YUHANIS 9:5 - PEJANJIAN EMPAI CERITAU ILUAK

⁵ Selamau Aku di deniau ini, Akunila terang deniau.”

YUHANIS 9:5 ပူးပေါင်းရင်းမြစ်များ

MATIUS 4:16

Jemau diau idup di keleman la nginak terang diau besinagh. Ngan jemau diau idup di nenggeri maut la tumbua sinagh terang.”

MATIUS 5:14

Kamuni umpamau terang batan endak deniau. Kuta diau adau di pucuak gunung nidau ka adau nidau kina'an.

LUKAS 2:32

Diautu terang diau nerangi bangsau lain diau nidau keruan Allah. Jemau Israil ka dipuji karnau Diau.”

YUHANIS 12:46

Akuni datang ke deniau ini umpamau terang, mangku bilang jemau diau percayau ngan Aku jangan maju mendam di keleman.

YUHANIS 8:12

Mangku Yesus bekiciak agi ngan jemau banyaktu, katauNyau, “Akunila terang deniau. Jemau diau ngikut Aku, nidau ka bejalan di keleman, anyautu diau la bulia terang diau ngenjuakka idup.”

RASUL 13:47

Inila diau diperintaka Allah ngan kami, ‘Aku la netapka kaba njadi terang batan endak bangsau lain diau nidau keruan Allah, mangku karnau kaba gegalau deniau pacak diselamatka.’ ”

RASUL 26:18

endak mbukakka matau ughangtu, supayau ughangtu ngeluagh jak di keleman masuak terang, supayau ughangtu lepas jak di kuasau iblis mangku dikuasaui Allah. Mangku dusaunyau ka diabiska, karnau ughangtu percayau ngan Aku, mangku ughangtu njadi angguta umat Allah diau dipilia itu.’ ”

RASUL 26:23

Ughangtu ngiciakka, mbak bansau Rajau Penyelamat diau dijanjika Allahtu mesti sengsarau, mangku Diau dulu sekali ka ngulang idup jak di mati. Mangku Diau ka ngenjuakka pengertian ngan jemau Yahudi ngan jemau lain pulau luak manau ka selamat.”

IPISUS 5:14

Itula sebapau la dikiciakka luak ini, “Bangunla, ui kaba diau tiduak, idupla jak di mati, mangku Keristus ka nerangi kaba.”

PENGINA'AN 21:23

Mangku kutatu nidau merluka terang matau-aghi ngan bulan neranginyau, karnau keagungan Allah neranginyau ngan Anak Bebiritu njadi lampuau.