2 Pita 3:2 - Patep

² A nêb xam xovô kɨyang wê plopete ngɨbua nêl ilage i tii vac, ên he nêl kɨtong lec buc wê obêc val tɨmuên ge. Dɨ xam xovô xolac wê il Apumtau vông ge. Apumtau vô il vêl ên il nêd nipaên, dɨ vông i xolac vô lime sinale dɨ he nêl kɨtong vô xam mɨ xam ngô. Om xam ngô dɨ xovô i tii vac.

2 Pita 3:2 ပူးပေါင်းရင်းမြစ်များ

Yesu Kɨlisi xolac wê Luk kɨvuu ge 1:70

i tɨyi xocbê Anutu nêl vô i plopete ngɨbua ilage mɨ he nêl kɨtong ge.

Yesu Kɨlisi xolac wê Luk kɨvuu ge 24:27

Yesu nêl bêge pyap, nang dêc nêl Moses xolac dɨ nêl plopete kɨyang ge vɨhati kehe kɨtong hɨxôn vô yuu, ên nêbê kɨyang gee vɨhati nêl lec i.

Yesu Kɨlisi xolac wê Luk kɨvuu ge 24:44

Nang dêc Yesu nêl vô he ên nêbê, “Ilage wê a gên dô hɨxôn xam ge, od a nêl kɨyang bêga vô xam ên a nêbê kɨyang wê xomxo kɨvuu lec a mɨ i yêp vac Moses xolac yuu plopete kɨyang dɨ yêp vac kɨpihac Sam ge, ge vɨhati obêc vô nôn lec.”

Sinale 10:43

Plopete vɨhati nêl Yesu kɨtong ilage ên nêbê xomxo vɨhati wê vông i vin Yesu ge od Yesu lê obêc kɨtya he nên nipaên vêl.”

Sinale 28:23

He nêl bêge om he Pol tung buc ti dɨ buc tige xomxo tɨbeac la vô Pol vac xumac wê mi dô vac ge. Mêd Pol nêl xolac vô he vô pɨtoc yuu vɨdiiên dɨ i la vɨgwe bucên hɨxôn, om nêl Anutu ben kehe kɨtong vô he, dɨ nêl Moses he plopete vya kɨtong ên nêb he i xovô bê Moses he plopete nêl kɨyang tige lec Yesu.

Sinale 3:18

Ilage Anutu vông plopete vɨhati he nêl kɨtong ên nêbê Kɨlisi wê Anutu vông i lam ge ob kô myavɨnê, om môp wê xam vông ge vông kɨyang tyo vô nôn lec.

Sinale 3:21

Ên Yesu dô lag puunê om ob dô bin buc wê Anutu ob vông susu vɨhati i vô paha lec ge, tɨyi kɨyang wê Anutu nêl vac plopete ngɨbua mya ilage.

Galesia 6:2

Dɨ vɨyin obêc tulec lime ti ge od xam kɨlê vɨyin hɨxôn i, ên môp tibêge wê ob vông Kɨlisi xolac vô nôn lec.

Epesas 2:20

Il vɨhati tɨyi xocbê xumac wê Anutu lox ge. Om Yesu Kɨlisi vaci tɨyi xocbê teac wê le vac kɨbun dɨ xumac le lec ge, dɨ xe sinale hɨxôn plopete, xe tɨyi xocbê xax wê le lec teac ge. Dɨ xam ge tɨyi xocbê xax malecên wê le lec pêt ngɨbi ge.

Epesas 3:5

Vô buc taxlee ilage Anutu o nêl kɨyang xôpacên tige yêp seac vô xomxo ti lêm, lêc gwêbaga Anutu vông Myakɨlôhô Ngɨbua lam nêl kɨyang tige kehe kɨtong vô xe sinale hɨxôn he plopete wê Anutu vɨnoo xe ên nêb xe vông i yuac ge.

1 Timoti 6:14

le i lêc vông kɨyang wê yêp vac xolac ge ti i vô nipaên lêm, ên xomxo ti i o lêc nêl nipaên lec xolac lêm. Ông vông yuac tibêge i tɨyi buc vɨhati dɨ i loc tyip vô buc wê il lig Apumtau Yesu Kɨlisi obêc vena lec ge.

2 Pita 2:21

Ên ilage he o xovô môp nivɨha lêm om he dô vac nipaên. Lêc gwêbaga he xovô dɨ vông i vin Anutu kɨyang, lêc he vô nɨmi vô, om he ob dô vac nipaên luu wê he dô vac ilage vêl.

2 Pita 3:15

Xam xovô bêga bê Apumtau venaên gên ma, ên dô bin xomxo vɨhati ên nêb he i pɨlepac he ên i kɨtya he nên nipaên vêl. Kɨyang tige tɨyi xocbê kɨyang wê Pol kɨvuu ge. Pol ge il lig wê il xêdyaa vin lec i ge. Anutu vông xovôên vô i,

2 Pita 3:16

om i kɨvuu kɨyang tiga vac kɨpihac vɨhati wê i kɨvuu ge. Kɨyang wê Pol kɨvuu ge, kɨyang ya vɨyin dɨ kehe o yêp seac lêm, om vông yuac levac vô il ên wê il ob xovô kɨyang wê i kɨvuu ge kehe. Om xomxo pɨyôp maên wê o le xêkɨzêc lêm ge, he ya pɨlepac xolac wê Pol kɨvuu ge vac dɨ kɨyang vɨhati wê yêp vac xolac ge hɨxôn. Om Anutu obêc kɨtya xomxo tigee vêl vô buc tɨmuên.

1 Jon 4:6

Dɨ il ga, il Anutu nue, om xomxo wê xovô Anutu pyap ge, ge wê ob vô nɨnya lehe vô il kɨyang, dɨ xomxo wê o tu Anutu nue lêm ge, ge wê ob ngô il kɨyang lêm. Om môp bêge wê ob vông xovôên vô il bê kɨyang lam vô Myakɨlôhô Ngɨbua wê kɨyang nôn kehe ge, me lam vô kɨyang kɨtyooên kehe.

Kɨpihac wê Jut kɨvuu ge 1:17

Xam lige, xam ngô kɨyang wê il lig Apumtau Yesu Kɨlisi nue sinale nêl vô xam ilage i tii vac nang,

Levelesen 19:10

Mêdêc a yev vɨxag kɨtu vô angela tige ên a nêb a ob kɨtaa vô i, lêc angela nêl vô a ên nêbê, “Le i lêc yev vɨxa kɨtu vô a lêm, ên a ga Anutu nu yuac ti xocbê ông hɨxôn lime vông vinên wê nêl Yesu lê kɨtong ge. Om ông yev vɨxam kɨtu vô Anutu tibed. Ên xomxo wê nêl Yesu kɨyang kɨtong ge, Myakɨlôhô Ngɨbua ngɨdu he xôn tɨyi xocbê Anutu ngɨdu plopete xôn ilage mɨ he nêl i xolac yêp seac vô xomxo ge.”