Epesas 5:26 - Patep

²⁶ ên nêb ob lipac il vô paha lec ya mia hɨxôn xolac wê ici va vông ge, dɨ vông il vông vinên vɨhati il tu i nue.

Epesas 5:26 ပူးပေါင်းရင်းမြစ်များ

Yesu Kɨlisi xolac nivɨha wê Jon kɨvuu ge 13:10

Lêc Yesu nêl vô i ên nêbê, “Xomxo wê lipac mia pyap ge ob lipac ninɨvi vɨhati tii vac lêm. Nge, ob lipac vɨxa pɨleva, ên ninɨvi vɨhati vô paha lec. Dɨ xam ge, xam vô paha lec pyap, lêcom o xam vɨhati lêm.”

Yesu Kɨlisi xolac nivɨha wê Jon kɨvuu ge 15:3

Kɨyang wê a nêl vô xam ge vông xam vô paha lec pyap.

Yesu Kɨlisi xolac nivɨha wê Jon kɨvuu ge 15:8

Xam obêc vô nôn tɨbeac ge od ob vông Mag lê vô levac dɨ xam tu a nuge.

Yesu Kɨlisi xolac nivɨha wê Jon kɨvuu ge 17:7

dɨ gwêbaga he xovô ên he nêbê kɨyang vɨhati wê ông vông vô a ge, lam vô ông.

Yesu Kɨlisi xolac nivɨha wê Jon kɨvuu ge 3:5

Lêc Yesu nêl vô i ên nêbê, “A nêl hɨxôn nôn vô ông bê xomxo ti obêc vô paha lec ya mia hɨxôn Myakɨlôhô Ngɨbua lêm ge od ob tu Anutu nu mɨ la dô vac i ben lêm.

Sinale 22:16

Om ông dɨbin vatya? Kɨdi lec mɨ loc lipac mia, dɨ ông kɨtaa vô Apumtau ên i kɨtya ông nêm nipaên vêl.’

Sinale 26:18

ên ông vông he manôn i seac dɨ vông he i sea môp mapɨtoc dɨ lam dô vac xêseac, dɨ he i sea xêkɨzêc wê Seten vông ge dɨ lôm vô Anutu dɨ vông i vin a, ên Anutu i kɨtya he nên nipaên vêl dɨ he i dô hɨxôn xomxo wê Anutu vɨnoo he pyap ge.’

Kɨpihac wê Pol kɨvuu vô tɨbii Lom ge 10:8

Om kɨyang wê nêl lec môp vông vinên ge yêp vac xolac bêga nêbê, “Anutu xolac yêp vô xam pyap, tɨyi wê xam ob xovô vac pɨyôp dɨ nêl vac myam ge.” Kɨyang tige nêl lec xolac wê xe mi nêl vô xam ên xe nêbê xam vông i vin ge.

1 Kolin 6:11

Ilage xam ya mi tɨmu vô môp tibêgee, lêc Anutu lipac xam vô paha lec dɨ vɨnoo xam nêb xam tu i nue dɨ yê xam nêb xam xomxo nivɨha. Anutu vông bêge lec Apumtau Yesu Kɨlisi yuu Myakɨlôhô Ngɨbua wê Anutu vông ge.

2 Kolin 11:2

A nêl bêge, ên a xêgyaa vin lec xam tɨyi xocbê Anutu xêyaa vin lec xam nêb xam tu ixe, ên a nêl pyap ên a nêb xam ob ii vux ti. Vux tyo ge Kɨlisi, om a ob vông xam vô i tɨyi xocbê vêxwo nivɨha ti.

Epesas 6:17

Xam xovô pyap ên xam nêbê Anutu vô il vêl ên il nêd nipaên, om xam hôm xovôên tige xôn pɨlihi i tɨyi xocbêxam tung kɨlung xêkɨzêc ta lec bamzub ên nêb i kɨsuu bamzub lec ge. Xam hôm yipac levac wê Myakɨlôhô Ngɨbua vông ge. Yipac tige Anutu xolac nôn.

Kolosi 3:16

Xam hôm Kɨlisi kɨyang xôn pɨlihi mɨ i yêp vac nɨlôm dɨ xam xovô i nivɨha. Dɨ xam tɨxuu lime ya xolac dɨ viac kɨyang nivɨha vôma ya xovôên nivɨha vɨhati. Xam pɨmil Anutu vac nɨlôm dɨ vông lɨlo wê pɨmil ên i lê ge hɨxôn lɨlo da, dɨ lɨlo wê Myakɨlôhô Ngɨbua vông vô xam ge.

Taitas 2:14

Kɨlisi lam yib ên il ên nêb ob vô il vêl ên nipaên vɨhati yang dɨ vông il vô paha lec, ên nêb il tu i nue wê xo vɨnux ên nêb il vông yuac nivɨha ge.

Hiblu 10:10

Om Yesu Kɨlisi vông tɨyi xocbê Anutu nêl ge dɨ vông ici va ninɨvi tu daa vô Anutu lu tibed. Om daa wê Yesu vông ge kɨtya il wê il vông i vin ge vɨhati nêd nipaên vêl dɨ vông il tu xomxo ngɨbua lec.

Hiblu 10:14

Om daa tibed wê Yesu vông ge vông xomxo wê vông i vin ge vô paha lec mɨ i yêp luta.

Hiblu 10:22

dɨ i hi vông il nɨlôd vô paha lec dɨ kɨtya il nêd soên wê yêp vô il ge la vêl, dɨ Yesu lipac il nidnɨvi vô paha ya mia mayodaên. Om il ob sea kɨyang kɨtyooên vɨhati wê yêp vac il nɨlôd ge i loc vêl, dɨ il ob vông i vin dɨ nɨlôd i o vô yuu lêm, dɨ il la kwabo vô Anutu.

Hiblu 10:29

Om xam ob nêbê va lec xomxo wê ob vô nɨmi vô Anutu nu tuc ge? Kɨlisi hi vông kɨyang paha wê Anutu hɨlu vô il ilage vô nôn lec, dɨ kɨtya il nêd nipaên vêl. Lêc xomxo vông vinên ti obêc vô nɨmi vô Yesu dɨ nêl kɨyang nipaên lec Yesu hi dɨ yê Myakɨlôhô Ngɨbua wê xo vɨgwe pɨsiv ên il ge nipaên ge od xomxo tige ob kô myavɨwen levac lec luu xomxo wê pwoo Moses xolac vac ge vêl.

Hiblu 13:12

Om vô buc wê Yesu yib ge he kô i êno mɨ la vac vɨgwe nɨnyawehe, dɨ i kɨlê vɨyin levac dɨ yib ên nêb ob kɨtya xomxo vɨhati nên nipaên vêl dɨ vông he vô paha lec ya i hi.

Hiblu 4:12

Xam xovô bêga bê Anutu kɨyang ge mavɨha dɨ luu yipac wê manôn vɨlu vɨlu ge vêl, om vông yuac xêkɨzêc vac il nɨlôd tɨyi xocbê il gôl bwoc ya yipac dɨ susu wê dô vac nɨlô nɨlô ge yêp seac. Anutu kɨyang êno vông yuac vac il nɨlôd dɨ vông kɨyang yuu môp wê yêp vac il nɨlôd ge yêp seac vô il mɨ il xovô.

Hiblu 9:14

Lêc hi wê Kɨlisi vông ge luu bwoc hi vêl. Ên nipaên ti o yêp vô Kɨlisi lêm, dɨ Myakɨlôhô Ngɨbua wê ob dô luta lêc luta ge ngɨdu i xôn, mêd Yesu vông hi wê i vông ge la tu daa vô Anutu. Om hi wê i vông ge o lipac il nidnɨvi pɨleva lêm. Nge, lipac il nɨlôd vô paha lec dɨ vô il vêl ên môp wê nôn maên ge ên nêb il vông yuac vô Anutu mavɨha.

Jems 1:18

Anutu vaci xovô nêb ob vông il tu i nue om vông il vô paha lec ya kɨyang nôn wê i vông ge. Anutu vông bêge, ên nêb il tu i nue mugên wê il luu susu vɨhati wê i tung ge vêl.

1 Pita 1:2

Ilage Mag Anutu xovô pyap ên nêb ob vɨnoo xam. Om vɨnoo xam ên nêb xam tu i nue. Dɨ Myakɨlôhô Ngɨbua vông xam tu xomxo ngɨbua ên nêb xam vô nɨnyam lehe vô Yesu Kɨlisi kɨyang dɨ Yesu i lipac xam vô paha lec ya ici va hi. Vɨzid nivɨha hɨxôn kɨyang malehe wê Anutu vông ge i loc vô levac vô xam vɨhati.

1 Pita 3:21

Om môp wê Nôa dô mavɨha vac sip ge tɨxuu il lec môp wê il lipac mia ngɨbua ge bêga nêbê môp mia lipacên ge vô il vêl ên il nêd nipaên om il obêc dô madvɨha. Lêc il o lipac nidnɨvi ên il nêb ningeac i loc vêl lêm. Nge, mia lipacên wê il vông ge tɨyi xocbê il kɨtaa vô Anutu ên il nêb i kɨtya il nêd nipaên vêl dɨ vông il nɨlôd i vô paha lec. Om wê Anutu kɨtya il nêd nipaên vêl ge, kehe lec wê Yesu Kɨlisi kɨdi lec mavɨha vac yibên ge.

2 Pita 1:9

Lêc xomxo vông vinên ti obêc vông môp tibêgee lêm ge od tɨyi xocbê manôn toc dɨ o yê vɨgwe lêm, ên ilage xovô wê Anutu kɨtya i nên nipaên vêl ge lê, lêc gwêbaga lungên môp tige nang.

1 Jon 5:6

Yesu Kɨlisi ge wê lam kɨbun mêd lam lipac mia dɨ lam kɨpyax i hi sea dɨ yib. Lêc o lam lipac mia pɨleva lêm. Nge, lipac mia dɨ kɨpyax i hi sea hɨxôn. Mêd Myakɨlôhô Ngɨbua ge wê mi nêl Yesu kɨtong vô il, ên Myakɨlôhô Ngɨbua ge kɨyang nôn kehe.

Kɨpihac wê Jut kɨvuu ge 1:1

A, Jut, Yesu Kɨlisi nu yuac a, dɨ Jems ge, a lig. A kɨvuu kɨpihac ga vô xam wê Anutu tyuc xam dɨ xam tɨmu vô i ge. Mag Anutu xêyaa vin lec xam dɨ Yesu Kɨlisi viac xam nivɨha.