Epesas 1:20 - Patep

²⁰ dɨ Anutu tɨpi vô Kɨlisi kɨdi lec mavɨha vac yibên ya xêkɨzêc tige dɨ vông i la dô vô Anutu vɨgê hɨyôv gê kɨsii ganê.

Epesas 1:20 ပူးပေါင်းရင်းမြစ်များ

Matyu 26:64

Om Yesu nêl vô i ên nêbê, “Ông nêl i tɨyi. Lêc a nêl vô xam bêga bê obêc buc tɨmuên ge od xam ob wê a, Xomxo Nu, a obêc la dô vô Anutu xêkɨzêc kehe vɨgê hɨyôv, dɨ dô vac vɨyobtoc lag puunê dɨ lam.”

Matyu 28:18

Mêdêc Yesu lam kwabo vô he dɨ lam nêl vô he ên nêbê, “Anutu vông xêkɨzêc lag yuu kɨbun vɨhati vô a pyap.

Yesu Kɨlisi xolac wê Mak kɨvuu ge 14:62

Om Yesu nêl ên nêbê, “A Kɨlisi, Anutu nu. Dɨ xam ob wê a Xomxo Nu, a ob la dô vô Anutu, xêkɨzêc kehe, vɨgê hɨyôv, dɨ a ob vena vac vɨyobtoc kɨsii ganê.”

Yesu Kɨlisi xolac wê Mak kɨvuu ge 16:19

Apumtau Yesu nêl kɨyang vô nue ngɨvihi pyap, dêc Anutu kô i mɨ la lag puunê dɨ i la dô vô ma Anutu vɨgê hɨyôv.

Yesu Kɨlisi xolac nivɨha wê Jon kɨvuu ge 10:18

Xomxo ti o tɨyi wê ob hôm a xôn dɨ hi a xib ge lêm. Nge, aca va ob vông a dɨluhu vac yibên. Aca va xêkɨzêc tɨyi wê a ob vông a la vac yibên ge, nang dêc aca va xêkɨzêc tɨyi wê a ob kɨdi lec ge. Kɨyang tige, Mag nêl vô a ên nêb a vông i vô nôn lec.”

Yesu Kɨlisi xolac nivɨha wê Jon kɨvuu ge 10:30

Xii xôn Mag, nôn tibed.”

Sinale 10:40

dɨ buc yon lam la vêl lêc Anutu tɨpi vô i kɨdi lec vac yibên dɨ hɨlung i le seac vô xe,

Sinale 26:8

Bêna lêc xam ya xo ên xam nêbê Anutu o tɨyi wê ob tɨpi vô xomxo vac yibên ge lêmê?

Sinale 4:10

Om xam vɨhati hɨxôn lime Islel vɨhati, xam xovô bêga bê xêkɨzêc wê Yesu Kɨlisi Nasalet vông ge wê vông xomxo tiga vô nivɨha lec mɨ i le vô xam mamnôn. Yesu ge, xam hi i yib lec xax pola, lêc Anutu tɨpi vô i kɨdi lec vac yibên.

Sinale 5:31

dɨ vông i la dô vô i vɨgê hɨyôv, dɨ i tu il nêd mugên wê ob hôm il lec ge, ên nêb il Islel pɨlepac il dɨ vông nɨlôd i loc vô Anutu ên i kɨtya il nêd nipaên vêl.

Kɨpihac wê Pol kɨvuu vô tɨbii Lom ge 1:4

lêc Yesu ge xomxo xêseac pɨleva ti, om Anutu tɨpi vô i kɨdi lec mavɨha vac yibên ên nêb xomxo i xovô bê Yesu ge Anutu nu wê xomxo xêkɨzêc. Yesu Kɨlisi ge il nêd Apumtau.

Kɨpihac wê Pol kɨvuu vô tɨbii Lom ge 8:34

Om letya ob nêl nêbê xomxo vông vinên ob kô myavɨwen nipaênê? Xomxo ti o tɨyi wê ob nêl ge lêm, ên Yesu Kɨlisi yib mɨ kɨdi lec mavɨha nang, dɨ lax dô vô Anutu vɨgê hɨyôv dɨ kɨtaa vô Anutu ên nêb i ngɨdu il xôn.

Epesas 1:3

Il ob pɨmil Anutu wê il lig Apumtau Yesu Kɨlisi ma yuu Anutu. Il tu Kɨlisi nue, om Anutu vông vɨzid kɨsii ganê vɨhati vô il ên nêb he i ngɨdu il xôn.

Pilipai 3:10

A nêb a ob xovô Kɨlisi vaci, dɨ xovô xêkɨzêc wê i vông ge. Ên Kɨlisi kɨdi lec mavɨha vac yibên om xêkɨzêc wê i vông ge yêp seac, om a nêb a ob xovô xêkɨzêc tige. Dɨ a nêb a ob kɨlê vɨyin i tɨyi xocbê i kɨlê ge. Yesu kɨlê vɨyin mɨ yib lec, om Anutu ob nêbê a êno tɨmu vô bêge ge od a ob kɨlê vɨyin dɨ xib êno.

Kolosi 1:16

Ên nu tuc tu susu lag yuu kɨbun vɨhati yang kehe, dɨ tung susu wê il xê hɨxôn susu wê il xêên ma ge vɨhati êno, om ici va tung he angela wê xêkɨzêc dɨ lê levac ge hɨxôn xomxo levac vɨhati. Anutu nu tuc tung susu vɨhati yang ên nêb he i pɨmil i lê dɨ vông yuac i tɨyi xovôên wê i vông ge.

Kolosi 3:1

Anutu tɨpi vô xam kɨdi lec mamvɨha hɨxôn Kɨlisi, om xam vông nɨlôm i loc vô nôn nivɨha wê yêp lag puunê ge. Ên Kɨlisi tu il nêd levac mɨ la dô lag puunê vô Anutu vɨgê hɨyôv.

Hiblu 1:3

Xêseac wê Yesu vông ge tɨyi xocbê xêseac wê Anutu vông ge, dɨ Yesu hɨxôn Anutu, yuu xôn tɨyima. Dɨ kɨyang wê Yesu vông ge xêkɨzêc om ngɨdu susu lag yuu kɨbun vɨhati yang ge xôn dɨ vông he dô xêkɨzêc. Yesu lam yib ên nêb ob vô xomxo vêl ên he nên nipaên. Pyap dêc lax mɨ la dô vô Anutu vɨgê hɨyôv gê kɨsii ganê.

Hiblu 10:12

Lêc Kɨlisi vông daa lu tibed tɨyi wê ob kɨtya il nêd nipaên vêl i yêp luta ge. Pyap dêc la dô vô Anutu vɨgê hɨyôv,

Hiblu 13:20

Anutu ge kɨyang malehe kehe, dɨ i tɨpi vô il lig Apumtau Yesu kɨdi lec mavɨha vac yibên. Yesu yib dɨ kɨpyax i hi sea om vông kɨyang wê Anutu hɨlu nêbê ob yêp luta ge vô nôn lec vô il, om Yesu tu il nêd levac wê viac il tɨyi xocbê xomxo viac bwoc sipsip ge.

Hiblu 2:9

Nge, il xovô Yesu môci. Ilage Anutu lee yuu ên nêbê Yesu i loc dô vac angela kwa ngɨbi i tɨyi buc myabo wê i lam dô kɨbun ga ge. Anutu xo vɨgwe pɨsiv ên il om vông Yesu lam yib ên il vɨhati nêd nipaên. Yesu kɨlê myavɨnê levac dɨ yib, mêgem Anutu yong Yesu dɨ vông lê levac vô i.

1 Pita 1:3

Il ob pɨmil Anutu wê il lig Apumtau Yesu Kɨlisi Ma yuu Anutu ge lê. Ên Anutu xo vɨgwe pɨsiv ên il luu vêl, om vông il tu xomxo paha xocbê il yubac paha tii vac ge ên wê Yesu Kɨlisi kɨdi lec mavɨha vac yibên. Om il xovô ên il nêbê il obêc dô madvɨha luta lêc luta, dɨ il bin buc wê Anutu obêc vena kô il ge.

Levelesen 1:17

A xê bêge, om a xona dɨ vɨxog mɨ la xêp kɨbun vac i vɨxa kwa ngɨbi xocbê a xib ge. Mêlêc i vyax vɨgê hɨyôv lec a dɨ nêl vô a ên nêbê, “Ông xonaên i ma, ên a xomxo mugên dɨ tɨmuên,