YUHANIS 3:36 - PEJANJIAN EMPAI CERITAU ILUAK

³⁶ Jemau diau percayau ngan Ana'Autu bulia idup selelamaunyau. Anyautu jemau diau nidau ta'at ngan Ana'Autu nidau ka bulia idup empai. Jemautu maju diukum Allah.

YUHANIS 3:36 ပူးပေါင်းရင်းမြစ်များ

YUHANIS 5:24

Kici'anKu ini benagh: Jemau diau ndengagh ngan nuruti kici'anKu, mangku percayau ngan Allah diau ngajung Aku, jemautu la ngempu idup empai selelamaunyau. Diau nidau ka diukum. Diau la ngalia jak di mati ke idup.

YUHANIS 1:12

Mangku bilang jemau diau nerimauNyau ngan percayau ngan Diau, dienjuakkaNyau hak njadi anak Allah.

1 TESALUNIKA 5:9

Karnau Allah milia kitau ukan batan endak ditimpau mara, tapitu batan endak diselamatka karnau Tuhan kitau Yesus Keristus.

IPISUS 5:6

Jangan kamu tetipu ngan kici'an diau mbu'ung, karnau setu luak itu mbuat Allah mara ngan jemau diau nidau ta'at.

RUM 5:9

Apau agi mbak kini, kitau la seilu'an ngan Allah karnau Keristus mati, mangku kitau cengki ka diselamatka jak di ukuman Allah karnau Diau.

YUHANIS 8:51

Ngenian katauKu ini: Jemau diau nuruti kici'anKu nidau ka mati selelamaunyau.”

YUHANIS 10:28

Aku ngenju'i diau idup selelamaunyau, mangku bebiritu nidau ka benasau enggut selelamaunyau. Nidau bediau sughang kia diau ka merebuti diau jak di sayianKu.

YUHANIS 3:3

Yesus bekatau, “KatauKu ini benagh: Amun jemau nidau ngulang dilahirka, diau nidau pacak njadi angguta umat Allah.”

PENGINA'AN 21:8

Anyautu jemau diau penakut, jemau diau nidau percayau, jemau najis, pembunua, jemau menaugawia, dukun, jemau nyemba diwau, ngan gegalau pembu'ung ka dicapakka ke dalam laut api diau maghak ngan belirangtu. Itula kematian diau keduau.”

1 TESALUNIKA 1:10

Ughangtu ngiciakka pulau ceritau kamu ngaghapka Anak Allah datang jak di sergau, diautu Yesus diau la diidupka Allah jak di mati. Yesus itula diau nyelamatka kitau jak di mara Allah diau ka datangtu.

GALATIA 3:10

Jemau diau bepaut ngan ukum Taurat idup ngan dawaian. Karnau di Injil ditulis, “Jemau diau nidau nuruti gegalaunyau diau ditulis dalam kitab Taurat didawaika Allah.”

RUM 8:1

Mbak kini jemau diau idup seghundak ngan Yesus Keristus nidau agi diukum selelamaunyau,

LUKAS 3:6

Mangku gegalau jemau di deniau ka nginak Allah nyelamatka manusiau!’ ”

IBRANI 10:29

Apau agi jemau diau nijak-nijakka Anak Allah, jemau diau nggelakka dagha pejanjian Allah, itu kematian Keristus diau mberesiaka jak di dusau. Jemau itu nggelakka keilu'an Rua Allah. Beghatla ukuman jemautu.

IBRANI 2:3

Apau agi ngan ceritau selamat. Hibatla ceritau itu sangkan katau Allah tadi! Amun kitau nidau meratika nian ceritau selamattu, cetau kitau ka diukum. Tuhan itula diau dulu sekali ngiciakka ceritau selamattu, mangku jemau diau la ndengaghau senitu la mbuktika ngan kitau, bansau ceritautu benagh.

RUM 4:15

Ukum Taurat mbuat manusiau diukum. Anyautu amun nidau bediau peraturan, pelanggaran pulau nidau bediau.

LUKAS 2:30

Aku la nginak sendighi keselamatan jak di Dighi,

MATIUS 25:46

Mangku ughangtu ka diukum ngan ukuman selelamaunyau. Jemau diau ngerjauka kendak Allah tadi ka riang selelamaunyau.”

MARKUS 16:16

Jemau diau percayau ngan dibaptis ka selamat. Anyautu jemau diau nidau percayau ka diukum.

YUHANIS 4:36

Mbak kini jemau diau ngetam la nerimau upahau, diau melungguakka asilau batan endak idup empai selelamaunyau, mangku jemau diau nanam ngan jemau diau ngetam semegi riangau.

YUHANIS 6:58

Inila makanan diau jak di sergau, ukanau luluak makanan diau dimakan niniak puyang kapu dighi, mangku kesudimannyau masia mati. Jemau diau makan makanan tadi ka idup selelamaunyau.”

RASUL 14:2

Anyautu jemau Yahudi diau enggup percayau ngasung jemau bangsau lain, mangku ughangtu mara lagi luat ngan jemau percayautu.

IBRANI 3:18

Masau itu Allah besumpa, “Ughangtu nidau ka masuak nenggeritu, nidau pulau pacak gheghadu di badaKu.” Mangku sapau diau dikiciakkatu? Apu ukan jemau diau nidau ta'attu?

IBRANI 3:19

Mbak kini kitau ngerti, bansau ughangtu nidau masuak karnau nidau percayau.