YUHANIS 3:3 - PEJANJIAN EMPAI CERITAU ILUAK

³ Yesus bekatau, “KatauKu ini benagh: Amun jemau nidau ngulang dilahirka, diau nidau pacak njadi angguta umat Allah.”

YUHANIS 3:3 ပူးပေါင်းရင်းမြစ်များ

MATIUS 16:17

Katau Yesus ngan diau, “Riangla kaba Simun anak Yuna, karnau ukan manusiau diau ngiciakka titu ngan kaba, tapitu Bapakku diau di sergau.

MATIUS 19:24

Ini pulau diau endak Kukiciakka ngan kamu, murala sikuak untau lalu wuan tebuak jaghum sangkan jemau kayau masuak sergau.”

MATIUS 21:31

Sapau jak di duau ughangtu ngerjauka kendak bapa'au?” Imam itu ngan tuau-tuau jemau Yahudi nimbal, “Diau bunsu.” Mangku Yesus bekatau ngan ughangtu, “Percayaula, dulula tukang tagia cuki ngan tinau pelacur ka njadi umat Allah sangkan kapu dighi.

MATIUS 5:18

Ingatkala semasau langit ngan deniau ini gi adau, sutiak kia urup ngan tandau diau keciak nian nidau ka dilengitka jak di ukum Taurat, amun gegalaunyau lum tejadi.

MARKUS 10:14

Nginak titu, Yesus mara mangku ngiciak ngan anak-buaHau, katauNyau, “Nengkela budak-budak keciak itu njenguak Aku. Jangan dialangi, karnau jemau luak itula Allah pacak njadi rajau dalam idupau.

MARKUS 9:47

Mangku amun matau kaba mbuat kaba bedusau, cungkilla matau kabatu. Iluakla kaba di sergau ngan matau sebela, sangkan dicapakka ke nerakau ngan matau duau.

YUHANIS 1:13

Ughangtu njadi anak Allah ukan ngan carau manusiau, ukan pulau karnau dikenda'i sughang jemau lanang, anyautu idup itu asalau jak di Allah.

YUHANIS 1:5

Terang itu besinagh di keleman, nidau pacak dipadamka kelemantu.

YUHANIS 1:51

Mangku Yesus bekatau agi, “Percayaula nian ngan katauKu ini: Kaba ka nginak langit tebukak ngan malaikat-malaikat Allah nayiak tughun ke Anak Manusiau.”

YUHANIS 12:40

‘Aku la mbutauka matau ughangtu ngan mbuat ughangtu keghas ati, supayau matau ughangtu jangan nginak ngan rupu'an ughangtu jangan terti, mangku ughangtu jangan ngulang njenguak Aku, mangku Aku jangan meghadui ughangtu.’ ”

YUHANIS 3:4

“Baghia jemau la besak pacak ngulang dilahirka,” katau Nikudimus. “Cengki nidau pacak masuak agi dalam busung endu'au, mangku ngulang dilahirka.”

2 KURINTUS 4:4

Ughangtu nidau percayau, karnau rua iblis diau nguasaui deniauni ngalangi rupu'an, supayau nidau ngerti ngan nidau nginak terang jak di ceritau iluaktu, ceritau keagungan Keristus diau luak gambaran Allah.

2 KURINTUS 5:17

Amun jemau la seghundak ngan Keristus, diau njadi manusiau empai. Idup diau lamau nidau bediau agi, gegalaunyau la njadi empai.

GALATIA 6:15

Apu disunat apu nidau besunat nidau penting. Diau penting itu njadi manusiau empai.

IPISUS 2:1

Senitu kamu luak mati, karnau kamu bedusau ngan melanggar perinta Allah.

TITUS 3:5

Masau itu Diau nyelamatka kitau, ukan karnau kitau ngerjauka setu diau iluak, tapitu karnau Diau sayang ngan kitau. Diau nyelamatka kitau ngan carau mbasua kitau endak ngenjuakka idup diau empai. Titu dikerjauka Rua Allah

YAKUBUS 3:17

Anyautu jemau diau adau pengertian jak di sergau, diau penting sekali supayau jemautu tulus, mangku galak bedamai, galak begaul ngan belagham. Diau nyialka jemau nian ngan ngerjauka diau iluak, diau nidau mihak ngan nidau cak iluak.

1 PITRUS 1:3

Mela kitau beterimau-kasia ngan Allah, Bapak Tuhan kitau Yesus Keristus! Diau nyayangi kitau nian. Karnau itu Diau ngenjuakka ngan kitau idup diau empai ngan carau ngidupka Yesus Keristus jak di mati, mangku kitau adau aghapan diau tetap.

1 YUHANIS 2:29

Kamu la keruan, bansau Keristus idup nurut kendak Allah, mangku kamu mesti keruan pulau, bansau bilang jemau diau idup nurut kendak Allah asalau jak di Allah.

1 YUHANIS 3:9

Jemau diau la njadi anak Allah nidau agi bebuat dusau. Sipat Allah itula adau di diau, mangku diau nidau agi bedusau, karnau la njadi anak Allah.

1 YUHANIS 5:1

Jemau diau percayau, bansau Yesusla Rajau Penyelamat diau dijanjika Allah, jemautu anak Allah. Mangku jemau diau nyayangi Bapak, nyayangi anak-ana'Au pulau.

1 YUHANIS 5:18

Kitau keruan, bansau gegalau jemau diau la njadi anak Allah nidau agi bebuat dusau, karnau Anak Allah njagauinyau, mangku Iblis nidau pacak mbuat tuapau-apau ngan diau.

1 YUHANIS 5:4

karnau bilang anak Allah pacak ngalaka deniau diau ja'at ini. Ngan iman kitau ngalakanyau.

PENGINA'AN 3:14

“Ngan malaikat jemau Keristen di Laudikia tuliskala luak ini: ‘Inila katau Aku, Akunila tetap ngan nyatauka setu diau benagh ngan pacak dipercayaui, mulaunyau gegalaunyau diau dijadika Allah.