Epesas 1:6 - Patep

⁶ Om il ob pɨmil Anutu ên vɨzid nivɨha yang wê vông pɨleva vô il ge. Anutu vông vɨzid tige vô il lec yuac wê nu tuc vông vô il ge. Anutu xêyaa vin lec nu tuc.

Epesas 1:6 ပူးပေါင်းရင်းမြစ်များ

Matyu 17:5

Pita gên nêl kɨyang tibêge, mêdêc vɨyobtoc wê xêseac ge ti lam hɨvun he xôn, dɨ vya ti lam vac vɨyobtoc tige nɨlô dɨ nêl ên nêbê, “Ge a nug wê a xêgyaa vin lec i dɨ a xê i nivɨha ge om xam ngô kɨyang wê i vông ge.”

Matyu 20:9

“Mêd he wê val vông yuac vô 5 klok hucên ge lam tax dɨ he vɨhati kô mone kehe titi tɨyima.

Matyu 3:17

Mêdêc vya ti lam gê lag puunê bêga nêbê, “A nug tige wê a xêgyaa vin lec i dɨ a xê i nivɨha.”

Yesu Kɨlisi xolac wê Luk kɨvuu ge 2:14

“Anutu lê i vô levac gê lag puunê, dɨ kɨyang malehe i lam kɨbun ga vô xomxo wê Anutu yê nivɨha ge.”

Yesu Kɨlisi xolac nivɨha wê Jon kɨvuu ge 10:17

Mag xêyaa vin lec a dɨ kehe bêga nêbê a ob vông a dɨluhu vac yibên, nang dêc a ob kɨdi lec magvɨha nang.

Yesu Kɨlisi xolac nivɨha wê Jon kɨvuu ge 3:35

Ma Anutu xêyaa vin lec nu tuc, om vông susu vɨhati vac i vɨgê.

Kɨpihac wê Pol kɨvuu vô tɨbii Lom ge 8:1

Mêgem il wê il vông i vin Yesu Kɨlisi ge, myavɨwen wê xomxo ob kô lec nên nipaên ge, ti ob tulec il lêm.

2 Kolin 4:15

Vɨyin vɨhati wê xe kɨlê ge ob vô nôn nivɨha vô xam, êdêc vɨzid wê Anutu vông ge i loc vô xomxo tɨbeac dɨ he i hi vɨxa i pec ên Anutu dɨ yong i lê i vô levac.

2 Kolin 5:21

Kɨlisi o vông môp nipaên ti lêm, lêcom Anutu kɨtuc il nêd nipaên vɨhati la lec Kɨlisi dɨ i yib ên il. Anutu vông bêge ên nêb ob yê il nivɨha lec yuac wê Kɨlisi vông ge.

Epesas 1:12

Anutu vông xolac mug lec xe Yuda taxlee dɨ vɨnoo xe ên nêb xe pɨmil Anutu wê xêseac kehe ge.

Epesas 1:14

Myakɨlôhô Ngɨbua dô vac il nɨlôd, om vông xovôên vô il bêga nêbê Anutu ob kô il mɨ il la dô hɨxôn i. Dɨ Myakɨlôhô Ngɨbua obêc dô vac il nɨlôd dɨ i loc tyip lec buc tɨmuên wê il ob la vô Anutu ge dɨ ob sea il lêm. Om il ob xovô vɨzid wê Anutu vông vô il ge dɨ pɨmil i lê i vô levac.

Epesas 1:18

A kɨtaa ên a nêb Anutu i vông xam pɨyôp i yêp seac ên xam xovô nôn nivɨha wê Anutu nêl ên nêb obêc vông vô xam ge, dɨ xam xovô vɨzid nivɨha vɨhati wê Anutu nêl xam lêm lec pyap mɨ i dô bin xam wê xam tu i nue ge.

Epesas 2:7

Anutu vông bêge ên nêb xomxo vɨhati wê dô gwêbaga hɨxôn he wê obêc dô tɨmuên ge, he i xovô bêga bê Anutu vông vɨzid nivɨha vô il. Vɨzid nivɨha tige bêga nêbê Anutu xo vɨgwe pɨsiv ên il dɨ vông Yesu Kɨlisi lam vô il vêl ên il nêd nipaên. Om vɨzid nivɨha tige luu vɨzid vɨhati yang vêl.

Pilipai 1:11

dɨ môp nivɨha wê xam vông ge ob vô nôn nivɨha vô xam i luu vêl ya xêkɨzêc wê Yesu Kɨlisi vông ge. Om xomxo ob yê dɨ pɨmil Anutu dɨ vông i lê i vô levac.

Pilipai 3:9

dɨ dô hɨxôn i. Ilage a xo bêga ên a nêb Moses xolac wê a mi tɨmu vô ge ob vông Anutu yê a nivɨha dɨ nêl bê a xomxo bôbac ti. Lêc gwêbaga a o xo bêge lêm. Nge, a xo ên a nêbê Anutu ob yê a nivɨha dɨ nêl bê a xomxo bôbac ên wê a vông i vin Kɨlisi ge. Om môp tibed wê Anutu ob yê xomxo nivɨha ge, ge môp vông vinên.

Pilipai 4:19

Il nêd Anutu ge tu susu nivɨha vɨhati yang kehe. Om xam susu ti obêc ma ge od Anutu ob vông vô xam i tɨyi wê xam nêb xam ob kô ge, ên wê xam tu Yesu Kɨlisi xe ge.

Kolosi 1:13

Anutu vô il vêl ên xêkɨzêc yuu mapɨtoc wê Seten vông ge dɨ tung il la dô vac xêkɨzêc yuu xêseac wê Anutu nu tuc vông ge. Nu tuc ge wê Anutu xêyaa vin lec i,

1 Pita 2:5

Dɨ xam êno ge, xam tɨyi xocbê ngɨdax wê mavɨha ge. Om xam tyuc lec ên Anutu i vɨlu vô xam dɨ vông xam tu xumac ngɨbua wê Myakɨlôhô Ngɨbua ob dô vac ge. Dɨ xam ob vông yuac wê ngɨbua ge dɨ vông xam tu xocbê daa vô Anutu. Xam vông bêge ên Anutu i xo yuac wê Yesu Kɨlisi vông ge dɨ yê daa wê xam vông ge i nivɨha.

1 Pita 2:9

Lêc xam ge, Anutu vɨnoo xam pyap mɨ xam tu xomxo wê Anutu nêb ob viac xam ge, dɨ xam tu xomxo wê xam ob vông yuac vô Anutu tɨyi xocbê xomxo wê si daa vô Anutu ge, dɨ xam tu xomxo ngɨbua, dɨ xam tu xomxo wê Anutu vông ge, dɨ Anutu vɨnoo xam ên nêb xam loc nêl yuac nivɨha wê i vông ge kɨtong. Anutu tyuc xam om xam sea mapɨtoc dɨ i dɨdii xam vô xêseac nivɨha wê i vông ge.

1 Pita 4:11

Om Anutu obêc vông xovôên vô xomxo ti ên nêb i nêl kɨyang ge od xomxo tige i nêl Anutu kɨyang. Dɨ Anutu obêc vông xovôên vô xomxo ti ên nêb i ngɨdu xomxo xôn ge od xomxo tige i ngɨdu xomxo xôn ya xêkɨzêc wê Anutu vông vô i ge. Xam obêc vông Anutu yuac toto bêge ge od xomxo ob yê yuac wê xam vông ge nivɨha dɨ pɨmil Anutu lec Yesu Kɨlisi lê. Xêkɨzêc hɨxôn xêseac i yêp vô i luta lêc luta. Nôn.