Epesas 5:28 - Patep

²⁸ Kɨlisi vông bêge, mêgem xam vux, xam xêmyaa i vin lec vɨnême i tɨyi xocbê xam xêmyaa vin lec xacxam va nimnɨvi ge. Vux ti xêyaa obêc vin lec vɨnê ge od tɨyi xocbê xêyaa vin lec ici va,

Epesas 5:28 ပူးပေါင်းရင်းမြစ်များ

Matyu 19:5

dɨ nêl ên nêbê, ‘Môp yêp bêga, vux ob sea ta yuu ma dɨ la dô hɨxôn vɨnê dɨ yuu tu nôn tibed.’

Epesas 5:25

Xam vux, xam xêmyaa i vin lec vɨnême i tɨyi xocbê Kɨlisi xêyaa vin lec il xomxo vông vinên vɨhati, om lam yib lec il nêd nipaên,

Epesas 5:29

ên xomxo ti ob vông myavɨnê vô ici va ninɨvi lêm. Nge, ob vet ninɨvi dɨ viac nivɨha tɨyi xocbê Kɨlisi viac xomxo vông vinên vɨhati nivɨha ge,

Epesas 5:31

Kɨyang yêp vac xolac bêga nêbê, “Mêgem vux ti obêc kô vêx ge od ob sea ta yuu ma dɨ la dô hɨxôn vɨnê, dɨ yuu ob tu nôn tibed.”

Epesas 5:33

Dɨ ngwe nêl lec môp wê vêx hɨxôn vux iimaên ge, om xam vux, xam toto xêmyaa i vin lec vɨnême i tɨyi xocbê xam xêmyaa vin lec xacxam va nimnɨvi ge. Dɨ xam vêx, xam pɨmil lɨyame lê dɨ kô he lec.

1 Pita 3:7

A ob nêl vô xam vux wê xam ii vêx ge bêga bê xam xovô vɨnême dɨ dô nivɨha hɨxôn he, ên xêkɨzêc wê he vông ge o tɨyi wê xam vux vông ge lêm. Om xam viac he nivɨha. Dɨ xam xovô bêga bê Anutu vông vɨzid nivɨha vô xam vux dɨ vông vô vɨnême hɨxôn. Vɨzid tige bêga nêbê xam obêc dô mamvɨha luta hɨxôn Anutu. Om xam vux, xam dô nivɨha hɨxôn vɨnême ên môp nipaên ti i o lêc le vac kɨtaaên wê xam vông ge xôn lêm.