YUHANIS 5:18 - PEJANJIAN EMPAI CERITAU ILUAK

¹⁸ Karnau kici'anNyautu tuau-tuau jemau Yahudi tamba beusaha endak mbunua Yesus. Ughangtu endak mbunua Yesus ukan ajau, karnau Diau melanggar adat lembagau aghi Sabat, anyautu pulau karnau Diau ngiciakka, bansau Allah itu Bapa'Au. Amun luak itu, Diau nyamauka diriAu ngan Allah.

YUHANIS 5:18 ပူးပေါင်းရင်းမြစ်များ

MATIUS 12:5

Apu lum kapu dighi mbacau dalam ukum Musa, bansau idang aghi Sabat imam diau betugas di Ghuma Allah melanggar peraturan aghi Sabat, anyautu nidau disalaka?

YUHANIS 1:19

Tuau-tuau jemau Yahudi di Yerusalim ngajung imam-imam ngan jemau pengadau Liwi pegi njenguak Yuhanis ngan nanyaui diau, “Sapau kabani?”

YUHANIS 10:30

Aku ngan Bapak gi sughang.”

YUHANIS 10:33

Jemau Yahudi itu nimbal, “Ukan karnau perembak kaba diau iluak itu kami endak nyipati kaba ngan batu, tapitu karnau kaba nggelakka Allah. Kabani sughang jemau endak njadika diri Kaba Allah.”

YUHANIS 14:23

Katau Yesus, “Amun jemau nyayangi Aku, diau ka nuruti kici'anKu. BapakKu ka nyayangi diau, mangku Kami ka njenguak diau ngan mendam ngan diau.

YUHANIS 14:9

Katau Yesus, “Ui, Pilipus, Aku la lamau ngan kamu, mangku kaba lum kila keruan Aku? Jemau diau nginak Aku la nginak Bapak. Ngapau kaba ngiciakka: Ancakka Bapaktu ngan kami?

YUHANIS 19:7

Mangku jemau Yahudi itu nimbal, “Nurut ukum kami Diau mesti diukum mati, karnau Diau ngiciakka diriAu Anak Allah!”

YUHANIS 5:15

Mangku jemautu pegi nceritauka ngan tuau-tuau jemau Yahudi, bansau jemau diau meghaduinyautu Yesus.

YUHANIS 5:16

Itula sebapau tuau-tuau jemau Yahudi mulai meluatka Yesus, karnau Diau meghadui jemau masau aghi Sabat.

YUHANIS 5:17

Yesus ngiciak ngan ughangtu, katauNyau, “BapakKu maju nulung jemau enggut mbak kini, mangku Aku pulau nulungi jemau.”

YUHANIS 5:23

mangku Anak diregaui gegalau jemau luak Bapak diregaui. Jemau diau nidau meregaui Anak itu, jemautu pulau nidau meregaui Bapak diau ngajung Ana'Au.

YUHANIS 7:1

La udim itu Yesus pegi ngidari Galilia. Diau enggup ke Yudia, karnau tuau-tuau jemau Yahudi di situ merencanauka endak mbunua Diau.

YUHANIS 7:19

Ukanau Musa la ngenjuakka ukum Taurat ngan kapu dighi? Anyautu nidau bediau sughang kia diau nuruti ukum Taurat itu. Ngapau kapu dighi endak mbunua Aku?”

YUHANIS 8:54

Yesus nimbal, “Misalau Aku muji diriKu, dikit kiala nidau bediau gunaunyau. Diau muji Aku Bapak diau kapu dighi kiciakka Allah kapu dighi.

YUHANIS 8:58

Yesus nimbal, katauNyau, “KatauKu ini benagh: Antak ka Abraham adau, Aku la adau.”

PILIPI 2:6

Diau semegi ngan Allah. Empuak luak itu, Diau nidau terupuak, bansau kedudu'anNyautu mesti dita'anka.

PENGINA'AN 22:1

Mangku malaikattu nunjuakka ngan aku ayiak batang-aghi diau ngenjuakka idup diau jeghenia luak kacau. Diau melilia keluagh jak di kerusi Allah ngan Anak Bebiritu

PENGINA'AN 22:3

Mangku nidau bediau agi diau didawaika. Kerusi Allah ngan Anak Bebiritu ka adau di dalamau, mangku budak-buda'Au ka nyemba Diau