YUHANIS 18:4 - PEJANJIAN EMPAI CERITAU ILUAK

⁴ Yesus la keruan gegalaunyau diau ka ditanggungkaNyau, mangku Diau masighi ughangtu ngan betanyau, “Kamutu ndala'i sapau?”

YUHANIS 18:4 ပူးပေါင်းရင်းမြစ်များ

MATIUS 16:21

Jak masau itu Yesus mulai ngiciakka ngan anak-buaHau, bansau Diau mesti pegi ke Yerusalim, mangku meghasauka banyak penanggungan jak di pengulu-pengulu, imam-imam bepangkat tinggi ngan guru-guru ukum Taurat. Diau mesti dibunua, mangku la duau malam Diau ka idup agi.

MATIUS 26:2

“Kamu keruan duau aghi agi aghi rerayau Paska, mangku Anak Manusiau ka diseraka endak dipakuka di kayu salip.”

MATIUS 26:21

Ughangtu dang makan, Diau bekatau, “Dengaghkala! Sughang jak di kamu ka njualka Aku.”

MATIUS 26:31

Mangku Yesus bekatau ngan ughangtu, “Malam ini gegalau kamu ka belaghi ninggalka Aku. Karnau di Injil ditulis, ‘Aku ka mbunua tukang sayia, mangku bebiriau ka teceghai-beghai.’

LUKAS 24:44

Udim itu Yesus bekatau ngan ughangtu, “Inila kici'anKu diau la Kukiciakka ngan kamu, timpau Aku gi seghundak ngan kamu, bansau gegalaunyau diau tetulis dalam kitab Taurat, kitab Nabi ngan kitab Masmur mesti tejadi.”

YUHANIS 13:1

Mbak pagi di aghiau aghi rerayau Paska ka lasung, Yesus la keruan, bansau masauNyau la sampai Diau ninggalka deniau ini njenguak Bapa'Au. Yesus la nyayangi anak-buaHau, mangku Diau maju nyayangi ughangtu enggut pengabisanNyau.

YUHANIS 13:11

Yesus la keruan sapau ka njualkaNyau. Itula sebapau Diau ngiciakka, “Kamuni la beresia, anyautu nidau gegalau kamu.”

YUHANIS 18:5

Katau ughangtu, “Yesus, jemau Nasarit!” Katau Yesus, “Akunila Diau.” Yudas, jemau diau njualka Yesustu, betegak pulau di situ ngan ughangtu.

YUHANIS 18:7

Yesus betanyau agi ngan ughangtu, “Kamu ndala'i sapau?” Katau ughangtu, “Yesus, jemau Nasarit!”

YUHANIS 19:28

Yesus keruan, mbak kini gegalaunyau la udim, mangku supayau ditepati setu diau ditulis di Injil Diau bekatau, “Aku aus!”

YUHANIS 6:64

Anyautu adau jak di kapu dighi diau nidau percayau.” Yesus keruan jak di senitu jemau diau enggup percayau ngan jemau diau njualkaNyau.

RASUL 2:28

Dighi nunjuakka ngan Aku jalan diau nuju idup. Aku injiak nianan, karnau Dighi adau guak Aku.’

1 PITRUS 4:1

Keristus sengsarau di kayu salip. Karnau itu kamu pulau mesti berupuak luak Diau, karnau jemau diau sengsarau di deniauni nidau endak agi ngerjauka dusau.