YUHANIS 8:31 - PEJANJIAN EMPAI CERITAU ILUAK

³¹ Mangku Yesus ngiciak ngan jemau Yahudi diau la percayau ngan Diau, katauNyau, “Amun kapu dighi idup nuruti ajaghanKu, kapu dighi njadi anak-buaKu nian.

YUHANIS 8:31 ပူးပေါင်းရင်းမြစ်များ

MATIUS 24:13

Anyautu jemau diau beta'an enggut udim ka selamat.

YUHANIS 1:47

Yesus nginak Natanail datang, mangku ngiciakka diau, katauNyau, “Kina'ila, diautu jemau Israil nian, diau nidau kekela nipu!”

YUHANIS 2:2

Yesus ngan anak-buaHau diaja'i pulau ke jamuan itu.

YUHANIS 6:55

DagingKu makanan nian, daghaKu minuman nian.

YUHANIS 8:36

Mangku, amun Anak itu mbibaska kapu dighi, kapu dighi bibas nian.”

RASUL 13:43

La udim jemau ngeluagh jak di ghuma sembayangtu, banyak jemau Yahudi ngan jemau lain diau takut ngan Allah ngikut Paulus ngan Barnabas. Mangku rasultu ngajagh ughangtu, diajungau, supayau maju percayau ngan keilu'an Allah.

RASUL 14:22

Di kuta itu duau rasultu neguaka ati jemau diau percayau ngan Yesus ngan ngajung ughangtu, supayau maju percayau. Rasultu bekatau, “Kitau mesti sengsarau kudai, mangku kitau pacak njadi angguta umat Allah.”

RASUL 26:22

Anyautu enggut mbak kini aku dijagaui Allah, mangku aku pacak betegak di sini ngiciak ngan gegalau jemau, empuak besak empuak keciak. Setu diau kukiciakka itu semegi ngan setu diau la dikiciakka nabi-nabi ngan Musa.

RUM 11:22

Kitau nginak keilu'an Allah ngan ketegasan Allah. Diau tegas ngan jemau diau bedusau, tapitu iluak ngan kamu, amun kamu maju idup pantas nerimau keilu'anNyau. Amun nidau, kamu pulau ka dicapakka.

RUM 2:7

Jemau diau maju ngerjauka diau iluak ngan ndalak setu diau dipuji ngan diregaui ngan ta'an selelamaunyau ka dienjuakkaNyau idup selelamaunyau.

KULUSI 1:23

Karnau itu kamu mesti maju percayau ngan tegua, jangan sampai ninggalka aghapan diau dienjuakka ngan kamu, masau kamu ndengagh ceritau iluak. Ceritau itu la dikiciakka ngan gegalau deniau. Batan endak itula aku, Paulus, bekerjau.

1 TIMUTIUS 2:15

Anyautu jemau tinau ka selamat, karnau diau melahirka anak, amun diau maju percayau ngan Keristus ngan nyayangi jemau ngan idup batan endak Allah.

1 TIMUTIUS 4:16

Jagauila diri kaba ngan jagauila ajaghan kaba. Kaba mesti tekun ngerjauka gegalaunyautu, karnau ngan carau luak itu kaba ka nyelamatka diri kaba ngan gegalau jemau diau ndengaghka kaba.

2 TIMUTIUS 3:14

Anyautu kaba mesti maju nuruti ajaghan diau benagh diau la diajaghka ngan kaba diau kaba percayaui nian, karnau keruan sapau guru kaba.

IBRANI 3:14

Kitau la bulia bagian ngan Keristus, amun kitau maju tegua percayau enggut mati luak senitu.

IBRANI 8:9

Ukan luak janji diau Kujanjika ngan niniak puyangau, masau Aku nulung ughangtu ngeluagh jak di Mesir. Ughangtu nidau nuruti janji diau Kujanjika ngan ughangtu. Karnau itu Aku nidau nyanauka ughangtu.” Luak itula katau Tuhan.

YAKUBUS 1:25

Ukum Allah sempernau, adau kuasau endak nyelamatka manusiau. Jemau diau melajaghi, meratikanyau iluak-iluak ngan ngerjauka ukumtu nian, jemautu ka disayangi Allah, mangku gegalaunyau diau dikerjaukanyau ka buasil, karnau ukan cuman ndengagh ajau, mangku nidau teghingat agi,

1 YUHANIS 2:19

Ughangtu jak di kitau, anyautu la ninggalka kitau, karnau ughangtu ukan jemau kitau nian. Amun ughangtu jemau kitau nian, cengki ughangtu maju seghundak ngan kitau. Anyautu ughangtu la ninggalka kitau, mangku tenyatau, bansau nidau sughang kia jak di ughangtu jemau kitau.

1 YUHANIS 2:24

Mangku kamutu, ceritau diau la kamu dengagh jak di senitu mesti kamu jagaui iluak-iluak dalam ati. Amun katau diau la kamu dengagh jak di senitu maju di kamu, mangku kamu maju seghundak ngan Anak ngan Allah Bapak pulau.

2 YUHANIS 1:9

Jemau diau nidau nuruti ajaghan Keristus ngan nyimpang jak di situ, jemau itu nidau idup seghundak ngan Allah. Jemau diau maju nuruti ajaghan Keristus, jemautu seghundak ngan Allah Bapak ngan Ana'Au pulau.