Epesas 4:14 - Patep

¹⁴ Mêgem il ob dô tɨyi xocbê nue nipwopwo ge lêm. Ên xomxo kɨtyooên obêc tɨxuu nipwo ya xolac ba ti, me dɨdii he mɨ la vac môp kɨtyooên ge od ob vô pɨlepac pɨlepac vô he tɨyi xocbê gwec vuac dɨ pɨlepac dipac dɨ lea vô pop pop vô dipac la dɨ lôm ge. Om il ob dô tɨyi xocbê nipwopwo tibêgee lêm.

Epesas 4:14 ပူးပေါင်းရင်းမြစ်များ

Matyu 11:7

Jon nue ngɨvihi lax mɨ la vêl, dɨ Yesu nêl kɨyang vô xomxo kɨdu levac tige lec Jon bêga ên nêbê, “Ilage wê xam la vô Jon vac vɨgwe mahɨgun pɨleva ge od xam la ên xam nêb xam ob la wê vatyaê? Xam la ên xam nêb xam ob la wê duvac wê lea kɨlê i la dɨ i hɨvip lec nang ge, me? Maê.

Matyu 24:11

Dɨ plopete kɨtyooên tɨbeac obêc val kɨtyoo xomxo tɨbeac.

Matyu 24:24

Ên tɨbii kɨtyooên ya ob val nêl bê he Kɨlisi me plopete, dɨ he ob vông do levac toto ên nêb ob pɨlepac xomxo nɨlô i loc vô kɨyang kɨtyooên, dɨ he nêb he ob kɨtyoo xomxo wê Anutu vɨnoo pyap ge hɨxôn.

Sinale 23:21

Om ông o lêc ngô he vya lêm, ên he lie 40 dô vac môp ên nêb ob hi Pol i yib, ên he hɨlu kɨyang bêga nêbê he ob ngɨbua yaên hɨxôn numên dɨ i loc tyip lec buc wê he ob hi Pol i yib ge. Dɨ gwêbaga he dô bin ông nêb ông tyuc lec kɨyang wê he nêl ge.”

1 Kolin 12:2

Xam xovô ên xam nêbê buc wê xam gên dô mamdɨluhu dɨ lungên xolac ge, od xam nɨlôm vông xam la vô anutu kɨtyooên wê mayibên ge.

1 Kolin 14:20

Xam lige, xam o lêc xovô kɨyang xocbê he nipɨpwo xovô ge lêm. Vɨxôhɨlôg, môp wê nipaên ge, xam o lêc xovô môp tibêge lêm, i tɨyi xocbê nipwo wê xovôên ma ge. Lêc kɨyang nôn ge, od xam xovô nivɨha i tɨyi xocbê xomxo levac wê xovôên ge.

1 Kolin 3:19

Ên pɨyôp yuu xovôên kɨbun ga, Anutu yê tɨyi xocbê pɨyôp yacyac. Tɨyi xocbê kɨyang wê yêp vac kɨpihac xolac bêga ên nêbê “Xomxo wê pɨyôp levac ge Anutu ob ku he xôn ya kɨyang kɨtyooên wê heche va vông ge tɨyi xocbê he vac pulac.”

2 Kolin 2:17

Xomxo tɨbeac nêl xolac tɨyi xocbê yuac bisnis wê he ob kô mone lec ge, lêc xe o vông môp tibêge lêm. Nge, xe nêl xolac ya nɨlôm tibed dɨ xe o nêl kɨyang kɨtyooên ya hɨxôn lêm. Ên xe tu Kɨlisi nue om xe le vô Anutu manôn dɨ nêl xolac wê Anutu vông vô xe ên nêb xe nêl vô xomxo vɨhati ge.

2 Kolin 4:2

Nge, xe vô nɨmim vô môp xôpacên wê nipaên ge, dɨ xe o kɨtyoo xomxo ya kɨyang lêm, dɨ xe o kô kɨyang baba ya mɨ lôm juda vac Anutu xolac hɨxôn lêm. Nge, xe nêl kɨyang nôn kɨtong vô xomxo, ên xe nêb he i ngô dɨ xovô bê yuac wê xe vông vô Anutu manôn ge, xe vông nivɨha.

Galesia 3:1

Xam Galesia, xam pɨyôp maên! Ên a nêl Yesu Kɨlisi môp wê lam yib lec xax pola ge kɨtong vô xam mɨ xam ngô tɨyi xocbê xam wê lec mamnôn ge, lêc bêna lêc xam pɨyôp vô judajuda?

Epesas 6:11

Xam vɨnyum susu vevac wê Anutu vông vô xam ge lec xam nimnɨvi xôn dɨ le xêkɨzêc dɨ vông vevac vô Seten dɨ pwoo kɨyang kɨtyooên wê i vông ge i pec.

1 Timoti 3:6

Xomxo wê gên vông i vin paha ge ti o tɨyi wê ob kô yuac gyovɨxa ge lêm, ên obêc yong i ge od Anutu ob tii i vêl tɨyi xocbê tii Seten vêl ilage.

2 Timoti 1:15

Timoti, ông xovô pyap ên ông nêbê Piselas yuu Hemosenis hɨxôn xomxo vông vinên vɨhati wê dô vac vɨgwe levac Esia ge, he sea a.

2 Timoti 3:13

Dɨ xomxo nipaên hɨxôn xomxo kɨtyooên ob vông môp nipaên vô levac, dɨ nipaên wê he vông ge ob vɨyum he xôn, dɨ he ob kɨtyoo xomxo tɨbeac, lêc Seten ob kɨtyoo he.

2 Timoti 4:3

Ên obêc buc tɨmuên ge od xomxo ob nêb ngô kɨyang nôn lêm. Nge, he ob tɨmu vô môp wê heche va xovô ge, dɨ vɨnoo xomxo wê ob tɨxuu he ya kɨyang vaxvax wê he ngô nêb nivɨha ge.

Hiblu 13:9

Xomxo ya obêc val nêl xolac ba vô xam ên nêb ob pɨlepac xam la vac môp wê he vông ge od xam o lêc sea Anutu dɨ tɨmu vô môp wê he vông ge lêm. Ên xomxo ya nêl kɨyang kɨtyooên lec susu yaên ên nêbê xomxo obêc tɨmu vô ge od ob vô nivɨha vô he. Lêc môp tibêge o tɨyi wê ob ngɨdu il xôn ge lêm. Nge, vɨzid wê Anutu vông ge wê obêc ngɨdu il xôn dɨ il obêc dô nivɨha ya.

Jems 1:6

Lêc xomxo ti obêc kɨtaa ge, od i vông i vin xêkɨzêc, dɨ nɨlô i o lêc vông yuu lêm. Ên xomxo ti wê nɨlô vông yuu ge tɨyi xocbê gwec wê lea vɨvêê dɨ i vô myapɨlôhô pɨleva ge.

Jems 3:4

Dɨ xam xovô lec sip êno. Sip ge susu mabu yocên lê, lêc obêc le pɨleva ge od lea obêc kô mɨ la vac gwec. Dɨ sip stia ge susu nipwo tya lê, lêc xomxo ti wê mi kô sip ge obêc hôm lec mɨ ngɨbina ge od sip la bôbac vô môp ti wê nêb ob la vô ge.

2 Pita 2:18

Xomxo tigee kô he lec dɨ keac vya levac lec kɨyang pɨleva wê nôn maên ge. Dɨ he kɨtyoo xomxo wê gên sea môp nipaên wê tɨbii madɨluhu vông ge, dɨ dɨdii he lax mɨ la vac môp yôdac hɨxôn môp nipaên wê he ninɨvi xovô ge.

1 Jon 2:19

Xomxo nipaên tigee dô vac il mahɨgun lê, lêc sea il, ên he o il lige vông vinên lêm. Ên he obêc il lige ge od he obêc dô hɨxôn il. Lêc he sea il, om ge nêl he kɨtong seac nêbê he o il lige ya lêm.

1 Jon 2:26

Kɨyang ga, a kɨvuu vô xam lec xomxo wê nêb ob kɨtyoo xam ya kɨyang kɨtyooên ge.

1 Jon 4:1

Xam lige, plopete kɨtyooên tɨbeac dô vac vɨgwe vɨyang vɨyang, om le i lêc vông i vin xomxo vɨhati kɨyang wê nêl ên nêbê Myakɨlôhô Ngɨbua dô vac he nɨlô dɨ vông xovôên vô he ge lêm. Nge, xam yaxên he dɨ xovô bê ge Anutu Myakɨlôhô Ngɨbua nôn, me ge bangwe?

Kɨpihac wê Jut kɨvuu ge 1:12

Buc vɨhati wê xam kɨtuc yaên mɨ wa i yêp tibed ên wê xam xêmyaa vin lecma ge od xomxo kɨtyooên tibêgee lam kɨtuc lec xam dɨ vông môp nipaên vac xam mahɨgun. He viac heche va dɨ o ngɨdu xam xôn lêm. Om he tɨyi xocbê susu ningeac wê vông xam kɨtucmaên vô nipaên ge. Dɨ he tɨyi xocbê lun mapɨtoc, lêc lun valên ma dɨ lea vɨvêê lam la vêl. Dɨ he tɨyi xocbê xax wê ob vuac nôn ge, lêc buc wê ob vuac ge od o vuac nôn lêm. Dɨ he tɨyi xocbê xax wê mupac dɨ xomxo pul vêl hɨxôn ngɨlôhô ge.

Levelesen 19:20

Mêdêc xomxo tyo hôm bwoc vɨmen hɨxôn plopete kɨtyooên xôn. Plopete kɨtyooên tige wê mi le vô bwoc vɨmen manôn dɨ vông do levac ên nêb ob kɨtyoo xomxo ya do tigee. Om kɨtyoo xomxo wê bwoc vɨmen mak yêp lec he dɨ he yev vɨxa kɨtu vô i kɨnu ge. Yuu gên dô mavɨha, dɨ xomxo tige nêx yuu la vac madia wê ngwax yuu ngɨdax salpa tum vac ge.