YUHANIS 8:44 - PEJANJIAN EMPAI CERITAU ILUAK

⁴⁴ Bak kapu dighi Iblis, mangku kapu dighi endak nuruti kendak bak kapu dighi. Iblistu pembunua manusiau jak di senitu. Diau nidau kekela idup benagh, karnau nidau bediau setu diau benagh di diau. Amun diau mbu'ung, itu biasau, karnau luak itula caraunyau, karnau diau pembu'ung ngan bak gegalau pembu'ung.

YUHANIS 8:44 ပူးပေါင်းရင်းမြစ်များ

MATIUS 12:34

Ui, kamu jemau ja'at. Manau ka adau kamu pacak ngiciakka setu diau iluak, amun kamu ja'at. Setu diau dikiciakka mulut, itula diau ngeluagh jak di ati.

MATIUS 13:15

Karnau rupu'an ughangtu tekatup, telingau ughangtu la nuli, ngan matau ughangtu dipejamka. Mangku ughangtu jangan nginak, telingau ughangtu jangan ndengagh, ngan rupu'an ughangtu jangan tebukak, ngan jangan ngulang njenguak Aku, mangku Aku jangan meghaduka ughangtu.’

MATIUS 13:38

Umau itu deniauni. Benia diau iluak itu jemau diau njadi umat Allah. Lalang itu jemau diau ngikut carau Iblis.

YUHANIS 6:70

Yesus nimbal, “Apu ukan Akuni diau milia kamu duau belas ughangni? Anyautu sughang jak di kamutu jemau ja'at.”

YUHANIS 7:17

Jemau diau endak nuruti kendak Allah ka keruan, apu ajaghanKuni asalau jak di Allah, apu jak di Aku.

YUHANIS 8:38

Aku ini ngiciakka setu diau la Kukinak di BapakKu. Kapu dighi pulau ngerjauka setu diau la kapu dighi dengaghka jak di bak kapu dighi.”

YUHANIS 8:41

Kapu dighi ngerjauka setu diau dikerjauka bak kapu dighitu.” Ughangtu nimbal, “Kamini ukanau anak kampang. Bak kami gi sughang, diautu Allah.”

YUHANIS 8:55

Anyautu kapu dighi nidau keruan Diau, tapitu Aku keruan Diau. Misalau Aku ngiciak, bansau Aku nidau keruan Diau, Aku semegi ngan kapu dighi jemau pembu'ung. Aku keruan Diau, mangku Aku nuruti kici'anNyau.

RASUL 13:10

kataunyau, “Ui, kabani anak iblis. Kaba penipu ngan penja'at. Kaba musui gegalaunyau diau benagh. Kaba nidau mandak merusakka rencanau Allah diau endak nyelamatka manusiau.

RASUL 24:9

Jemau Yahudi diau adau di situ pulau ngikut ngaduka Paulus ngan mbenaghka gegalaunyau diau dikiciakka Tertulus tadi.

RASUL 5:3

Mangku Pitrus ngiciak ngan diau, kataunyau, “Ananias, ngapau kaba enangka iblis nguasaui ati kaba? Ngapau kaba mbu'ungi Rua Allah ngan mbunika separau tanci regau tanatu?

2 KURINTUS 11:3

Anyautu aku ghegak rupu'an kamu disesatka, nidau agi ta'at ngan Keristus, luak Hawa senitu pulau disesatka kecalakan ulagh.

1 PITRUS 5:8

Sepepadaula ngan maju siap-siagau, karnau Iblis musua kamu. Diau luak setuau bejalan ghatau sampai ngaum endak ndalak mangsaunyau.

2 PITRUS 2:4

Malaikat diau bedusau nidau dienangka Allah bibas jak di ukuman, dicapakka ke nerakau. Malaikattu dimasuakka ke tebuak tana diau keleman endak dita'an di situ enggut masau pengukuman.

1 YUHANIS 1:8

Amun kitau bekatau, kitau nidau bedusau, kitau mbudika kitau sendighi, mangku kitau nidau idup seghundak ngan Allah.

1 YUHANIS 2:21

Aku nulis itu ngan kamu, ukan karnau kamu nidau keruan diau benagh, tapitu karnau kamu la ngeruaniNyau nian, mangku kamu keruan, bansau ajaghan diau benaghtu nidau mbu'ung.

1 YUHANIS 2:4

Jemau diau bekatau, “Aku keruan Allah,” anyautu nidau na'ati perintaHau, jemautu pembu'ung, Allah nidau bediau dalam atiau.

1 YUHANIS 3:12

Jangan kamu luak anak Adam diau benamau Kain diau asalau jak di iblis ngan mbunua adingau. Mangku tuapau sebapau diau mbunua? Karnau kerjaunyautu ja'at galau, kerjau adingautu benagh.

1 YUHANIS 3:15

Jemau diau luat ngan kantinau, jemautu tukang bunua jemau. Mangku kamu keruan, bansau tukang bunua nidau bulia idup selelamaunyau.

YUDAS 1:6

Ingatla malaikat-malaikat diau melanggar batas kekuasauannyau. Malaikattu pegi ninggalka badahau. Mangku ughangtu dikebat ngan rantai di bada diau keleman di bawa tana. Di situ ughangtu dita'an enggut diukum masau kiamat nanti.

PENGINA'AN 12:9

Mangku nagau besaktu dicapakka keluagh. Diautu ulagh tuau diau dikiciakka Iblis ngan Sitan diau nyesatka gegalau deniau. Mangku diau diumbanka ke deniau. Luak itu pulau anak-buahautu.

PENGINA'AN 13:14

Mangku gegalau jemau di deniauni ditipuka ngan tandau nyelia diau dikerjauka di adapan benatang tadi karnau kuasaunyau. Mangku diajungau negakka patung endak nyemba benatang diau la lukau ngan pedang anyautu maju idup.

PENGINA'AN 2:10

Nidau nanti takut ngan setu diau mesti kaba tanggungka. Ingatkala separau jak di kamu ka dimasuakka iblis dalam jil endak nguji kamu. Kamu ka sengsarau selamau sepulua aghi. Kamu mesti tekun enggut mati, mangku Aku ka ngenjuakka ngan kamu idup selelamaunyau njadi adia menang ngan kamu.

PENGINA'AN 21:8

Anyautu jemau diau penakut, jemau diau nidau percayau, jemau najis, pembunua, jemau menaugawia, dukun, jemau nyemba diwau, ngan gegalau pembu'ung ka dicapakka ke dalam laut api diau maghak ngan belirangtu. Itula kematian diau keduau.”

PENGINA'AN 22:15

Anyautu anjing ngan dukun, jemau diau menaugawia ngan mbunua ngan nyemba diwau, penipu ngan pembu'ung, gegalau ughangtu nidau pacak masuak.

PENGINA'AN 9:11

Rajau diau merintaka belalangtu malaikat jurang maut. Namaunyau basau Ibrani Abadun, basau Yunani Apuliun, retiau “Perusak”.