Epesas 5:19 - Patep

¹⁹ Om kɨyang wê xam keac vôma ge, xam keac dɨ vông lɨlo wê pɨmilên Anutu ge, hɨxôn lɨlo daa, dɨ lɨlo wê Myakɨlôhô Ngɨbua vông vô xam ge, dɨ xam vông lɨlo vô Apumtau vac myam dɨ vông vac nɨlôm hɨxôn,

Epesas 5:19 ပူးပေါင်းရင်းမြစ်များ

Matyu 15:8

‘Xomxo tigee pɨmil a ya mya pɨleva, lêc he nɨlô le teva ên a.

Matyu 26:30

Pyap dêc he vông lɨlo ti dɨ la vɨxun dɨ la lec kɨtôn Oliv.

Sinale 16:25

Vô vɨvuaên mahɨgun Pol yuu Sailas kɨtaa dɨ vông lɨlo vô Anutu, dɨ tɨbii vɨhati wê dô vac xumac kalabuhu gee he ngô hɨxôn.

1 Kolin 14:15

Om a ob vông bêna lec môp tige? A ob vông môp bêga, a obêc kɨtaa ge od a kɨnug obêc kɨtaa dɨ a pɨyôp ob xovô hɨxôn. Dɨ a obêc vông lɨlo ge od a kɨnug ob vông dɨ a pɨyôp ob xovô hɨxôn.

1 Kolin 14:26

Om xam lige, il ob vông môp bêna? Buc wê xam ob kɨtucma ge od yuac yêp vô xam vɨhati, om xam ti obêc vông lɨlo, dɨ ti ob tɨxuu xam ya xolac, dɨ ti ob nêl Anutu xolac dɨ ti ob nêl kɨyang vac vya xôpacên dɨ ti ob pɨlepac kɨyang tige. Xam vông môp tigee vɨhati ên i ngɨdu vông vinên wê xam vông ge xôn.

Kolosi 3:16

Xam hôm Kɨlisi kɨyang xôn pɨlihi mɨ i yêp vac nɨlôm dɨ xam xovô i nivɨha. Dɨ xam tɨxuu lime ya xolac dɨ viac kɨyang nivɨha vôma ya xovôên nivɨha vɨhati. Xam pɨmil Anutu vac nɨlôm dɨ vông lɨlo wê pɨmil ên i lê ge hɨxôn lɨlo da, dɨ lɨlo wê Myakɨlôhô Ngɨbua vông vô xam ge.

Jems 5:13

Xam lime ti obêc tulec vɨyin ge od i kɨtaa vô Anutu lê. Me xam ti xêmyaa obêc vô nivɨha ge od i vông lɨlo vô Anutu hɨxôn pɨmilên.

Levelesen 5:9

Mêdêc he gyovɨxa vông lɨlo paha ti bêga ên nêbê, “Ông nivɨha tɨyi wê ông ob hôm kɨpihac tyo dɨ tax tep vêl ên ge. Ên xomxo hi ông wib ilage, dɨ ông kɨsuu xomxo vêl ya hi wê ông vông ge dɨ kɨtya he nên nipaên vêl, dɨ vông he loc vô Anutu. Ông kɨsuu xomxo kehe toto, dɨ vya toto, dɨ ninɨvi toto, dɨ xomxo vac vɨgwe toto ge hɨxôn,