2 Kolin 1:3 - Patep

³ Il ob hi vɨxad i pec ên Anutu wê il lig Apumtau Yesu Kɨlisi ma ge, ên Anutu ge wê xo vɨgwe pɨsiv ên xomxo vɨhati, dɨ ici va wê ob vông xomxo nɨlô vô vɨyin maên.

2 Kolin 1:3 ပူးပေါင်းရင်းမြစ်များ

Yesu Kɨlisi xolac nivɨha wê Jon kɨvuu ge 10:30

Xii xôn Mag, nôn tibed.”

Yesu Kɨlisi xolac nivɨha wê Jon kɨvuu ge 20:17

Mêd Yesu nêl vô i ên nêbê, “Le i lêc vyax vɨgê lec a lêm, ên a gên o lec mɨ lax vô Mag lêm. Om ông lôc vô a lige dɨ nêl vô he bê a ob lec mɨ lax vô a Mag dɨ xam Mam, dɨ a ob lax vô a Anutu dɨ xam Anutu.”

2 Kolin 11:31

Il lig Apumtau Yesu ma Anutu xovô pyap ên nêbê kɨyang wê a nêl ga, a o kɨtyoo lêm. Il ob pɨmil Anutu lê i vô levac dɨ i yêp luta lêc luta.

2 Kolin 7:6

Lêc Anutu ge wê ob vông xomxo wê nɨlô vô vɨyin ge, he nɨlô vô vɨyin maên, om vông xe nɨlôm vô vɨyin maên ên wê vông Taitas val vô xe ge.

Epesas 1:17

Anutu ge il Apumtau Yesu Kɨlisi Anutu i dɨ il Mag wê xêseac kehe ge. Om a kɨtaa vô Anutu ên a nêbê i vông xovôên nivɨha wê i vông ge vô xam dɨ nêl i kɨyang kehe i yêp seac vô xam ên xam ngô dɨ xovô Anutu.

Epesas 1:3

Il ob pɨmil Anutu wê il lig Apumtau Yesu Kɨlisi ma yuu Anutu. Il tu Kɨlisi nue, om Anutu vông vɨzid kɨsii ganê vɨhati vô il ên nêb he i ngɨdu il xôn.

Pilipai 2:11

dɨ nêl kɨtong i yêp seac bêga bê, “Yesu Kɨlisi ge il nêd Apumtau.” Obêc bêge ge od Mag Anutu lê ob vô levac.

Kolosi 1:3

Tɨyi buc vɨhati wê xii Timoti kɨtaa lec xam Kolosi ge, xii pɨmil Anutu wê il lig Apumtau Yesu Kɨlisi ma ge,

1 Pita 1:3

Il ob pɨmil Anutu wê il lig Apumtau Yesu Kɨlisi Ma yuu Anutu ge lê. Ên Anutu xo vɨgwe pɨsiv ên il luu vêl, om vông il tu xomxo paha xocbê il yubac paha tii vac ge ên wê Yesu Kɨlisi kɨdi lec mavɨha vac yibên. Om il xovô ên il nêbê il obêc dô madvɨha luta lêc luta, dɨ il bin buc wê Anutu obêc vena kô il ge.

2 Jon 1:4

A nɨlôg nivɨha yang, ên a ngô wê ông nume mangwe tɨmu vô xolac nôn tɨyi xocbê Mag Anutu nêl vô il nêb il vông ge.

2 Jon 1:9

Xomxo ti obêc hôm Kɨlisi kɨyang pɨlihi lêm dɨ obêc sox la vac xolac bangwe ge od o tu Anutu nu lêm. Dɨ xomxo wê mi hôm Kɨlisi kɨyang pɨlihi ge, ge wê tu Mag Anutu yuu nu tuc Yesu xe.