Epesas 1:11 - Patep

¹¹ Anutu vông ya xovôên wê i vông ge om vɨnoo il ên nêb il tu i nue lec yuac wê Kɨlisi vông ge. Ên Anutu obêc nêl kɨyang ti ge od obêc vông i vô nôn lec tɨyi xocbê kɨyang wê yêp ilage.

Epesas 1:11 ပူးပေါင်းရင်းမြစ်များ

Sinale 13:48

Xomxo wê o Yuda lêm gee ngô kɨyang wê Pol nêl ge dɨ he xêyaa vô nivɨha yang dɨ he pɨmil Apumtau xolac, mêd he wê Anutu vɨnoo he ên nêb he ob dô mavɨha luta lêc luta gee he vɨhati vông i vin.

Sinale 2:23

Ilage Anutu xovô dɨ hɨlu kɨyang pyap nêb ob vông Yesu i lam vac xam vɨgêm dɨ xam vông i vac tɨbii nipaên vɨgê mɨ he hi i yib lec xax pola.

Sinale 20:27

Ên a o yax kɨyang ti vun ên xam lêm. Nge, a nêl kɨyang wê Anutu vông ge vɨhati kɨtong vô xam.

Sinale 20:32

“Dɨ gwêbaga a ob tung xam vac Anutu vɨgê dɨ xam dô vac kɨyang xêyaa vin lecên wê Anutu vông ge. Ên kɨyang tige tɨyi wê ob vông xam le xêkɨzêc, dɨ ob vông vɨzid wê Anutu nêb ob vông vô il vɨhati wê il tu i nue ge vô xam hɨxôn.

Sinale 26:18

ên ông vông he manôn i seac dɨ vông he i sea môp mapɨtoc dɨ lam dô vac xêseac, dɨ he i sea xêkɨzêc wê Seten vông ge dɨ lôm vô Anutu dɨ vông i vin a, ên Anutu i kɨtya he nên nipaên vêl dɨ he i dô hɨxôn xomxo wê Anutu vɨnoo he pyap ge.’

Sinale 4:28

He kɨtucma ên nêb ob hi Yesu, tɨyi kɨyang wê ông nêl pyap ilage ya xêkɨzêc wê ông vông ge, ên ông nêb obêc vô nôn lec tɨmuên.

Kɨpihac wê Pol kɨvuu vô tɨbii Lom ge 11:34

Tɨyi xocbê kɨyang wê yêp vac xolac bêga nêbê, “Letya xovô kɨyang wê yêp vac Apumtau pɨyôp ge? Dɨ letya vông xovôên vô i?

Kɨpihac wê Pol kɨvuu vô tɨbii Lom ge 8:17

Il ge Anutu nue, om vɨzid wê nu tuc Yesu kô vô ma Anutu ge, il obêc kô hɨxôn. Ên il obêc kô myavɨnê tɨyi xocbê Kɨlisi ge od il ob la dô vac xêseac hɨxôn Kɨlisi tɨmuên.

Kɨpihac wê Pol kɨvuu vô tɨbii Lom ge 8:28

Il xovô ên il nêbê il wê il xêdyaa vin lec Anutu ge, nivɨha yuu xôn vɨyin obêc tulec il, lêc Anutu obêc vông vɨhati i vô nôn nivɨha vô il, ên il ga wê Anutu xovô pyap nêb ob kô il ge, om tyuc il lam.

Kɨpihac wê Pol kɨvuu vô tɨbii Lom ge 8:29

Ên xomxo wê Anutu xovô he pyap ilage ge, Anutu vɨnoo he nêb he i tu xomxo tɨyi xocbê nu tuc Yesu ge, êdêc Yesu i tu xocbê he li tuc dɨ he i tu xocbê Yesu lie.

Kɨpihac wê Pol kɨvuu vô tɨbii Lom ge 8:30

Dɨ xomxo wê Anutu vɨnoo he ge od tyuc he nêb he i tu i nue, dɨ xomxo wê Anutu tyuc he ge od kɨtya he nên nipaên vêl dɨ yê he nêb he xomxo nivɨha, dɨ xomxo wê Anutu yê he nêb he xomxo nivɨha ge od vông he la dô vac xêseac wê i vông ge.

Kɨpihac wê Pol kɨvuu vô tɨbii Lom ge 9:11

Nu yuu gên o yubac lêm, om yuu gên o vông môp nivɨha me nipaên ti lêm. Lêc Anutu xovô nêb ob vɨnoo nu yuu ngwe i tɨyi xocbê xovôên wê ici va vông ge, om o dô mɨ yê môp wê yuu vông ge lêc vɨnoo ngwe lêm. Nge, vɨnoo ngwe tax, dɨ nu yuu gên o yubac lêm

Galesia 3:18

Ên vɨzid nivɨha wê Anutu hɨlu pyap nêb ob vông ge, Anutu obêc vông vô xomxo ên wê he tɨmu vô Moses xolac ge od obêc kɨtya kɨyang wê Anutu hɨlu vô Eblaham ge vêl. Lêc o bêge lêm, ên vɨzid wê Anutu nêb ob vông ge, Anutu vông i tɨyi kɨyang wê hɨlu vô Eblaham ge.

Epesas 1:14

Myakɨlôhô Ngɨbua dô vac il nɨlôd, om vông xovôên vô il bêga nêbê Anutu ob kô il mɨ il la dô hɨxôn i. Dɨ Myakɨlôhô Ngɨbua obêc dô vac il nɨlôd dɨ i loc tyip lec buc tɨmuên wê il ob la vô Anutu ge dɨ ob sea il lêm. Om il ob xovô vɨzid wê Anutu vông vô il ge dɨ pɨmil i lê i vô levac.

Epesas 1:18

A kɨtaa ên a nêb Anutu i vông xam pɨyôp i yêp seac ên xam xovô nôn nivɨha wê Anutu nêl ên nêb obêc vông vô xam ge, dɨ xam xovô vɨzid nivɨha vɨhati wê Anutu nêl xam lêm lec pyap mɨ i dô bin xam wê xam tu i nue ge.

Epesas 1:5

Anutu xêyaa vin lec il, om ilage ici va vɨnoo il pyap ên nêb il tu i nue lec yuac wê Yesu Kɨlisi vông ge. Anutu vông bêge ya xovôên wê ici va vông ge.

Epesas 1:8

Om wê xo vɨgwe pɨsiv ên il ge, ge vɨzid nivɨha wê Anutu vông i lam hɨvun il xôn, dɨ Anutu vông pɨyôp hɨxôn xovôên vɨhati vô il.

Epesas 1:9

Ilage Anutu xovô yuac wê Kɨlisi ob vông ge, lêc yuac tige yêp xôpacên vô Anutu vaci. Dêc tɨmuên lêc Anutu vông i tɨyi xovôên wê yêp vô i ge om hɨlung xovôên tige lam yêp seac vô il ên nêb il xovô.

Epesas 3:11

Buc taxlee ilage Anutu nêb ob vông yuac tibêge tɨyi xocbê xo mɨ yêp lec Apumtau Yesu Kɨlisi ên nêb Kɨlisi ob vông ge.

Kolosi 1:12

dɨ xam pɨmil il Mag Anutu. Anutu nêb xam tɨyi wê xam ob kô nôn nivɨha vɨhati wê nêl xam lêm lec ge tɨyi xocbê xomxo vông vinên vɨhati wê dô vac xêseac ge ob kô.

Kolosi 3:24

Xam xovô bê xam obêc vông xam yuac i yêp nivɨha ge od vô buc tɨmuên Apumtau obêc vông nôn nivɨha wê nêl xam lêm lec ge vô xam, ên yuac wê xam mi vông ge, xam vông vô Apumtau Yesu Kɨlisi.

Taitas 2:14

Kɨlisi lam yib ên il ên nêb ob vô il vêl ên nipaên vɨhati yang dɨ vông il vô paha lec, ên nêb il tu i nue wê xo vɨnux ên nêb il vông yuac nivɨha ge.

Taitas 3:7

ên nêb môp wê i xo vɨgwe pɨsiv ên il ge i vông il tu xomxo wê Anutu ob yê nivɨha ge dɨ vông il tu i nue dɨ il dô bin buc wê il ob dô madvɨha luta lêc luta ge.

Hiblu 6:17

Mêgem kɨyang wê Anutu hɨlu ge, Anutu nêl ici va lê hɨxôn ên nêb xomxo wê ob tulec nôn ge, he i xovô bêga bê i o kɨtyoo lêm dɨ ob vô pɨlepac pɨlepac vô i kɨyang ti lêm.

Jems 2:5

Xam lige, xam ngô lê. Xomxo wê susu maên gê kɨbun ga ge wê Anutu vɨnoo he pyap nêb he i tu xomxo wê vông vinên xêkɨzêc ge, dɨ nêl nêb he ge wê ob la dô vac i ben lag puunê dɨ kô vɨzid nivɨha wê Anutu hɨlu pyap nêb ob vông vô xomxo wê he xêyaa vin lec i ge.

1 Pita 1:4

Om Anutu obêc vông nôn nivɨha ti vô il bêga nêbê il obêc dô madvɨha hɨxôn i. Nôn nivɨha tige pɨtalên obêc ma dɨ obêc vô nipaên lêm dɨ xôa obêc ma lêm. Nge, Anutu viac nôn nivɨha tige pyap gê lag puunê mɨ dɨbin xam.

1 Pita 3:9

Dɨ xam o vông nipaên vac nipaên lêm, dɨ xomxo obêc nêl kɨyang nipaên vô xam ge od le i lêc luu kɨyang nipaên i loc vô he lêm. Nge, xam kɨtaa vô Anutu ên i vông vɨzid nivɨha vô he. Anutu tyuc xam ên nêb xam vông môp tibêge, om xam obêc vông bêge ge od Anutu ob vông vɨzid nivɨha vô xam vô buc tɨmuên.