1 Pita 1:4 - Patep

⁴ Om Anutu obêc vông nôn nivɨha ti vô il bêga nêbê il obêc dô madvɨha hɨxôn i. Nôn nivɨha tige pɨtalên obêc ma dɨ obêc vô nipaên lêm dɨ xôa obêc ma lêm. Nge, Anutu viac nôn nivɨha tige pyap gê lag puunê mɨ dɨbin xam.

1 Pita 1:4 ပူးပေါင်းရင်းမြစ်များ

Levelesen 21:27

Lêc susu ningeac dɨ xomxo wê vông môp nipaên gee hɨxôn xomxo kɨtyooên, he o tɨyi wê ob vac la vac vɨgwe tige hɨxôn lêm. Bwoc Sipsip Nu tige kɨvuu xomxo wê obêc dô mavɨha ge lê vac kɨpihac mavɨha. Om he wê he lê yêp vac kɨpihac ge wê obêc la dô vac vɨgwe tige nɨlô.

Hiblu 9:15

Kɨlisi vông ici va hi la tu daa vô Anutu, om vông kɨsoac vac il hɨxôn Anutu mahɨgun dɨ vông môp paha wê Anutu vông vô il ge vô nôn lec. Yesu yib om vô il vêl ên nipaên vɨhati wê il vông vô buc wê il tɨmu vô Moses xolac ge. Om xomxo vɨhati wê Anutu tyuc he lam ge, he wê ob dô mavɨha luta lêc luta tɨyi xocbê kɨyang wê Anutu nêl dɨ hɨlu pyap ilage.

1 Pita 5:4

Xam wê gyovɨxa ge, xam obêc vông yuac bêge ge od buc tɨmuên wê Yesu Kɨlisi obêc vena ge od xam obêc kô xêseac wê vɨxôlên obêc ma ge. Yesu Kɨlisi ge il bazub wê viac il ge.

2 Timoti 4:8

Om Apumtau viac nôn nivɨha pyap ên nêb a ob kô. Nôn tige bêga nêbê i ob yê a nêb a xomxo nivɨha. Om Apumtau wê yaxên xomxo ya môp bôbac ge obêc vông nôn tige vô a vô buc wê obêc vena lec ge. Lêc ob vông vô aca va tibed lêm. Nge, ob vông vô xomxo vɨhati wê he xêyaa vin lec ên nêb he ob yê i vô buc wê obêc vena lec ge.

Kolosi 1:5

Ilage Anutu xolac nivɨha wê kɨyang nôn ge val vô xam mɨ xam ngô. Xolac tige nêl bêga ên nêbê Anutu viac vɨzid hɨxôn nôn nivɨha vɨhati pyap gê lag puunê ên nêb ob vông vô xam tɨmuên. Om môp vông vinên hɨxôn môp xêyaa vin lecên wê xam vông ge kehe bêga nêbê xam xovô dɨ xam bin vɨzid hɨxôn nôn nivɨha tigee.

Matyu 25:34

Mêd xomxo levac tige ob nêl vô he wê dô vô vɨgê hɨyôv ge bêga nêbê, ‘Mag Anutu vông vɨzid nivɨha vô xam, om xam lam dô vac vɨgwe nivɨha wê Anutu nêl xam lêm lec ge. Vô buc mugên ilage wê Anutu tung lag yuu kɨbun taxlee ge, od viac vɨgwe tige pyap ên nêb ob vông vô xam.

Epesas 1:18

A kɨtaa ên a nêb Anutu i vông xam pɨyôp i yêp seac ên xam xovô nôn nivɨha wê Anutu nêl ên nêb obêc vông vô xam ge, dɨ xam xovô vɨzid nivɨha vɨhati wê Anutu nêl xam lêm lec pyap mɨ i dô bin xam wê xam tu i nue ge.

Epesas 1:14

Myakɨlôhô Ngɨbua dô vac il nɨlôd, om vông xovôên vô il bêga nêbê Anutu ob kô il mɨ il la dô hɨxôn i. Dɨ Myakɨlôhô Ngɨbua obêc dô vac il nɨlôd dɨ i loc tyip lec buc tɨmuên wê il ob la vô Anutu ge dɨ ob sea il lêm. Om il ob xovô vɨzid wê Anutu vông vô il ge dɨ pɨmil i lê i vô levac.

Epesas 1:11

Anutu vông ya xovôên wê i vông ge om vɨnoo il ên nêb il tu i nue lec yuac wê Kɨlisi vông ge. Ên Anutu obêc nêl kɨyang ti ge od obêc vông i vô nôn lec tɨyi xocbê kɨyang wê yêp ilage.

Kɨpihac wê Pol kɨvuu vô tɨbii Lom ge 8:17

Il ge Anutu nue, om vɨzid wê nu tuc Yesu kô vô ma Anutu ge, il obêc kô hɨxôn. Ên il obêc kô myavɨnê tɨyi xocbê Kɨlisi ge od il ob la dô vac xêseac hɨxôn Kɨlisi tɨmuên.

Sinale 26:18

ên ông vông he manôn i seac dɨ vông he i sea môp mapɨtoc dɨ lam dô vac xêseac, dɨ he i sea xêkɨzêc wê Seten vông ge dɨ lôm vô Anutu dɨ vông i vin a, ên Anutu i kɨtya he nên nipaên vêl dɨ he i dô hɨxôn xomxo wê Anutu vɨnoo he pyap ge.’

Sinale 20:32

“Dɨ gwêbaga a ob tung xam vac Anutu vɨgê dɨ xam dô vac kɨyang xêyaa vin lecên wê Anutu vông ge. Ên kɨyang tige tɨyi wê ob vông xam le xêkɨzêc, dɨ ob vông vɨzid wê Anutu nêb ob vông vô il vɨhati wê il tu i nue ge vô xam hɨxôn.

Jems 1:11

lêc hɨyôv obêc linac myapɨlihi ge od ya i ngɨgo dɨ mavɨya nivɨha tyo ob yal la vêl dɨ i yib. Om xomxo wê susu tɨbeac gee obêc vông yuac lec mɨ dô lê, lêc buc wê obêc yib ge od ob sea yuac yuu susu vɨhati obêc dô xel, dɨ ob yib mɨ la pɨleva.

Kolosi 1:12

dɨ xam pɨmil il Mag Anutu. Anutu nêb xam tɨyi wê xam ob kô nôn nivɨha vɨhati wê nêl xam lêm lec ge tɨyi xocbê xomxo vông vinên vɨhati wê dô vac xêseac ge ob kô.

Galesia 3:18

Ên vɨzid nivɨha wê Anutu hɨlu pyap nêb ob vông ge, Anutu obêc vông vô xomxo ên wê he tɨmu vô Moses xolac ge od obêc kɨtya kɨyang wê Anutu hɨlu vô Eblaham ge vêl. Lêc o bêge lêm, ên vɨzid wê Anutu nêb ob vông ge, Anutu vông i tɨyi kɨyang wê hɨlu vô Eblaham ge.

1 Kolin 9:25

Dɨ xomxo wê nêb ob tup mɨ ngɨnoo ge, he tɨxuu he nivɨha tɨyi buc vɨhati dɨ he o vông nɨlô la vô susu ngwe hɨxôn lêm. He vông bêge ên he nêb he obêc ngɨnoo ên kô nôn kɨbun ga, lêc nôn kɨbun ga ge wê obêc pɨtal lutibed dɨ xôa obêc ma. Lêc nôn wê il ob tup ên ge, wê obêc yêp luta.

1 Pita 3:9

Dɨ xam o vông nipaên vac nipaên lêm, dɨ xomxo obêc nêl kɨyang nipaên vô xam ge od le i lêc luu kɨyang nipaên i loc vô he lêm. Nge, xam kɨtaa vô Anutu ên i vông vɨzid nivɨha vô he. Anutu tyuc xam ên nêb xam vông môp tibêge, om xam obêc vông bêge ge od Anutu ob vông vɨzid nivɨha vô xam vô buc tɨmuên.

Yesu Kɨlisi xolac wê Mak kɨvuu ge 10:17

Yesu loc mɨ la vô môp mɨ la, dɨ xomxo ti tup mɨ la vô i vac môp, dɨ la yev vɨxa kɨtu vô dɨ kɨnêg ên nêbê, “Xolac kehe nivɨha, a obêc vông bêna êdêc dô magvɨha luta lêc luta?”

Kolosi 3:24

Xam xovô bê xam obêc vông xam yuac i yêp nivɨha ge od vô buc tɨmuên Apumtau obêc vông nôn nivɨha wê nêl xam lêm lec ge vô xam, ên yuac wê xam mi vông ge, xam vông vô Apumtau Yesu Kɨlisi.

Hiblu 10:34

Dɨ xam xo vɨgwe pɨsiv ên he wê xomxo tung he la vac kalabuhu ên wê he vông i vin ge, dɨ buc mangwe tɨbii la vac xam toto bom dɨ kô xam nêm susu mɨ la. Lêc xam o vông vevac vô he lêm. Nge, xam dô hɨxôn xêmyaa nivɨha, ên xam xovô ên xam nêbê susu wê xam ob kô tɨmuên ge luu susu kɨbun ga vêl ên ob dô luta.