YUHANIS 7:1 - PEJANJIAN EMPAI CERITAU ILUAK

¹ La udim itu Yesus pegi ngidari Galilia. Diau enggup ke Yudia, karnau tuau-tuau jemau Yahudi di situ merencanauka endak mbunua Diau.

YUHANIS 7:1 ပူးပေါင်းရင်းမြစ်များ

MATIUS 10:23

Amun jemau nganiayau kamu di sebua kuta, laratla ke kuta diau lain. Aku bekatau ngan kamu, ‘Antak ka kamu udim nandangi gegalau kuta di Israil, Anak Manusiau la datang.’

MATIUS 21:38

Anyautu satu jemau parauan nginak anak jemau ngempu kebuntu, ughangtu ngiciak sughang ngan diau lain, ‘Diautu behak ngempu kebun ini nanti. Mela kitau bunua diau, mangku kebunni njadi hak kitau.’

MARKUS 11:18

Imam-imam bepangkat tinggi ngan guru-guru ukum Taurat ndengagh ceritau tadi, mangku ughangtu mulai ndalak jalan endak mbunua Yesus. Ughangtu takut ngan Diau, karnau gegalau jemau kemangan ndengagh ajaghanNyau.

YUHANIS 1:19

Tuau-tuau jemau Yahudi di Yerusalim ngajung imam-imam ngan jemau pengadau Liwi pegi njenguak Yuhanis ngan nanyaui diau, “Sapau kabani?”

YUHANIS 4:3

Jak Yesus keruan, bansau jemau Parisi ndengagh ceritau itu, Diau pegi jak di Yudia baliak ke Galilia.

YUHANIS 4:54

Inila tandau keduau diau dikerjauka Yesus, masau diau baliak ke Galilia jak di Yudia.

YUHANIS 6:1

La udim itu Yesus pegi nyembeghang Danau Galilia diau dikiciakka pulau Danau Tiberias.

YUHANIS 7:11

Selamau aghi rerayautu tuau-tuau jemau Yahudi ndala'i Yesus ngan betanyau, “Di manau jemau itu?”

YUHANIS 7:13

Anyautu nidau bediau jemau diau beghani ngiciakka Diau ngan teterangan, karnau takut ngan tuau-tuau jemau Yahudi.

YUHANIS 7:19

Ukanau Musa la ngenjuakka ukum Taurat ngan kapu dighi? Anyautu nidau bediau sughang kia diau nuruti ukum Taurat itu. Ngapau kapu dighi endak mbunua Aku?”

YUHANIS 7:25

Adau jemau Yerusalim diau betanyau, kataunyau, “Ukanau Diaunila jemau diau didala'i endak dibunua?

YUHANIS 7:35

Mangku tuau-tuau jemau Yahudi sangi tanyaui, kataunyau, “Jemau ini endak pegi ke manau, mangku kitau nidau pacak betemu ngan Diau? Apu Diau endak pegi njenguak jemau diau merantau bada jemau Yunani endak ngajagh jemau Yunani?

YUHANIS 8:37

“Nyela, Aku keruan, kapu dighini pengadau Abraham. Anyautu kapu dighi endak mbunua Aku, karnau kapu dighi enggup nerimau ajaghanKu.

YUHANIS 8:40

Akuni ngiciakka ngan kapu dighi setu diau benagh diau Kudengagh jak di Allah, anyautu kapu dighi endak mbunua Aku. Perembak luak itu nidau dikerjauka Abraham.

RASUL 10:38

Kapu dighi la keruan katau Yesus, jemau Nasarittu, mbak bansau Diautu dipilia Allah ngan dienjuakkaNyau Rua Allah ngan kuasau, mangku Diautu pegi ke manau-manau endak ngerjauka setu diau iluak ngan meghadui gegalau jemau diau diarung iblis, karnau Allah nyertaui Diau.