Epesas 5:6 - Patep

⁶ Xam viac xam, ên xomxo kɨtyooên obêc val nêl kɨyang vɨdaaên vô xam ên nêb ob dɨdii xam mɨ la vac môp nipaên ge od xam o lêc ngô kɨyang wê he vông ge lêm. Ên Anutu xêyaa vô myavɨnê vô xomxo wê pwoo i kɨyang vac dɨ tɨmu vô môp nipaên tibêgee.

Epesas 5:6 ပူးပေါင်းရင်းမြစ်များ

Matyu 24:24

Ên tɨbii kɨtyooên ya ob val nêl bê he Kɨlisi me plopete, dɨ he ob vông do levac toto ên nêb ob pɨlepac xomxo nɨlô i loc vô kɨyang kɨtyooên, dɨ he nêb he ob kɨtyoo xomxo wê Anutu vɨnoo pyap ge hɨxôn.

Matyu 24:4

Om Yesu nêl lax vô he ên nêbê, “Xam viac xam nivɨha êdêc xomxo i o lêc kɨtyoo xam lêm.

Yesu Kɨlisi xolac wê Mak kɨvuu ge 13:22

Ên xomxo kɨtyooên ya obêc val nêbê he Kɨlisi me he plopete, dɨ he ob vông do levac hɨxôn do toto wê xomxo ob yetac ên ge dɨ pɨlepac xomxo nɨlô la vô kɨyang kɨtyooên wê he nêl ge, om obêc tɨyi ge od obêc kɨtyoo xomxo wê Anutu vɨnoo he pyap ge ya hɨxôn.

Yesu Kɨlisi xolac wê Mak kɨvuu ge 13:5

Mêgem Yesu nêl vô he ên nêbê, “Xam viac xam nivɨha êdêc xomxo i o lêc kɨtyoo xam lêm.

Kɨpihac wê Pol kɨvuu vô tɨbii Lom ge 1:18

Il xovô ên il nêbê Anutu xêyaa vô myavɨnê vô xomxo nipaên om ici va obêc vông myavɨwen vô he lec nipaên wê he vông ge, ên he vô nɨmi vô Anutu dɨ vông môp nipaên luu vêl, om nipaên wê he vông ge kɨtya kɨyang nôn vêl ên he nɨlô.

Kolosi 2:18

Xomxo ya yong he ên nêb he yê vɨvia, dɨ yong he ên nêb he vông heche va vô nipwo lec dɨ yev vɨxa kɨtu vô angela. Lêc xam vɨbu he dɨ ngôên he kɨyang i ma. Ên he so ên he nêbê môp wê he vông ge luu xam vông môp vêl. Lêc he yong he pɨleva, ên pɨyôp wê he vông ge la tɨmu vô môp kɨbun ga,

Kolosi 2:4

A nêl kɨyang tiga vô xam ên a nêb xomxo ti i o kɨtyoo xam ya kɨyang hɨzi lêm.

Kolosi 2:8

Xam viac xam nivɨha, ên xomxo ya nêb ob kɨtyoo xam dɨ ku xam xôn ya kɨyang vaxvax wê ob vô nôn nivɨha lêm ge. Kɨyang wê he mi nêl ge he nêl tɨyi xocbê bue vông ilage, tɨyi xocbê môp yuu xovôên wê yêp gê kɨbun ga. Dɨ he o nêl kɨyang nôn wê Kɨlisi vông ge ti lêm.

Kolosi 3:6

Anutu xêyaa vô myavɨnê vô xomxo wê vông môp nipaên tibêgee, om obêc vông myavɨwen nipaên vô he.

2 Tesalonaika 2:3

Le i lêc vông i vin kɨyang yuu môp kɨtyooên wê xomxo ob nêl vô xam ge lêm, ên buc tige obêc seb lam tax lêm. Nge, xomxo tɨbeac hɨwocên ob pwoo Anutu kɨyang vac dɨ vô nɨmi vô Anutu, dɨ xomxo nipaên kehe nôn ob val le seac tax, nang dêc Apumtau ob vena tɨmuên. Xomxo nipaên kehe nôn tige wê Anutu ob vông i la dô vac Seten ben.

Hiblu 13:9

Xomxo ya obêc val nêl xolac ba vô xam ên nêb ob pɨlepac xam la vac môp wê he vông ge od xam o lêc sea Anutu dɨ tɨmu vô môp wê he vông ge lêm. Ên xomxo ya nêl kɨyang kɨtyooên lec susu yaên ên nêbê xomxo obêc tɨmu vô ge od ob vô nivɨha vô he. Lêc môp tibêge o tɨyi wê ob ngɨdu il xôn ge lêm. Nge, vɨzid wê Anutu vông ge wê obêc ngɨdu il xôn dɨ il obêc dô nivɨha ya.

Hiblu 3:19

Mêgem il ob xovô bê he o vông i vin lêm om he o tɨyi wê he ob la dô seac vêl hɨxôn Anutu ge lêm.

1 Pita 2:8

Dɨ xolac nêl kɨyang ngwe lec he wê o vông i vin lêm ge bêga ên nêbê, “Ngɨdax tige wê he obêc vɨnux vɨxa lec, om obêc vông he vô nipaên.” Kɨyang nêl bêge, ên he vô nɨmi vô Anutu kɨyang, om kɨyang tige wê he obêc vɨnux vɨxa lec dɨ vông he vô nipaên ge. Ilage Anutu nêl ên nêb obêc vông bêge vô he.

1 Jon 4:1

Xam lige, plopete kɨtyooên tɨbeac dô vac vɨgwe vɨyang vɨyang, om le i lêc vông i vin xomxo vɨhati kɨyang wê nêl ên nêbê Myakɨlôhô Ngɨbua dô vac he nɨlô dɨ vông xovôên vô he ge lêm. Nge, xam yaxên he dɨ xovô bê ge Anutu Myakɨlôhô Ngɨbua nôn, me ge bangwe?