Epesas 6:1 - Patep

^1-2 Xam nuge, xam tu Apumtau xe, om xam vô nɨnyam lehe vô tame mame kɨyang, ên ge môp bôbac wê xolac nêl ilage bêga ên nêbê, “Xam hôm tame mame lê lec dɨ ngô he kɨyang.” Xolac tige Anutu hɨlu taxlee bêga ên nêbê,

Epesas 6:1 ပူးပေါင်းရင်းမြစ်များ

Yesu Kɨlisi xolac wê Luk kɨvuu ge 2:51

Mêd Yesu kɨdi mɨ la hɨxôn yuu dɨ yon lax mɨ la ben Nasalet. Yon mɨlax dô Nasalet ge od Yesu vô nɨnya lehe vô ta yuu ma kɨyang tɨyi buc vɨhati, mêgem ta Malia xovô kɨyang tige vɨhati yêp vac nɨlô tɨyi buc vɨhati.

Kɨpihac wê Pol kɨvuu vô tɨbii Lom ge 12:2

Dɨ xam o lêc tɨmu vô môp xocbê xomxo kɨbun ga mi vông ge lêm. Xam vông pɨyôp yuu nɨlôm i loc vô Anutu, ên i pɨlepac xam nɨlôm yuu pɨyôp i vô paha lec, êdêc xam xovô môp wê Anutu xêyaa vin lec nêb il tɨmu vô ge, ên môp tige nivɨha yuu xêseac tɨyi wê ob vông Anutu xêyaa vô nivɨha vô il ge.

Kɨpihac wê Pol kɨvuu vô tɨbii Lom ge 16:2

Om Pibi obêc val vô xam ge od xam hôm i lec nivɨha ên wê i vông i vin Apumtau ge, ên môp tibêge môp nivɨha wê il xomxo vông vinên ob vông vôma ge. Dɨ vɨyin obêc tulec i ge od xam ngɨdu i xôn, ên i ge wê mi ngɨdu xe xomxo tɨbeac xôn.

Kɨpihac wê Pol kɨvuu vô tɨbii Lom ge 7:12

Om il ob xovô bêga bê Anutu xolac ge ngɨbua, dɨ kɨyang toto wê yêp vac xolac ge, nivɨha dɨ bôbac hɨxôn xêseac pɨleva.

1 Kolin 15:58

Xam lige wê a xêgyaa vin lec xam ge, xam le xêkɨzêc vac vông vinên dɨ xam o lêc xona mɨ le teva lêm. Nge, xam vông Apumtau yuac xêkɨzêc i tɨyi buc vɨhati, ên xam xovô pyap bê yuac wê il vông vô Apumtau ge, il o vông pɨleva lêm. Nge, vɨhati obêc vô nôn lec.

1 Timoti 5:4

Lêc vêxôv bue nue obêc dô ge od he i viac bu vêx tyo dɨ viac tae mae hɨxôn, i tɨyi wê he ob hi myavɨwen wê tae mae vông vô he ge. Ên he obêc viac tae mae bue nivɨha ge od Anutu ob yê he nivɨha.

1 Pita 2:13

Xam tu Apumtau xe om xam xovô i dɨ tɨmu vô môp vɨhati wê xomxo levac toto vông ge, dɨ loc vac he kwa ngɨbi. Dɨ gavman levac ti wê tu il badzub ge, xam ngô kɨyang wê i vông ge dɨ tɨmu vô.