Epesas 6:10 - Patep

¹⁰ A ob nêl kɨyang xêxuhu ya hɨxôn bêga bê xam tu Apumtau xe pyap, om xam le pɨlihi ya xêkɨzêc wê Apumtau vông vô xam ge.

Epesas 6:10 ပူးပေါင်းရင်းမြစ်များ

1 Kolin 16:13

Xam viac xam nivɨha dɨ le xêkɨzêc ya vông vinên. Dɨ xam o lêc xona lêm. Nge, xam dô i tɨyi xocbê xomxo wê xêkɨzêc ge.

2 Kolin 13:11

Xam lige, a ob nêl kɨyang myahɨpu tɨmuên bêga bê xam tɨtô xam kɨyang i yêp nivɨha, dɨ xam ngô kɨyang wê a nêl ga, dɨ xam nɨlôm i yêp tibed, dɨ xam dô vac kɨyang malehe nɨlô. Xam obêc vông bêge ge od Anutu wê xêyaa vin lecên dɨ kɨyang malehe kehe ge ob dô hɨxôn xam.

Epesas 1:19

Dɨ a kɨtaa vô Anutu ên a nêbê i vông xovôên vô xam ên xam xovô bêga bê xêkɨzêc wê Anutu vông ge i ngɨdu il wê il vông i vin ge xôn. Xêkɨzêc wê Anutu vông ge luu xêkɨzêc vɨhati vêl, om il o tɨyi wê il ob yaxên mɨ xovô ge lêm. Xêkɨzêc levac tige vông yuac vac il nɨlôd,

Epesas 3:16

Om a kɨtaa vô Anutu bêga bê xêseac nivɨha wê yêp vô i ge i lam ngɨdu xam xôn, dɨ i vông Myakɨlôhô Ngɨbua wê i vông ge i dô vac xam nɨlôm dɨ xam le xêkɨzêc ta.

Pilipai 3:1

Xam lige, a nêb a ob nêl kɨyang xêxuhu ya hɨxôn bêga bê xam xêmyaa i nivɨha ên Apumtau. A nêl kɨyang bêge vô xam ilage pyap, lêc a nɨlôg o vô vɨyin ên wê a ob kɨvuu kɨyang tige i tii vac vô xam ge lêm, ên kɨyang tige ob ngɨdu xam xôn.

Pilipai 4:13

Kɨlisi vông xêkɨzêc wê i vông ge vô a, om a tɨyi wê a ob le xêkɨzêc vac vɨyin yuu xôn nivɨha dɨ vông yuac wê i vông vô a ge vɨhati.

Pilipai 4:8

Xam lige, a ob nêl kɨyang ngwe vô xam i tii vac nang. Xam xovô môp tigae bêga bê môp wê nôn ge, dɨ môp wê pɨyôp nivɨha vông ge, dɨ môp wê bôbac ge, dɨ môp wê o ningeac lêm ge, dɨ môp wê xêseac ge, dɨ môp wê xam lêm ob yêp nivɨha ge, dɨ môp wê vông xomxo vô nivɨha ge, dɨ môp vɨhati wê il xovô ên il nêbê nivɨha ge. Môp tigee vɨhati xam xovô i luu vêl dɨ hôm xôn mɨ i yêp vac xam nɨlôm.

Kolosi 1:11

Xii kɨtaa vô Apumtau xêkɨzêc kehe lec xam bêga ên xii nêbê i vông xêkɨzêc vô xam êdêc xam le xêkɨzêc dɨ kɨlê vɨyin vɨhati hɨxôn xêmyaa nivɨha,

2 Timoti 2:1

A nug Timoti, Yesu Kɨlisi vông vɨzid nivɨha vô ông pyap om ông hôm vɨzid wê i vông ge xôn pɨlihi dɨ le xêkɨzêc ya.

2 Timoti 4:17

He vɨhati sea a mɨ la, lêc Apumtau dô hɨxôn a dɨ vông xêkɨzêc wê i vông ge vô a, om a nêl Kɨlisi xolac vɨhati yêp seac dɨ tɨbii madɨluhu wê lam le vac kot ge vɨhati ngô. Om tɨyi xocbê Anutu vô a vêl ên noo laion mya.

1 Pita 3:8

A ob nêl kɨyang ti hɨxôn bêga bê xam nɨlôm i yêp tibed, dɨ xam xo vɨgwe pɨsiv ênma, dɨ xam xêmyaa i vin lec lime vông vinên vɨhati, dɨ xam viac lime vɨhati i nivɨha, dɨ xam o yong xam vô lime lêm.

1 Pita 4:11

Om Anutu obêc vông xovôên vô xomxo ti ên nêb i nêl kɨyang ge od xomxo tige i nêl Anutu kɨyang. Dɨ Anutu obêc vông xovôên vô xomxo ti ên nêb i ngɨdu xomxo xôn ge od xomxo tige i ngɨdu xomxo xôn ya xêkɨzêc wê Anutu vông vô i ge. Xam obêc vông Anutu yuac toto bêge ge od xomxo ob yê yuac wê xam vông ge nivɨha dɨ pɨmil Anutu lec Yesu Kɨlisi lê. Xêkɨzêc hɨxôn xêseac i yêp vô i luta lêc luta. Nôn.

1 Pita 5:10

Anutu ge vɨzid nivɨha vɨhati yang kehe i, dɨ tyuc il ên nêbê il obêc la dô vac xêseac wê i vông ge luta lêc luta lec yuac wê Kɨlisi vông ge. Om gwêbaga xam ob kɨlê vɨyin vac buc myabo tya. Lêc vɨyin obêc tɨyôô, dɨ Anutu vaci obêc vông xam vô nivɨha lec i tii vac nang, dɨ ngɨdu vông vinên wê xam vông ge xôn, dɨ vông xam le xêkɨzêc.

1 Jon 2:14

Xam nuge, a kɨvuu kɨyang ga vô xam ên wê xam xovô Mag Anutu ge. Dɨ xam mage, a kɨvuu kɨyang ga vô xam, ên xam xovô xomxo ti wê dô taxlee ilage dɨ dô gwêbaga hɨxôn ge. Dɨ xam ngɨvihi, a kɨvuu kɨyang ga vô xam ên wê xam vô xêkɨzêc lec dɨ Anutu kɨyang yêp vac xam nɨlôm, om xam pwoo Seten hɨxôn i nipaên vêl ge.