YUHANIS 7:32 - PEJANJIAN EMPAI CERITAU ILUAK

³² Jemau jak di rumbungan jemau Parisi ndengagh jemau banyaktu mbisiakka Yesus luak itu. Karnau itu ughangtu ngan imam-imam bepangkat tinggi ngajung penjagau Ghuma Allah pegi nangkap Yesus.

YUHANIS 7:32 ပူးပေါင်းရင်းမြစ်များ

MATIUS 12:14

Anyautu jemau Parisi ngeluagh mangku sepakat endak mbunua Yesus.

MATIUS 23:13

“Celakaula kapu dighi, ai guru-guru ukum Taurat ngan jemau Parisi, kapu dighi jemau cak alim. Kapu dighi ngalangi jemau njadi umat Allah. Kapu dighitu nidau ka njadi umat Allah, mangku jemau lain diau endak nidau kapu dighi ajung.

MATIUS 26:58

Pitrus ngikut jak di jawua sampai ke tengalaman ghuma Imam Besaktu. Mangku diau pulau masuak ke tengalamantu, duduak guak penjagau. Diau endak keruan, luak manau gegalaunyautu ka udim.

YUHANIS 11:46

Adau pulau diau pegi njenguak jemau Parisi ngiciakka ngan ughangtu setu diau la dibuat Yesustu.

YUHANIS 12:19

Mangku jemau Parisi ngiciak sughang ngan diau lain, kataunyau, “Na, kamu la nginak, kitau nidau pacak mbuat tuapau-apau. Gegalau jemau deniauni datang ngikut Diau.”

YUHANIS 18:3

Mangku Yudas pegi ke situ mbata'i serumbungan tentera jemau Rum ngan penjagau Ghuma Allah diau diajung imam-imam bepangkat tinggi ngan jemau Parisi. Ughangtu mbatak pakaian ngan lampu ngan ubur.

YUHANIS 7:30

Masau itu ughangtu endak nangkap Yesus, anyautu nidau bediau jemau diau beghani ngecakka Diau, karnau lum masauNyau.

RASUL 5:26

Mangku kumandan penjagau pegi ngan anak-buahau ke Ghuma Allah endak mbata'i rasul itu, anyautu nidau ngan carau masau, karnau ughangtu takut, kalu disipati jemau banyak.