YUHANIS 19:6 - PEJANJIAN EMPAI CERITAU ILUAK

⁶ Nginak Yesus, imam-imam bepangkat tinggi ngan penjagau-penjagau tegauk-gauk, “Pakukala Diau! Pakukala Diau di kayu salip!” Katau Pilatus, “Batakla Diau ngan kapu dighi, pakukala di kayu salip. Akuni nidau kila dapat sutiak salaHau di Diau.”

YUHANIS 19:6 ပူးပေါင်းရင်းမြစ်များ

MATIUS 26:58

Pitrus ngikut jak di jawua sampai ke tengalaman ghuma Imam Besaktu. Mangku diau pulau masuak ke tengalamantu, duduak guak penjagau. Diau endak keruan, luak manau gegalaunyautu ka udim.

MATIUS 27:22

Mangku Pilatus betanyau ngan ughangtu, “Mangku tuapau diau mesti kubuat ngan Yesus diau dikiciakka Keristus?” Katau ughangtu, “Pakuka Diau di kayu salip!”

MATIUS 27:24

Mangku Pilatus nyadari, bansau diau nidau pacak agi mbuat tuapau-apau, lagi jemau banyaktu la mulai kacau. Diau ngambiak ayiak, mbasua tanganau di mukau jemau banyak ngan bekatau, “Aku nidau betanggung-jawab ngan kematian Jemau ini. Itu urusan kamu!”

LUKAS 23:4

Mangku Pilatus ngiciak ngan imam-imam bepangkat tinggi ngan gegalau jemau banyak di situ, kataunyau, “Aku nidau nemuka sutiak kia sala di Jemau ini.”

YUHANIS 18:3

Mangku Yudas pegi ke situ mbata'i serumbungan tentera jemau Rum ngan penjagau Ghuma Allah diau diajung imam-imam bepangkat tinggi ngan jemau Parisi. Ughangtu mbatak pakaian ngan lampu ngan ubur.

YUHANIS 18:31

Pilatus bekatau ngan ughangtu, “Batakla Diauni, adilila nurut ukum Taurat kapu dighi!” Jemau Yahudi itu nimbal, “Kami nidau bulia ngukum jemau ngan ukuman mati.”

YUHANIS 18:38

Pilatus betanyau agi ngan Diau, “Tuapau retiau diau benagh itu?” Mangku Pilatus ngeluagh agi ngan ngiciak ngan jemau Yahudi tadi, “Nidau bediau semecam kia salaHau di Diau.

YUHANIS 19:15

Ughangtu tegauk-gauk, “Bunuala Diau! Bunuala Diau! Pakukala Diau di kayu salip!” Katau Pilatus, “Aku mesti nyalipka Rajau kapu dighi?” Timbal imam-imam bepangkat tinggi, “Kami nidau bediau rajau lain jak di Kaisar!”

YUHANIS 19:4

Pilatus ngeluagh agi ngan ngiciak ngan jemau banyak itu, “Kina'ila, aku mbatak Diau keluagh guak kapu dighi, supayau kapu dighi keruan, sutiak kia salaHau nidau kudapat di Diau.”

RASUL 2:23

Nurut rencanauNyau Allah la nyeraka Diau, la kapu dighi bunua ngan ngajung jemau ja'at makuka Diau di kayu salip.

RASUL 7:52

Gegalau nabi diluatka niniak puyang kapu dighi. Lagi ughangtu mbunua jemau diau senitu la ngiciakka, mbak bansau Jemau Benaghtu ka datang. Diautu kapu dighi celakauka ngan bunua empaini.