1 Tesalonaika 5:2 - Patep

² ên xacxam va vyac xovô ên xam nêbê il lungên buc tige tɨyi xocbê il lungên buc wê xomxo yôdac ti ob val vông yôdac vô susu vô bucên ge.

1 Tesalonaika 5:2 ပူးပေါင်းရင်းမြစ်များ

Matyu 25:13

Yesu nêl kɨyang pɨlepacên tige pyap dêc nêl vô nue ngɨvihi ên nêbê, “Om xam dô dɨ viac xam, ên xam o xovô buc yuu hɨyôv manôn wê a obêc vena lec ge lêm.

Yesu Kɨlisi xolac wê Luk kɨvuu ge 21:34

“Xam viac xam nivɨha, dɨ le i lêc num mɨ vô mavmav lêm, dɨ xam o lêc xo kɨyang tɨbeac lec susu wê nimnɨvi xe ge dɨ nɨlôm i vô vɨyin lec lêm, ên xam obêc viac xam nivɨha lêm ge od Xomxo Nu obêc lop mɨ lôm lutibed ge od xam ob lungên, tɨyi xocbê pulac wê lɨlii lungên om mɨla mô, lêc vac ge.

1 Kolin 1:8

Dɨ il lig Apumtau Yesu Kɨlisi vaci ob ngɨdu xam xôn dɨ xam le pɨlihi, om buc wê Kɨlisi ob vena lec ge, od xam nêm soên ti ob yêp i tii vac vô xam lêm.

1 Tesalonaika 5:4

Lêc xam lige, xam o dô vac mapɨtoc lêm, om buc vɨyin tige i o lêc val vông xam yetac i tɨyi xocbê tɨbii yôdac vông xam yetac ge lêm,

2 Tesalonaika 2:2

xomxo ya ob val nêl kɨyang kɨtyooên vô xam ên nêbê buc wê Apumtau ob vena lec ge val pyap. He ya nêl i tɨyi xocbê plopete kɨtyooên mi nêl ge, dɨ he ya nêl ya xovôên wê heche va vông ge, dɨ he ya so ên he nêbê xe kɨvuu kɨyang tibêge vac kɨpihac. Om xam obêc ngô kɨyang kɨtyooên tige ge od xam nɨlôm i o lêc vô vɨyin dɨ xam vông i vin kɨyang tibêge lutibed lêm.

2 Pita 3:10

Buc tɨmuên wê Apumtau obêc vena lec ge, buc tige obêc val tɨyi xocbê xomxo yôdac ti. Ên buc tige il o xovô lêm. Vô buc tige lag obêc vô nidɨdun levac dɨ xôa obêc ma, dɨ ngwax obêc ya lag yuu kɨbun hɨxôn susu vɨhati ma vêl.

Levelesen 16:15

Yesu nêl ên nêbê, “Wê lê. A obêc val tɨyi xocbê tɨbii yôdac ge, om xam obêc xovô buc wê a obêc val lec ge lêm. Mêgem xomxo ti obêc bin a dɨ yêpên obêc ma, dɨ obêc vêx i nivɨmihi dô pɨlihi lec i dɨ la vô môp ge od ni obêc yoc ên i lêm, ên ob la xêtuac mɨ xomxo yê lêm. Xomxo tige i dô hɨxôn xêyaa nivɨha.” Yesu nêl bêge.

Levelesen 3:3

Ilage xam ngô kɨyang tige mɨ xovô. Om xam xovô kɨyang tige i tii vac dɨ hôm xôn pɨlihi, dɨ pɨlepac xam. Lêc xam obêc kɨdi lec dɨ sea yêpên mɨ pɨlepac xam lêm ge od a obêc val vô xam tɨyi xocbê tɨbii yôdac ge dɨ xam ob xovô buc tige lêm.