1 Pita 5:2 - Patep

² xam viac Anutu nue i nivɨha ên he tɨyi xocbê bwoc sipsip wê xam ob viac ge. Lêc xam nim obêc ma, lêc xomxo ti kɨdu xam vac yuac tige ge od o nivɨha lêm. Om xam xêmyaa i vin lec yuac gyovɨxa tige dɨ xam vông yuac tyo i tɨyi xocbê Anutu vông vô xam ge. Dɨ le i lêc xo bê xam ob vông yuac gyovɨxa ên kô mone lec lêm. Nge, xam nɨlôm i kɨdu xam, dɨ xam vông yuac tige.

1 Pita 5:2 ပူးပေါင်းရင်းမြစ်များ

Yesu Kɨlisi xolac wê Luk kɨvuu ge 12:32

“Xam kɨdu nipwo tya ga, xam xona ên i ma. Ên Mag Anutu xovô pyap nêb xam ob tu xomxo levac hɨxôn i vac i ben lag puunê.

Sinale 20:29

A xovô ên a nêbê a ob sea xam dɨ a ob la, dɨ tɨmuên xomxo nipaên ya obêc lam vac xam mahɨgun dɨ lam vông xam vô nipaên tɨyi xocbê noo vɨmen la hi bwoc sipsip ge.

Sinale 21:13

Lêc Pol nêl vô xe ên nêbê, “Bêna lêc xam byag dɨ vông a nɨlôg vô vɨyin? A o xona ên wê tɨbii ob ku a xôn ge lêm. Dɨ he obêc hi a xib gê Jelusalem ge od ge pyap. A obêc xib lec Apumtau lê.”

Kɨpihac wê Pol kɨvuu vô tɨbii Lom ge 1:15

Mêgem a nɨlôg kɨdu a nêb a nêl xolac kɨtong vô xam Lom hɨxôn.

1 Kolin 9:7

Xam xovô lê. Tɨbii vevac ob kɨsuu xen yaên yuu ngakwi wê ob viac heche va ge, me? Ma vêl. Dɨ xomxo ti obêc xin wain vac yuac ge od ici va tɨyi wê ob yul nôn ya mɨ ya, dɨ xomxo ti obêc viac bwoc kau ge od ici va ob gig lul mɨ num.

1 Timoti 3:3

dɨ o num mɨ vô mavmav lêm, dɨ xêyaa o vô myavɨnê decdec dɨ hi xomxo lêm. Nge, lum mi nêl kɨyang vô xomxo, dɨ o kunac xomxo vaxvax lêm, dɨ o xo mone luu vêl lêm,

1 Timoti 3:8

Xomxo ya obêc nêb vông yuac vac konglegesen ge od xam yaxên he lêc vɨnoo he wê mi tɨmu vô môp nivɨha bêga nêbê he vông nɨlô la vô he yuac, dɨ he o nêl kɨyang yuu lêm, dɨ he o num mɨ vô mavmav lêm, dɨ he o doma vô mone yuu susu lêm,

Taitas 1:11

He nêb he ob kô mone yuu susu vô xomxo, om he tɨxuu he ya môp nipaên wê o tɨyi wê il ob vông ge lêm. Om kɨyang wê he nêl ge vông xomxo hɨxôn he tae mae lie vô nipaên. Mêgem ông le vac he xôn ên he i o nêl kɨyang nipaên tibêge lêm.

Taitas 1:7

Ên he gyovɨxa wê ob viac Anutu yuac, om he i tɨmu vô môp nivɨha ên xomxo i o lêc tulec he nên nipaên ti lêm, dɨ he i o lêc kô he lec vô xomxo lêm, dɨ he xêyaa i o lêc vô myavɨnê lutibed lêm, dɨ he i o lêc num mɨ vô mavmav lêm, dɨ he i o lêc hi xomxo vaxvax lêm, dɨ he i o lêc doma vô mone i luu vêl lêm.

Taitas 2:14

Kɨlisi lam yib ên il ên nêb ob vô il vêl ên nipaên vɨhati yang dɨ vông il vô paha lec, ên nêb il tu i nue wê xo vɨnux ên nêb il vông yuac nivɨha ge.

Taitas 3:1

Taitas, ông nêl vô tɨbii Klit bêga bê he i loc vac gavman hɨxôn xomxo levac vɨhati kwa ngɨbi, dɨ ngô he vya, dɨ he i viac he i tɨyi wê he ob vông yuac nivɨha vɨhati ge,

Pailimon 1:14

A xo bêga lê, lêc a nêb ông obêc lee yuu lec lêm ge od a ob hôm Onisimas xôn lêm. Ên a nêb a ob kɨdu ông bê ông vông môp tige lêm. Nge, a nêb ôcông va xovô nivɨha wê ông ob vông vô a ge, lêc vông.

Hiblu 12:15

Xam viac xam, gec lêc xam sea môp wê Anutu ob xo vɨgwe pɨsiv ên xam ge. Dɨ xam viac xam, gec lêc xomxo ti dɨdii xam mɨ la vac môp nipaên, ên xomxo tige tɨyi xocbê xax nôn kɨlin wê ob vông xam tibêac vô nipaên.

2 Pita 2:3

Plopete kɨtyooên tigee mi vông nɨlô la vô mone, om he ob nêl kɨyang kɨtyooên vô xam ên nêb ob kô mone vô xam. Lêc ilage Anutu nêl mɨ i yêp pyap ên nêb obêc yaxên he nên kɨyang dɨ vông myavɨwen vô he. Anutu wê obêc kɨtya he vêl ge o lungên he lêm. Nge, dô bin buc wê obêc vông myavɨwen vô he ge.