YUHANIS 19:4 - PEJANJIAN EMPAI CERITAU ILUAK

⁴ Pilatus ngeluagh agi ngan ngiciak ngan jemau banyak itu, “Kina'ila, aku mbatak Diau keluagh guak kapu dighi, supayau kapu dighi keruan, sutiak kia salaHau nidau kudapat di Diau.”

YUHANIS 19:4 ပူးပေါင်းရင်းမြစ်များ

MATIUS 27:19

Pilatus dang duduak di bada pengadilan, biniau bepesan ngan diau, “Jangan kamu ncampuri pekarau Jemau diau nidau besala itu. Di malam aku adau mimpi karut mangku nanggung nian karnau Jemau itu.”

MATIUS 27:24

Mangku Pilatus nyadari, bansau diau nidau pacak agi mbuat tuapau-apau, lagi jemau banyaktu la mulai kacau. Diau ngambiak ayiak, mbasua tanganau di mukau jemau banyak ngan bekatau, “Aku nidau betanggung-jawab ngan kematian Jemau ini. Itu urusan kamu!”

MATIUS 27:4

Diau bekatau, “Aku la bedusau, karnau njualka jemau diau nidau besala, mangku Diau diukum mati.” Ughangtu nimbal, “Ukan urusan kami. Itu urusan kaba.”

MATIUS 27:54

Kumandan tentera ngan tenterahau diau dang njagaui Yesus nginak gempau ngan gegalau diau tejadi itu, mangku penakut nian ngan bekatau, “Nyela nian, Diauni Anak Allah.”

LUKAS 23:4

Mangku Pilatus ngiciak ngan imam-imam bepangkat tinggi ngan gegalau jemau banyak di situ, kataunyau, “Aku nidau nemuka sutiak kia sala di Jemau ini.”

LUKAS 23:41

Nyela, kitau ughang duauni pantas diukum sesuai ngan perembak kitau. Anyautu Diauni dikit kia nidau besala.”

LUKAS 23:47

Kumandan tentera nginak gegalau diau tejadi, mangku ngagungka Allah ngan bekatau, “Nyela nian, Diauni jemau benagh.”

YUHANIS 18:33

La udim itu Pilatus masuak agi ke bada gubernur. Diau mantau Yesus mangku betanyau, “Kabani Rajau jemau Yahudi?”

YUHANIS 18:38

Pilatus betanyau agi ngan Diau, “Tuapau retiau diau benagh itu?” Mangku Pilatus ngeluagh agi ngan ngiciak ngan jemau Yahudi tadi, “Nidau bediau semecam kia salaHau di Diau.

YUHANIS 19:6

Nginak Yesus, imam-imam bepangkat tinggi ngan penjagau-penjagau tegauk-gauk, “Pakukala Diau! Pakukala Diau di kayu salip!” Katau Pilatus, “Batakla Diau ngan kapu dighi, pakukala di kayu salip. Akuni nidau kila dapat sutiak salaHau di Diau.”

2 KURINTUS 5:21

Keristustu nidau bedusau. Anyautu Allah ngajung Diau nanggungka dusau kitau, supayau kitau dibenaghka karnau seghundak ngan Keristus.

IBRANI 7:26

Imam Besak luak Yesus itula diau kitau perluka. Diautu beresia, nidau bediau sala ngan dusauNyau. Diau diasingka jak di jemau bedusau, mangku Diau ditinggika ke bada diau tinggi di sergau.

1 PITRUS 1:19

tapitu dagha Keristus itula diau besak nian regaunyau. Diautu njadi luak anak bebiri diau nidau bediau cacat ngan nidau bediau salahau diau dikerbanka ngan Allah.

1 PITRUS 2:22

Diau nidau kekela mbuat dusau ngan nidau sughang kia ndengagh Diau mbu'ung.

1 PITRUS 3:18

Keristustu mati sekali batan endak dusau manusiau, jemau diau nidau besala batan endak jemau besala. Keristus ngerjauka titu, supayau Diau pacak mbimbing kamu njenguak Allah. Diautu la dibunua masau njadi manusiau, tapitu la diidupka agi nurut rua.

1 YUHANIS 3:5

Kamu keruan, bansau Keristus datang endak ngabiska dusau manusiau, mangku Diau nidau bediau dusau.