YUHANIS 4:34 - PEJANJIAN EMPAI CERITAU ILUAK

³⁴ Katau Yesus, “MakananKu ngerjauka kendak Allah diau ngajung Aku, mangku ngudimi kerjau diau diserakaNyau ngan Aku.

YUHANIS 4:34 ပူးပေါင်းရင်းမြစ်များ

MATIUS 26:39

Udim itu Diau pegi jawua dikit, mangku nunduak ngan bedu'a, katauNyau, “Bak, amun pacak, jawuakala sengsarau itu jak di Aku. Anyautu jangan nurut kendak Aku, tapitu kendak Dighi ajau.”

MATIUS 3:15

Mangku Yesus nimbal, katauNyau, “Nengkela mbak kini luak ini, karnau ngan carau luak ini kitau ngerjauka gegalau kendak Allah.” Mangku Yuhanis nurut.

MATIUS 9:19

Mangku Yesus betegak ngikutka jemautu, anak-buaHau ngikut pulau.

LUKAS 15:10

Keruanila, luak itu pulau malaikat-malaikat Allah keriangan, karnau sughang jemau bedusau betubat.”

LUKAS 19:10

Anak Manusiau datang endak ndala'i jemau lengit ngan nyelamatka jemau sesat.”

LUKAS 2:49

Mangku Yesus ngiciak ngan enduak-bapa'Au, katauNyau, “Ngapau kapu dighi ndala'i Aku? Apu kapu dighi nidau keruan, bansau Aku mesti adau di ghuma BapakKu?”

YUHANIS 17:4

Aku la ngagungka Dighi di deniau ngan ngudimi kerjau diau la Dighi ajungka ngan Aku.

YUHANIS 19:28

Yesus keruan, mbak kini gegalaunyau la udim, mangku supayau ditepati setu diau ditulis di Injil Diau bekatau, “Aku aus!”

YUHANIS 19:30

La udim Yesus ngisap ayiak anggur itu, Diau bekatau, “La udim!” Mangku Diau ngelintuakka pala'Au ngan nyeraka nyawauNyau.

YUHANIS 4:32

Yesus bekatau, “Aku adau makanan diau lum keruan ngan kamu.”

YUHANIS 5:30

“Akuni nidau pacak ngerjauka tuapau-apau nurut kendakKu sendighi. Aku ngadili nurut setu diau la Kudengagh. Mangku keputusanKu benagh, karnau Aku nidau nuruti kendakKu sendighi, tapitu kendak Allah diau ngajung Aku.

YUHANIS 5:36

Anyautu Akuni adau tandau bukti lain pulau, pentingla diau sangkan kici'an Yuhanistu. Setu diau la dienjuakka Bapak ngan setu diau Kukerjauka mbak kini nyatauka Aku diajung Bapak.

YUHANIS 6:33

Karnau makanan diau jak di Allahtu makanan diau tughun jak di sergau diau ngenjuakka idup ngan deniauni.”

YUHANIS 6:38

Karnau Aku datang jak di sergau ukan batan endak ngerjauka kendakKunila, tapitu batan endak ngerjauka kendak Allah diau ngajung Aku.

YUHANIS 8:29

Diau ngajung Aku nyertaui Aku. Diau nidau kekela ngenangka Aku sughang, karnau Aku maju ngerjauka setu diau melemakka atiAu.”

RASUL 20:35

Ngan gegalaunyautu aku la ngenjuakka penauan ngan kapu dighi, bansau ngan kerjau luak itula kitau mesti nulung jemau diau nidau kuat. Kitau mesti ngingatka katau Tuhan Yesus diau dikiciakkaNyautu, ‘Iluakla ngenjuak sangkan nerimau!’ ”

IBRANI 12:2

Mela kitau ngerjauka titu ngan maju merupuakka Yesus. Diau itula mbuat kitau percayau, mangku Diautu pulau nulung kitau maju percayau. Yesustu ta'an sengsarau, nidau nyanauka, bansau mati di kayu saliptu setu diau maluka. Diau cuman ngingatka riang diau ka dighasaukaNyau nanti. Mbak kini Diau duduak di sebela kanan Allah.