Epesas 3:15 - Patep

¹⁵ Anutu nêl lê tibed lec he wê dô lag puunê gee hɨxôn il wê il dô kɨbun ga ge.

Epesas 3:15 ပူးပေါင်းရင်းမြစ်များ

Sinale 11:26

Yêvô om yuu lax mɨ la Antiok, mêd yuu dô hɨxôn xomxo vông vinên Antiok tɨyi klismas ti dɨluhu dɨ le vông xolac vô he tɨbeac. Gê Antiok he nêl xomxo vông vinên lê nêbê Klisten taxlee.

Epesas 1:10

Xovôên wê yêp vô Anutu ge bêga nêbê buc wê Anutu vɨnoo pyap ge od obêc kɨtuc xomxo hɨxôn susu vɨhati wê dô lec kɨbun dɨ wê dô vac lag ge lam dô vac Kɨlisi kwa ngɨbi dɨ i ob tu he nên bazub.

Epesas 1:21

Mêgem gwêbaga Kɨlisi tu levac mɨ ngɨnoo xomxo levac kɨbun ga vêl, dɨ ngɨnoo angela hɨxôn vɨmwo nipaên vɨhati vêl, dɨ ngɨnoo susu hɨxôn xomxo vɨhati vêl, dɨ kô lê levac dɨ ngɨnoo xomxo lê levac vɨhati vêl, he wê dô gwêbaga hɨxôn he wê ob dô tɨmuên ge.

Epesas 3:14

Mag Anutu kɨtuc xe Yuda hɨxôn xam baba ge lam dô kɨdu tibed, om a yev vɨxag kɨtu vô Mag dɨ pɨmil i lê.

Epesas 3:16

Om a kɨtaa vô Anutu bêga bê xêseac nivɨha wê yêp vô i ge i lam ngɨdu xam xôn, dɨ i vông Myakɨlôhô Ngɨbua wê i vông ge i dô vac xam nɨlôm dɨ xam le xêkɨzêc ta.

Kolosi 1:20

Ilage Anutu yê il hɨxôn susu lag yuu kɨbun vɨhati tɨyi xocbê il vông vevac vô i. Lêc Anutu nêb ob vɨlu vô xomxo hɨxôn susu vɨhati ge i loc dô vac i kwa ngɨbi. Om vông nu tuc lam yib lec xax pola dɨ kɨpyax i hi sea, om nu tuc vông kɨsoac mɨ le vac il Anutu mahɨgun dɨ hi ni nyagên wê Anutu vông vô il ge.

Levelesen 2:17

“Xam nɨnyam obêc yêp ge od xam ngô kɨyang ga wê Myakɨlôhô Ngɨbua nêl vô xomxo vông vinên vac vɨgwe vɨhati ge. Xomxo ti obêc vông vevac vô môp nipaên mɨ pwoo i pec ge od a obêc vông yaên lag puunê lê nêbê mana wê dô xôpacên ge vô i ên i ya, dɨ a obêc vông ngɨdax kwem ti vô i dɨ kɨvuu i lê paha lec ngɨdax tyo, dɨ xomxo bangwe ob xovô lê paha tige lêm. Nge, xomxo ti wê lê yêp lec ngɨdax tige vaci obêc yê dɨ xovô.”

Levelesen 3:12

Xomxo ti obêc vông vevac vô môp nipaên mɨ pwoo i pec ge od a obêc vông i le tɨyi xocbê xax xêkɨzêc wê le vac Mag Anutu xumac ngɨbua nɨlô ge, dɨ xomxo tige ob sea xumac ngɨbua nɨlô dɨ lam lop mɨ la vêl lêm, dɨ a ob kɨvuu Mag Anutu lê lec i dɨ kɨvuu Mag Anutu vɨgwe levac lê lec i hɨxôn. Vɨgwe tige, Jelusalem paha wê Mag Anutu obêc vông i lop mɨ lam gê lag puunê ge. Dɨ a ob kɨvuu a lêg paha lec xomxo tyo hɨxôn.