1 Pita 5:4 - Patep

⁴ Xam wê gyovɨxa ge, xam obêc vông yuac bêge ge od buc tɨmuên wê Yesu Kɨlisi obêc vena ge od xam obêc kô xêseac wê vɨxôlên obêc ma ge. Yesu Kɨlisi ge il bazub wê viac il ge.

1 Pita 5:4 ပူးပေါင်းရင်းမြစ်များ

Jems 1:12

Xomxo ti obêc le pɨlihi vac vɨyin ge od i xêyaa i vô nivɨha, ên Anutu obêc pɨmil i dɨ vông i dô mavɨha luta tɨyi xocbê hɨlu kɨyang pyap nêb ob vông vô xomxo wê he xêyaa vin lec i ge.

1 Kolin 9:25

Dɨ xomxo wê nêb ob tup mɨ ngɨnoo ge, he tɨxuu he nivɨha tɨyi buc vɨhati dɨ he o vông nɨlô la vô susu ngwe hɨxôn lêm. He vông bêge ên he nêb he obêc ngɨnoo ên kô nôn kɨbun ga, lêc nôn kɨbun ga ge wê obêc pɨtal lutibed dɨ xôa obêc ma. Lêc nôn wê il ob tup ên ge, wê obêc yêp luta.

1 Jon 3:2

Xam lige, gwêbaga il tu Anutu nue pyap, dɨ buc tɨmuên, il lungên, il obêc dô bêna? Tige gên o yêp seac vô il lêm, lêcom il xovô pyap bê buc wê Kɨlisi obêc lop mɨ lôm ge od il obêc vyac xê i, dɨ tu xocbê ici va.

2 Timoti 4:8

Om Apumtau viac nôn nivɨha pyap ên nêb a ob kô. Nôn tige bêga nêbê i ob yê a nêb a xomxo nivɨha. Om Apumtau wê yaxên xomxo ya môp bôbac ge obêc vông nôn tige vô a vô buc wê obêc vena lec ge. Lêc ob vông vô aca va tibed lêm. Nge, ob vông vô xomxo vɨhati wê he xêyaa vin lec ên nêb he ob yê i vô buc wê obêc vena lec ge.

1 Pita 1:4

Om Anutu obêc vông nôn nivɨha ti vô il bêga nêbê il obêc dô madvɨha hɨxôn i. Nôn nivɨha tige pɨtalên obêc ma dɨ obêc vô nipaên lêm dɨ xôa obêc ma lêm. Nge, Anutu viac nôn nivɨha tige pyap gê lag puunê mɨ dɨbin xam.

Levelesen 3:11

A obêc mɨloc vô xam lutibed, om xam hôm vông vinên wê xam vông ge xôn pɨlihi ên xomxo ti i o lêc vô nôn nivɨha wê Anutu vông vô xam ge vêl ên xam lêm.

Levelesen 2:10

Om le i lêc xona ên vɨyin wê obêc val vô xam ge lêm. Wê lê, Seten nue obêc tung xam ya la vac xumac kalabuhu ên nêb he obêc yaxên xam. Om xam obêc kɨlê vɨyin i tɨyi buc vɨgê yuu. Lêc xam obêc kɨlê vɨyin dɨ vông i vin xêkɨzêc ta dɨ wib hɨxôn ge od a obêc vông nôn nivɨha wê mavɨha dôên ge vô xam.

1 Pita 2:25

Ilage xam la vaxvax tɨyi xocbê bwoc sipsip wê xomxo ti o dɨdii he lêm ge. Lêc gwêbaga xam pɨlepac xam pyap dɨ lôm lam tɨmu vô Yesu wê dɨdii xam dɨ viac xam tɨyi xocbê xomxo ti viac bwoc sipsip ge.

1 Pita 5:2

xam viac Anutu nue i nivɨha ên he tɨyi xocbê bwoc sipsip wê xam ob viac ge. Lêc xam nim obêc ma, lêc xomxo ti kɨdu xam vac yuac tige ge od o nivɨha lêm. Om xam xêmyaa i vin lec yuac gyovɨxa tige dɨ xam vông yuac tyo i tɨyi xocbê Anutu vông vô xam ge. Dɨ le i lêc xo bê xam ob vông yuac gyovɨxa ên kô mone lec lêm. Nge, xam nɨlôm i kɨdu xam, dɨ xam vông yuac tige.

Hiblu 13:20

Anutu ge kɨyang malehe kehe, dɨ i tɨpi vô il lig Apumtau Yesu kɨdi lec mavɨha vac yibên. Yesu yib dɨ kɨpyax i hi sea om vông kɨyang wê Anutu hɨlu nêbê ob yêp luta ge vô nôn lec vô il, om Yesu tu il nêd levac wê viac il tɨyi xocbê xomxo viac bwoc sipsip ge.

Levelesen 1:7

Xam ngô lê. Kɨlisi obêc vena vac vɨyobtoc dɨ xomxo vɨhati obêc yê i, dɨ he wê tul i ya bɨlem dɨ wê byêx i ya yii ge vɨhati ob yê i êno, dɨ xomxo kɨbun ga vɨhati ob xo heche va dɨ byag ên he. Vɨxôhɨlôg, kɨyang ga obêc vô nôn lec. Nôn.

Yesu Kɨlisi xolac nivɨha wê Jon kɨvuu ge 10:11

“A ga, a xomxo wê a ob viac bwoc sipsip nivɨha ge. Xomxo wê viac sipsip nivɨha ge ob sea i ninɨvi dɨ yib ên ngɨdu he xôn.