YUHANIS 4:10 - PEJANJIAN EMPAI CERITAU ILUAK

¹⁰ Timbal Yesus, “Amun kaba keruan, tuapau diau dienjuakka Allah, ngan sapau diau mintak minum ngan kaba, cengki kaba mintak ngan Diau, mangku Diau ka ngenju'i kaba ayiak diau ngenjuakka idup.”

YUHANIS 4:10 ပူးပေါင်းရင်းမြစ်များ

LUKAS 11:13

Kinak luak itu, amun kamu jemau diau ja'at pacak ngenjuakka setu diau iluak ngan anak kamu, apau lagi Bapak kamu diau di sergau! Diau ka ngenjuakka Rua Allah ngan jemau diau mintak ngan Diau.”

YUHANIS 16:3

Ughangtu ka ngerjauka gegalaunyautu, karnau ughangtu nidau keruan BapakKu ngan Aku.

YUHANIS 17:3

Retiau idup empai selelamaunyau itula ngeruani Dighi, Allah diau sebenaghau diau gi sughang itula ngan ngeruani Yesus Keristus diau la Dighi ajung.

YUHANIS 3:16

Karnau Allah sayang nian ngan deniauni, mangku Diau la ngenjuakka Ana'Au diau gi sughang itula, supayau bilang jemau diau percayau ngan Diau nidau benasau, tapitu bulia idup empai selelamaunyau.

YUHANIS 4:14

Jemau diau minum ayiak diau ka Kuenjuakka nidau ka aus agi selelamaunyau. Ayiak diau Kuenjuakkatu ka njadi matau-ayiak dalam idupau diau maju mancagh, mangku ngenjuakka idup selelamaunyau ngan jemau itu.”

YUHANIS 6:35

Katau Yesus, “Akunila makanan diau ngenjuakka iduptu. Jemau diau datang njenguak Aku nidau ka lapagh agi, mangku jemau diau percayau ngan Aku nidau ka aus agi.

YUHANIS 6:51

Akunila makanan diau ngenjuakka idup diau datang jak di sergau. Jemau diau makan makanan ini ka idup selelamaunyau. Makanan diau ka Kuenjuakka nyela dagingKu diau ka Kuenjuakka batan ngenjuakka idup ngan deniauni.”

RASUL 9:11

Katau Tuhan, “Mela, pegi ke ghuma Yudas di Jalan Lughus. Tanyauka di situ jemau benamau Saulus diau asalau jak di Tarsus. Diautu dang bedu'a.

RUM 8:32

Allahtu rila nyeraka Ana'Au batan endak kitau galau. Baghia Diau nidau ngenjuakka ngan kitau gegalaunyau diau lainau.

1 KURINTUS 1:30

Kamu seghundak ngan Keristus karnau Allah. Kitau bepengertian karnau Keristus. Diautu mbenaghka kitau ngan njadika kitau umat Allah ngan mbibaska kitau.

1 KURINTUS 10:4

ngan minum minuman ruhani diau semegi. Gegalau ughangtu minum jak di gunung batu ruhani diau ngantini ughangtu. Mangku gunung batu itu Keristus.

2 KURINTUS 9:15

Terimau-kasia ngan Allah, karnau enju'anNyau diau iluak nianantu.

IPISUS 2:8

Allah sayang nian ngan kamu. Karnau itu Diau nyelamatka kamu, karnau kamu percayau ngan Yesus. Keselamatan kamutu ukan karnau usaha kamu. Itu pengenjuak Allah,

IBRANI 6:4

Adau jemau diau senitu la nerimau terangAu ngan meghasauka keilu'an Allah ngan nerimau kuasau Rua Allahtu.

1 YUHANIS 5:20

Kitau keruan, bansau Anak Allah la datang ngan ngenjuakka pengertian ngan kitau, mangku kitau ngeruani Allah diau benagh. Kitau idup seghundak ngan Allah diau benagh ngan idup seghundak ngan Ana'Au Yesus Keristus. Diautu Allah diau benagh ngan ngenjuakka idup sejati selelamaunyau.

PENGINA'AN 21:6

KatauNyau agi ngan aku, “La udim! Akunila Alpa ngan Umiga, diau dulu sekali ngan diau mendian sekali. Jemau diau aus ka Kuenju'i minum jak di matau-ayiak diau ngenjuakka idup, nidau nanti dibayighi.

PENGINA'AN 22:17

Rua Allah ngan buntingtu bekatau, “Mela!” Bilang jemau diau ndengaghkanyau bekatau pulau, “Mela!” Jemau diau aus datangla, mangku jemau diau endak ayiak diau ngenjuakka idup, ngambiakla, nidau nanti dibayighi!

PENGINA'AN 7:17

Karnau Anak Bebiri diau adau di tetengaan kerusi rajautu ka nyayia ughangtu ngan mbata'i ughangtu ke matau-ayiak diau ngenjuakka idup. Mangku Allah ka ngusu'i ayiak matau jak di matau ughangtu.”