Epesas 2:6 - Patep

⁶ Anutu tɨpi vô il kɨdi lec madvɨha hɨxôn Kɨlisi dɨ il tu Kɨlisi xe, om vông il lêd vô levac hɨxôn Yesu Kɨlisi gê kɨsii ganê.

Epesas 2:6 ပူးပေါင်းရင်းမြစ်များ

Matyu 26:29

A nêl vô xam bêga bê a obêc num mia wain ti i tii vac lêm dɨ i la tyip vô buc wê a ob num wain paha hɨxôn xam vac Mag Anutu ben ge.”

Yesu Kɨlisi xolac wê Luk kɨvuu ge 12:37

Om xomxo levac tyo obêc vena yê wê nue yuac dô mavɨha dɨ yêpên ma ge od ob hi vɨxa pec ên he. A ob nêl hɨxôn nôn vô xam bê xomxo levac tyo obêc vêx nivɨmihi tɨyi wê nue yuac mi vɨnyum ge dɨ vông he dô kɨdu ti dêc ici va obêc tɨtang yaên vô he.

Yesu Kɨlisi xolac nivɨha wê Jon kɨvuu ge 12:26

Xomxo ti obêc nêb vông yuac wê a vông ge od i lam tɨmu vô a, ên vɨgwe wê a ob dô vac ge, a nuge yuac obêc dô hɨxôn a. Dɨ xomxo ti obêc vông yuac wê a vông ge od Mag obêc vông lê levac vô i.

Yesu Kɨlisi xolac nivɨha wê Jon kɨvuu ge 14:3

Dɨ a obêc viac pyap ge, od a ob lôm kô xam, ên xam loc dô hɨxôn a vac vɨgwe wê a ob dô vac ge.

Epesas 1:1

A, Pol wê Anutu vɨnoo a ya xovôên wê ici va vông ge ên nêb a tu Yesu Kɨlisi nu sinale ti. A kɨvuu kɨyang tiga vô xam Epesas wê xam tu Anutu nue dɨ xam vông i vin Yesu Kɨlisi ge.

Epesas 1:3

Il ob pɨmil Anutu wê il lig Apumtau Yesu Kɨlisi ma yuu Anutu. Il tu Kɨlisi nue, om Anutu vông vɨzid kɨsii ganê vɨhati vô il ên nêb he i ngɨdu il xôn.

Epesas 2:10

Anutu vaci tung il vɨhati dɨ vông il vô paha lec, lec yuac wê Kɨlisi vông ge, ên nêb il tɨmu vô môp nivɨha vɨhati wê i viac pyap ila ên nêb il ob la vac ge.

Epesas 2:13

Ilage xam dô teva ên Anutu, lêc Kɨlisi lam yib dɨ kɨpyax i hi sea ên nêb ob dɨdii xam lôm vô Anutu. Om gwêbaga xam lam dô kwabo vô Anutu lec yuac wê Yesu Kɨlisi vông ge.

Kolosi 1:18

Kɨlisi hɨxôn il xomxo vông vinên vɨhati tɨyi xocbê nôn tibed, lêc Kɨlisi tu il badzub. Kɨlisi ge mugên, dɨ ici va xomxo taxlee wê kɨdi lec mavɨha vac yibên ge, om tu xomxo hɨxôn susu vɨhati bazub dɨ ti o luu i vêl lêm.