1 Pita 4:4 - Patep

⁴ Ilage xam mi vông môp nipaên tibêgee, lêc gwêbaga xam sea môp nipaên la dô xel. Om tɨbii madɨluhu yetac ên wê xam o vông môp nipaên hɨxôn he lêm ge, om he nɨlô vô nipaên vô xam dɨ he nêl kɨyang nipaên lec xam.

1 Pita 4:4 ပူးပေါင်းရင်းမြစ်များ

Matyu 23:25

“Xam wê xam xovô Moses xolac gee hɨxôn xam Palisi, xam tɨbii kɨtyooên, xam nɨlôm pɨtal pyap. Xam mi lipac nimnɨvi pɨleva tɨyi xocbê xam lipac kap yuu pɨle nɨmi ge, dom xam nɨlôm ge, môp yôdac hɨxôn môp nipaên pup lec.

Yesu Kɨlisi xolac wê Luk kɨvuu ge 15:13

He o dô buc xuhu dia lêm. Nge, dô nipwo tya, lêc nu môn vɨduba i susu hɨxôn mone wê ma vông vô i ge vɨhati dɨ loc mɨ la vɨgwe teva ti, dɨ la nêx mone la sea lec môp nipaên.

Sinale 13:45

Lêc he Yuda yê wê xomxo tɨbeac kɨtucma vô Pol yuu Banabas ge om he xêyaa vô nipaên vô yuu dɨ he so vya vô Pol hɨxôn xolac wê nêl ge.

Sinale 18:6

Lêc he Yuda pwoo Pol vya vac dɨ so vya vô i om Pol lɨloo vɨjuva vêl ên ngakwi wê i vông ge ên nêbê he i xovô nên nipaên wê he vông ge, dɨ nêl vô he ên nêbê, “Xam obêc wib mɨ la vac nipaên ge od ge myavɨwen wê xacxam va vông, ên a o vông nipaên ti vô xam lêm. Om gwêbaga a ob sea xam dɨ la nêl xolac vô tɨbii madɨluhu wê o Yuda lêm gee.”

Kɨpihac wê Pol kɨvuu vô tɨbii Lom ge 13:13

Om il ob dô vac môp bôbac tɨyi xocbê xomxo wê la vac xêseac wê hɨyôv vông ge. Om il ob num dɨ vô mavmav dɨ vông môp vaxvax wê nipaên ge hɨxôn lêm, dɨ il ob vông môp yôdac vêx yuu vux lêm, dɨ il ob kunacma dɨ xêma nipaên dɨ do mad vô lige susu lêm.

Epesas 5:18

Le i lêc num mia xêkɨzêc dɨ i vông xam pɨyôp i vô yacyac lêm, ên môp tibêge ob vông xam vô nipaên. Om xam sea môp tibêge dɨ lam dô vac Myakɨlôhô Ngɨbua kwa ngɨbi ên i hɨvun xam xôn.

1 Pita 2:12

Xam tup vô môp nivɨha vac tɨbii madɨluhu mahɨgun, ên he obêc so ên nêbê xam vông môp nipaên ge od he obêc yê môp nivɨha wê xam vông ge dɨ xovô bê he nêl kɨyang soên. Om he ob pɨmil Anutu vô buc tɨmuên wê i obêc val vô he ge.

1 Pita 3:16

Dɨ xam viac nɨlôm i vô paha, dɨ nipaên ti i o yêp vô xam lêm, ên xomxo obêc nêl nipaên vô xam ên wê xam vông i vin Kɨlisi dɨ tɨmu vô môp nivɨha ge od he ni ob yoc ên kɨyang nipaên wê he nêl lec xam ge.

2 Pita 2:12

Plopete kɨtyooên tigee mi tɨmu vô môp nipaên wê ninɨvi vông ge, om he tɨyi xocbê bwoc vɨmen wê pɨyôp maên wê xomxo ob tii he dɨ hi he yib ge. Ên he nêl kɨyang nipaên vaxvax lec kɨyang wê he xovôên kehe ma ge. Om môp nipaên wê he vông ge obêc vông he vô nipaên dɨ kɨtya he vêl,

2 Pita 2:22

Om nipaên wê tulec he ge tɨyi xocbê kɨyang ti wê yêp bêga ên nêbê, “Noo mi ya susu wê he mutac ge tii vac nang.” Dɨ kɨyang ngwe nêl bêga ên nêbê, “Bwoc ti wê loc hɨxôn ninɨvi nivɨha ge ob lax lipac i vac lôm tii vac nang.”

Kɨpihac wê Jut kɨvuu ge 1:10

Mêlêc xomxo kɨtyooên mô mi nêl kɨyang nipaên lec susu wê he o xovô kehe lêm ge, dɨ vông môp wê heche va xovô ge tɨyi xocbê bwoc vông môp wê he yê dɨ xovô ge. Om môp nipaên wê he nɨlô kɨdu he nêb he ob vông ge ob kɨtya he vêl.