Epesas 5:4 - Patep

⁴ Le i lêc nêl kɨyang yôdac lecma lêm, dɨ le i lêc nêl kɨyang xêlɨla lec kɨyang nipaên lêm, dɨ le i lêc nêl kɨyang vɨdaaên wê nôn maên ge lêm, ên kɨyang tibêgee tɨyiên ma, om xam sea i loc yêp xel dɨ xam pɨmil Anutu.

Epesas 5:4 ပူးပေါင်းရင်းမြစ်များ

Yesu Kɨlisi xolac wê Mak kɨvuu ge 7:22

vông môp iimaên vô nipaên, môp madoên, môp nipaên yaya, nêl kɨyang kɨtyooên, vông môp vaxvax, yê xomxo nipaên, nêl kɨyang nipaên lec xomxo, yong he, dɨ vông môp vaxvax tɨyi xocbê pɨyôp nivɨha ti o yêp vô he lêm.

Yesu Kɨlisi xolac nivɨha wê Jon kɨvuu ge 6:23

Mêd dipac mangwe lam gê vɨgwe Taibilias dɨ lam le vô vɨgwe ti wê Apumtau Yesu kɨtaa lec blet mɨ xomxo ya vɨhevage.

Kɨpihac wê Pol kɨvuu vô tɨbii Lom ge 1:28

He nêb he ob xovô Anutu vac pɨyôp wê he vông ge lêm, mêgem Anutu sea he dɨ he tɨmu vô môp nipaên wê heche va pɨyôp xovô ge.

2 Kolin 1:11

Om xam ngɨdu xe xôn ya kɨtaaên, ên Anutu i ngô kɨtaaên wê xam tɨbeac vông ge dɨ ngɨdu xe xôn, êdêc xomxo tɨbeac i yê dɨ hi vɨxa i pec ên Anutu.

2 Kolin 9:15

Il ob hi vɨxad i pec ên Anutu, ên wê vông vɨzid levac mabu ti vô il ge. Kɨyang wê il nêl ge o tɨyi wê ob nêl vɨzid tige kehe ge lêm, ên vɨzid tige nivɨha yang luu vêl.

Epesas 1:16

om a pɨmil Anutu tɨyi buc vɨhati ên xam dɨ a o sea lêm, dɨ a mi kɨtaa vô Anutu ên a nêb i ngɨdu xam xôn.

Epesas 4:29

Le i lêc nêl kɨyang nipaên lêm. Nge, xam nêl kɨyang nivɨha wê ob ngɨdu xomxo xôn ge ên i vô nivɨha vô he wê ob ngô kɨyang ge.

Pilipai 4:6

Xam nɨlôm i lêc vô vɨyin ên susu me vɨyin ti lêm. Nge, xam kɨtaa vô Anutu lec susu vɨhati wê xam nêb xam ob kô ge dɨ kɨtaa lec vɨyin vɨhati wê val vô xam ge. Xam kɨtaa vô Anutu dɨ hi vɨxam i pec dɨ pɨmil i,

Kolosi 3:8

Lêc gwêbaga a ob nêl vô xam bê xam sea môp nipaên vɨhati i loc yêp xel. Môp nipaên bêga nêbê môp kunacmaên, dɨ môp xêyaa myavɨnê, dɨ môp wê xam nêb xam ob vông xomxo ngwe vô nipaên ge, dɨ môp wê xam nêl kɨyang nipaên lec xomxo ge, dɨ môp wê kɨyang yacyac tyip vac xam myam dɨ vông xam ngɨlooma dɨ pɨpingma ge.

1 Tesalonaika 3:9

Om gwêbaga xe tɨyi wê xe ob pɨmil Anutu ên xam ge. Mêgem xe le vô il Anutu manôn dɨ pɨmil i ngɨnong ngɨnong ên wê xam vông xe xêmyaa vô nivɨha yang ge.

1 Tesalonaika 5:18

dɨ xam pɨmil Anutu i tɨyi buc vɨhati, buc wê xam tulec vɨyin hɨxôn buc wê xam tulecên vɨyin ma ge. Xam tu Yesu Kɨlisi xe pyap, om Anutu nêb xam vông môp tibêgee.

Pailimon 1:8

Ông môp tibêge, mêgem a nêb a ob nêl kɨyang ti vô ông. Ên môp nivɨha ti yêp wê a nêb ông vông ge, dɨ a tɨyi wê a ob nêl xêkɨzêc lec Yesu lê bê ông vông môp tige lê,

Hiblu 13:15

Om il ob hi vɨxad i pec ên Anutu i tɨyi buc vɨhati ên yuac wê Yesu vông ge. Ên daa wê Anutu nêb il ob vông vô i ge bêga, il ob hi vɨxad i pec ên i dɨ nêl i lê i yêp seac vac myad i tɨyi buc vɨhati.

2 Pita 2:18

Xomxo tigee kô he lec dɨ keac vya levac lec kɨyang pɨleva wê nôn maên ge. Dɨ he kɨtyoo xomxo wê gên sea môp nipaên wê tɨbii madɨluhu vông ge, dɨ dɨdii he lax mɨ la vac môp yôdac hɨxôn môp nipaên wê he ninɨvi xovô ge.

2 Pita 2:7

Lot mi dô vac vɨgwe Sodom, lêc Anutu hôm Lot vêl ên ngwax wê ob ya vɨgwe Sodom yuu Gomola ge, ên Lot ge xomxo nivɨha ti. Om môp yôdac hɨxôn môp nipaên vɨhati wê tɨbii Sodom yuu Gomola vông ge vông Lot nɨlô vô vɨyin.

Kɨpihac wê Jut kɨvuu ge 1:10

Mêlêc xomxo kɨtyooên mô mi nêl kɨyang nipaên lec susu wê he o xovô kehe lêm ge, dɨ vông môp wê heche va xovô ge tɨyi xocbê bwoc vông môp wê he yê dɨ xovô ge. Om môp nipaên wê he nɨlô kɨdu he nêb he ob vông ge ob kɨtya he vêl.

Kɨpihac wê Jut kɨvuu ge 1:13

Xomxo kɨtyooên tigee mi vông môp nipaên wê ob vông ni yoc lec ge lê, lêc he ni o yoc lêm. Om he tɨyi xocbê gwec wê vuac mabu mɨ lam kɨpyax myasong ningeac la kehe ge. Dɨ he tɨyi xocbê pɨtua wê yal vêl ên lag mɨ lam dɨ sea ben ge. Mêgem Anutu vông he nên vɨgwe nipaên wê mapɨtoc ge yêp dɨ he ob la dô vac luta.