Epesas 3:20 - Patep

²⁰ Xêkɨzêc wê Anutu vông ge vông yuac vac il nɨlôd, om il obêc xo susu ti, me il obêc kɨtaa susu ti vô i ge od Anutu tɨyi wê obêc vông vô il i luu wê il xovô me il kɨtaa vô i ge vêl.

Epesas 3:20 ပူးပေါင်းရင်းမြစ်များ

Matyu 3:9

Dɨ le i lêc yong xacxam va dɨ xo bê Eblaham bue xam lêm. Ên a ob nêl vô xam bê Anutu tɨyi wê ob nêl dɨ ngɨdax tigae ob tu Eblaham bue ge.

Yesu Kɨlisi xolac nivɨha wê Jon kɨvuu ge 10:10

Tɨbii yôdac lam ên nêb ob vun bwoc sipsip dɨ hi he yib dɨ vông he vô nipaên. Dɨ a ga, a lam ên a nêb sipsip i dô mavɨha dɨ kô vɨzid i luu vêl.

Kɨpihac wê Pol kɨvuu vô tɨbii Lom ge 16:25

Anutu tɨyi wê ob vông xam le xêkɨzêc vac xolac wê a mi nêl ge. Xolac tiga nêl lec Yesu Kɨlisi. Xolac tige yêp xôpacên ilatɨkwê, lêc gwêbaga Anutu vông i lam yêp seac.

Kɨpihac wê Pol kɨvuu vô tɨbii Lom ge 4:21

ên Eblaham xovô vɨnux yang ên nêbê, “Anutu tɨyi wê ob vông kɨyang wê hɨlu vô a ge ob vô nôn lec.”

1 Kolin 2:9

Lêc pɨyôp wê Anutu vông ge tɨyi xocbê kɨyang wê yêp vac xolac bêga ên nêbê “Susu wê xomxo manôn o yê lêm dɨ xomxo nɨnya o ngô lêm dɨ xomxo pɨyôp o xovô lêm ge, ge wê Anutu viac pyap ên nêb obêc vông vô xomxo wê he xêyaa vin lec i ge.”

2 Kolin 9:8

Anutu tɨyi wê ob vông vɨzid vɨhati hɨvun xam xôn, om obêc vông susu wê ob ngɨdu xam xôn ge vô xam i tɨyi buc vɨhati dɨ obêc vông vô xam i luu vêl tɨyi wê xam ob vông yuac nivɨha ya ge.

Epesas 1:19

Dɨ a kɨtaa vô Anutu ên a nêbê i vông xovôên vô xam ên xam xovô bêga bê xêkɨzêc wê Anutu vông ge i ngɨdu il wê il vông i vin ge xôn. Xêkɨzêc wê Anutu vông ge luu xêkɨzêc vɨhati vêl, om il o tɨyi wê il ob yaxên mɨ xovô ge lêm. Xêkɨzêc levac tige vông yuac vac il nɨlôd,

Epesas 3:7

Anutu vông vɨzid nivɨha vô a dɨ vɨnoo a ên nêb a loc nêl xolac nivɨha vô xam. Om vông xêkɨzêc wê i vông ge vô a ên nêb xêkɨzêc tige i ngɨdu a xôn dɨ a vông yuac.

Kolosi 1:29

Om yuac tibêge yuac levac wê a vông ya xêkɨzêc levac wê Kɨlisi vông vô a ge.

1 Timoti 1:14

dɨ vông xêyaa vin lecên wê i vông ge lam hɨvun a xôn, om a vông i vin Yesu Kɨlisi dɨ a xêgyaa vin lec i.

Hiblu 11:19

Eblaham xovô bêga ên nêbê Anutu tɨyi wê obêc tɨpi vô Aisak kɨdi lec mavɨha vac yibên tii vac nang ge. Om Eblaham nêb ob hi Aisak i yib lêc Anutu le vac xôn, om tɨyi xocbê Eblaham kô Aisak vac yibên.

Hiblu 7:25

Om xomxo obêc vông i vin Yesu dɨ vông nɨlô la vô Anutu ge, od Yesu tɨyi wê ob vô he vêl ên he nên nipaên dɨ vông he dô mavɨha luta lêc luta ge, ên Yesu ob dô mavɨha luta dɨ kɨtaa vô Anutu ên nêb i ngɨdu he xôn.

Jems 4:12

Lêc Anutu tibed wê tu xolac kehe ge dɨ i tibed wê ob yaxên xomxo ge. Om Anutu tɨyi wê ob hôm xomxo lec, dɨ i tɨyi wê ob kɨtya xomxo vêl ge. Lêc xam letya wê xam nêb xam ob yaxên lime ge?

2 Pita 1:11

dɨ Anutu obêc tax vuayen ên xam dɨ xam la vac Yesu Kɨlisi ben dɨ Anutu obêc hi vɨxa pec ên xam dɨ viac xam dô luta lêc luta. Yesu Kɨlisi ge il Apumtau wê vô il vêl ên il nêd nipaên.

Kɨpihac wê Jut kɨvuu ge 1:24

Anutu vaci tɨyi wê obêc viac xam nivɨha ên xam o lêc loc vac nipaên lêm. Anutu tɨyi wê ob kô xam mɨ lam le vô i manôn vac xêseac, dɨ nêl vô xam bêga bê nipaên ti o yêp vô xam lêm, mêgem xam xêmyaa obêc vô nivɨha yang.