Epesas 3:18 - Patep

¹⁸ Ên xam obêc le xêkɨzêc vac môp xêyaa vin lecên ge od xam hɨxôn xe vông vinên vɨhati ge, il xôn obêc xovô môp xêyaa vin lecên wê Yesu vông ge. Xêyaa vin lecên wê Yesu vông ge levac dɨ dia ngɨnoo la vêl dɨ vɨyum vɨhati ge xôn,

Epesas 3:18 ပူးပေါင်းရင်းမြစ်များ

Yesu Kɨlisi xolac nivɨha wê Jon kɨvuu ge 15:13

Xomxo ti obêc yib ên ngɨdu lie xôn ge od xêyaa vin lecên wê i vông ge levac luu vêl.

Kɨpihac wê Pol kɨvuu vô tɨbii Lom ge 10:3

Ên môp wê Anutu ob yê xomxo nêb he xomxo nivɨha lec vông vinên ge, he Islel lungên môp tige, om he o la vac môp tige kwa ngɨbi lêm. Nge, he dô vac môp wê tɨmu vô Moses xolac ge ên nêb Anutu i yê he nivɨha lec môp tige.

2 Kolin 13:13

Apumtau Yesu Kɨlisi i vông vɨzid nivɨha vô xam, dɨ xêyaa vin lecên wê Anutu vông ge i viac xam, dɨ Myakɨlôhô Ngɨbua i tɨtup xam xôn dɨ hɨvun xam vɨhati xôn.

Galesia 2:20

om gwêbaga a o dô magvɨha ya xêkɨzêc wê aca va vông ge lêm. Nge, a dô magvɨha ya xêkɨzêc wê Kɨlisi vông ge. Dɨ môp yuu yuac vɨhati wê a vông mɨ dô vac gwêbaga, a vông nɨlôg la dɨluhu vô Kɨlisi wê Anutu nu ge, ên Kɨlisi ge wê xêyaa vin lec a dɨ i yib lec a nêg nipaên.

Galesia 3:13

Moses xolac nêl kɨtong nêbê il ob kô myavɨwen lec nipaên wê il vông ge. Mêlêc Kɨlisi vô il vêl ên myavɨwen tige, ên ici va kô myavɨwen nipaên wê il vông ge, tɨyi xocbê kɨyang wê yêp vac Moses xolac bêga nêbê, “Xomxo wê yux lec xax ge, ge wê kô myavɨwen nipaên vô Anutu.”

Epesas 1:10

Xovôên wê yêp vô Anutu ge bêga nêbê buc wê Anutu vɨnoo pyap ge od obêc kɨtuc xomxo hɨxôn susu vɨhati wê dô lec kɨbun dɨ wê dô vac lag ge lam dô vac Kɨlisi kwa ngɨbi dɨ i ob tu he nên bazub.

Epesas 1:15

A ngô wê xam vông i vin Apumtau Yesu dɨ xam xêmyaa vin lec xomxo vông vinên vɨhati ge,

Epesas 3:19

dɨ luu xovôên wê il vông ge vêl. Om a kɨtaa vô Anutu bêga bê i vông xovôên vô xam ên xam xovô xêyaa vin lecên wê Kɨlisi vông ge, dɨ xêkɨzêc yuu xovôên dɨ vɨzid nivɨha vɨhati wê Anutu vông ge i lam hɨvun xam xôn.

Kolosi 1:4

ên xii ngô wê xam vông i vin Yesu Kɨlisi dɨ xam xêmyaa vin lec xomxo vông vinên vɨhati.

1 Timoti 3:16

Anutu kɨyang nôn ge kehe levac mabu, om xomxo ti o tɨyi wê ob yax vun bê xolac nôn maên ge lêm. Kɨyang tige kehe nêl bêga ên nêbê, Kɨlisi lam tu xomxo kɨbun ga mɨ xomxo yê i, dɨ Myakɨlôhô Ngɨbua nêl kɨtong ên nêbê Kɨlisi ge xomxo nivɨha. Angela yê i, dɨ xomxo la nêl i kɨtong vac vɨgwe vɨyang vɨyang, dɨ xomxo kɨbun ga vông i vin i, dɨ Anutu kô i mɨ lax mɨ la lag puunê.

Levelesen 3:21

Xomxo ti obêc vông vevac vô môp nipaên mɨ pwoo i pec ge od a obêc tyuc lec dɨ i dô lec sia king wê a vông ge hɨxôn a, tɨyi xocbê a vông vevac mɨ pwoo nipaên pec ge od a la dô lec sia king hɨxôn Mag Anutu.