Epesas 5:23 - Patep

²³ ên lɨyame ge tu xam bamzub tɨyi xocbê Kɨlisi tu il wê il vông i vin ge badzub. Il hɨxôn Kɨlisi tu nôn tibed, dɨ Kɨlisi vaci vô il vêl ên il nêd nipaên.

Epesas 5:23 ပူးပေါင်းရင်းမြစ်များ

Sinale 20:28

Om xam viac xam dɨ xam viac Anutu nue vɨhati, ên Myakɨlôhô Ngɨbua vɨnoo xam nêb xam viac he. Xam viac he i nivɨha, ên Apumtau kɨsuu he ya hi wê ici va vông ge.

1 Kolin 6:13

Xomxo ya nêl ên he nêbê yaên dô ên il xêdyaa dɨ il xêdyaa dô ên yaên. He nêl vɨxôhɨlôg, lêc Anutu obêc vông yuu xôn xôa obêc ma tɨmuên. Dɨ il nidnɨvi ge, Anutu o tung ên nêb il vông môp yôdac vêx yuu vux lêm. Nge, il nidnɨvi ob tu Apumtau xe, dɨ Apumtau ob ngɨdu il nidnɨvi xôn.

Epesas 4:15

Nge, il ob dô tɨyi xocbê xomxo levac dɨ nêl kɨyang hɨxôn nôn vôma dɨ xêdyaa i vin lecma, ên il obêc tɨmu vô môp tibêgee ge od il ob le pɨlihi hɨxôn Kɨlisi wê tu il badzub ge.

Epesas 5:24

Il wê il vông i vin ge, il dô vac Kɨlisi kwa ngɨbi, om xam vêx êno, xam loc vac kɨyang wê lɨyame vông ge kwa ngɨbi i tɨyi buc vɨhati.

Kolosi 1:18

Kɨlisi hɨxôn il xomxo vông vinên vɨhati tɨyi xocbê nôn tibed, lêc Kɨlisi tu il badzub. Kɨlisi ge mugên, dɨ ici va xomxo taxlee wê kɨdi lec mavɨha vac yibên ge, om tu xomxo hɨxôn susu vɨhati bazub dɨ ti o luu i vêl lêm.

1 Tesalonaika 1:10

Dɨ he nêl xam kɨtong ên nêbê xam dɨyaxên buc wê Anutu nu tuc ob sea ben lag puunê dɨ lop mɨ lôm ge. Anutu nu tuc ge wê yib lêc Anutu tɨpi vô i kɨdi lec mavɨha vac yibên. Ge Yesu wê ob vô il vêl ên Anutu xêyaa myavɨnê wê ob val vô xomxo lec buc tɨmuên ge.

Levelesen 19:7

Om il ob dô hɨxôn xêdyaa nivɨha dɨ hi vɨxad i pec ên i dɨ pɨmil i lê, ên gwêbaga buc wê bwoc Sipsip Nu obêc ii vêx ti, om vêx tyo viac i pyap mɨ dô.

Levelesen 5:9

Mêdêc he gyovɨxa vông lɨlo paha ti bêga ên nêbê, “Ông nivɨha tɨyi wê ông ob hôm kɨpihac tyo dɨ tax tep vêl ên ge. Ên xomxo hi ông wib ilage, dɨ ông kɨsuu xomxo vêl ya hi wê ông vông ge dɨ kɨtya he nên nipaên vêl, dɨ vông he loc vô Anutu. Ông kɨsuu xomxo kehe toto, dɨ vya toto, dɨ ninɨvi toto, dɨ xomxo vac vɨgwe toto ge hɨxôn,