YUHANIS 7:29 - PEJANJIAN EMPAI CERITAU ILUAK

²⁹ Akuni keruan Diau, karnau asalKu jak di Allah, Diautu ngajung Aku.”

YUHANIS 7:29 ပူးပေါင်းရင်းမြစ်များ

MATIUS 11:27

Gegalaunyau la Dighi seraka ngan Aku. Nidau bediau sughang kia diau keruan Anak, lain jak di Bapak. Nidau bediau pulau diau keruan Bapak, lain jak di Anak ngan jemau diau dikenda'i Anaktu nyataukanyau.

YUHANIS 1:18

Nidau sughang kia kekela nginak Allah lain jak di Anak Allah diau gi sughang itula ngan maju seghundak ngan Bapak. Diau itula nyatauka Bapak ngan kitau.

YUHANIS 10:15

Semegi luak Bapak keruan Aku, Aku keruan Bapak. Mangku Aku ngenjuakka nyawauKu batan endak bebiriKu.

YUHANIS 13:3

Yesus keruan, bansau Bapa'Au la ngenjuakka gegalaunyau ngan Diau. Diau pulau keruan Diau asalau jak di Allah ngan baliak agi ke Allah.

YUHANIS 17:18

Aku ngajung ughangtu ke deniau, luak Dighi la ngajung Aku ke deniau.

YUHANIS 6:46

Aku nidau ngatauka, adau jemau diau la nginak Bapak lain jak di jemau diau datang jak di Allah. Diautu la nginak Bapak.

YUHANIS 8:55

Anyautu kapu dighi nidau keruan Diau, tapitu Aku keruan Diau. Misalau Aku ngiciak, bansau Aku nidau keruan Diau, Aku semegi ngan kapu dighi jemau pembu'ung. Aku keruan Diau, mangku Aku nuruti kici'anNyau.

1 YUHANIS 1:2

Idup itu la diancakka, kamini la ngina'au, mangku mbak kini kami ngiciakka ceritaunyau. Kami ngiciakka ngan kamu idup ngenianau diau selelamaunyau diau adau ngan Allah Bapak. Idup itu la diancakka ngan kami.

1 YUHANIS 4:14

Kami la nginak Anak Allah, mangku kami ngiciakka ngan jemau lain, bansau Diau diajung Allah Bapak njadi Rajau Penyelamat deniauni.

1 YUHANIS 4:9

Allah nyatauka ngan kitau, bansau Diau nyayangi kitau, karnau Diau ngajung Ana'Au diau gi sughang itula datang ke deniau, supayau kitau bulia idup karnau Ana'Autu.