2 Pita 3:3 - Patep

³ Om xam lêc xovô taxlee bêga bê vô buc tɨmuên ge od tɨbii ya obêc val vô xam dɨ ob tɨmu vô môp wê he nɨlô kɨdu he ên nêb he ob vông ge, dɨ he ob so vya vô xam ên wê xam vông i vin Anutu ge, om he ob yax mang dɨ nêl vô xam bêga ên nêbê,

2 Pita 3:3 ပူးပေါင်းရင်းမြစ်များ

Yesu Kɨlisi xolac nivɨha wê Jon kɨvuu ge 12:48

Xomxo ti obêc vô nɨmi vô a dɨ ngôên a kɨyang obêc ma ge od i nên wê ob yaxên i ge yêp, ên kɨyang wê a nêl ge obêc yaxên i vô buc tɨmuên.

2 Kolin 4:2

Nge, xe vô nɨmim vô môp xôpacên wê nipaên ge, dɨ xe o kɨtyoo xomxo ya kɨyang lêm, dɨ xe o kô kɨyang baba ya mɨ lôm juda vac Anutu xolac hɨxôn lêm. Nge, xe nêl kɨyang nôn kɨtong vô xomxo, ên xe nêb he i ngô dɨ xovô bê yuac wê xe vông vô Anutu manôn ge, xe vông nivɨha.

2 Timoti 3:1

Ông xovô bêga bê vô buc myahɨpu ge od vɨyin tɨbeac obêc val.

Hiblu 1:2

Lêc buc tɨmuên vɨwen gwêbaga Anutu vông môp paha bêga nêbê vông nu tuc lam ên nêb i lam nêl Anutu kɨyang i yêp seac vô il. Ilage Anutu nêl om nu tuc tung lag yuu kɨbun, dɨ Anutu vɨnoo i pyap ên nêb ob nêl nu tuc lê lec susu lag yuu kɨbun vɨhati.

2 Pita 1:20

Lêc taxlee ge xam xovô bêga bê xomxo ti o tɨyi wê ob nêl plopete kɨyang kehe kɨtong ya xovôên wê ici va vông ge lêm.

2 Pita 2:10

Plopete kɨtyooên obêc kô myavɨwen nipaên i luu vêl, ên he mi vông môp yôdac hɨxôn môp ningeac vɨhati, dɨ yê Anutu kɨyang hɨxôn xomxo levac kɨyang tɨyi xocbê kɨyang pɨleva ge, dɨ he mi yong he dɨ tɨmu vô môp wê he nɨlô xovô ge, dɨ he nêl kɨyang nipaên lec angela lag kɨsiinê dɨ o xona lêm.

1 Jon 2:18

Xam nuge, gwêbaga buc myahɨpu vô kwabo lec. Ên xam ngô kɨyang pyap ilage wê nêb xomxo levac ti obêc val vông vevac vô Kɨlisi vô buc myahɨpu ge, mêd gwêbaga xomxo nipaên tibêgee tɨbeac dɨvông vevac vô Kɨlisi ya kɨyang kɨtyooên, om il xovô ên il nêbê ga buc myahɨpu vô kwabo lec.

Kɨpihac wê Jut kɨvuu ge 1:16

Xomxo kɨtyooên tigee mi nêl kɨyang nipaên lec Anutu, dɨ he xêyaa vô myavɨnê lec môp yuu susu vɨhati, dɨ he nɨlô kɨdu he ên môp nipaên wê yêp vac he nɨlô ge, dɨ he mi keac vaxvax dɨ yong he lê, dɨ nêl kɨyang hɨzi vô xomxo ên nêb he i vông susu ya vô he.

Kɨpihac wê Jut kɨvuu ge 1:18

ên he nêl ên he nêbê, “Obêc vô kwabo lec buc tɨmuên myahɨpu ge od xomxo ya ob yax xolac wê Anutu vông ge vun dɨ ob vô nɨmi vô Anutu, dɨ he nɨlô ob la vô môp nipaên wê yêp vac he nɨlô ge.” Sinale nêl bêge ilage.