lec il Apumtau Yesu Kɨlisi ge, ên Yesu Kɨlisi ge xomxo levac wê he vông ge dɨ il êno vông ge hɨxôn.

1 Kolin 7:22

Ên xomxo wê tu xomxo ngwe nu yuac pɨleva ge, Apumtau obêc tyuc i nêb i tu i nu ge od Anutu ob yê xomxo tige tɨyi xocbê o dô vac xomxo ngwe kwa ngɨbi ge lêm. Dɨ xomxo wê o dô vac xomxo ngwe kwa ngɨbi lêm ge, Kɨlisi obêc tyuc i nêb i tu i nu ge od obêc dô tɨyi xocbê Kɨlisi nu yuac.

Kolosi 3:25

Lêc xomxo wê vông môp nipaên ge, Anutu obêc vông myavɨwen vô he lec nipaên wê he toto vông ge, ên Anutu obêc yê xomxo mangwe levac dɨ mangwe nipwo lêm. Nge, yê il vɨhati tɨyima.

Kolosi 4:1

Xam xomxo levac wê viac nume yuac ge, xam vông nivɨha vô he dɨ viac he nivɨha. Xam xovô bê xam êno, xam nêm levac dô kɨsii ganê dɨ yê môp wê xam vông ge.

Jems 2:13

Mêgem xomxo ti obêc xo vɨgwe pɨsiv ên xomxo baba lêm ge od Anutu obêc xo vɨgwe pɨsiv ên xomxo tibêge lec buc wê ob tɨtô il nêd kɨyang ge lêm. Lêc xomxo wê xo vɨgwe pɨsiv ên xomxo baba ge, ge wê obêc la dô nivɨha vô buc wê Anutu ob tɨtô il nêd kɨyang ge.

Jems 2:8

Il Apumtau Anutu nêl kɨyang ti mɨ i yêp vac xolac bêga ên nêbê, “Ông xêmyaa i vin lec xomxo baba ge i tɨyi xocbê ông xêmyaa vin lec ôcông va ge.” Om xam obêc tɨmu vô kɨyang tige ge od xam vông môp nivɨha mêgê.

Jems 5:4

Xam ngô lê. Xomxo wê vông yuac vô xam lec yaên gee, xam mi kɨtyoo he ya mone nipwo tya dɨ hôm vɨwen xôn. Om he nên mone wê dô vô xam ge nêl xam nêm nipaên kɨtong, dɨ xêkɨzêc kehe Apumtau ngô xam nêm soên wê nume yuac tigee nêl ge.