YUHANIS 17:3 - PEJANJIAN EMPAI CERITAU ILUAK

³ Retiau idup empai selelamaunyau itula ngeruani Dighi, Allah diau sebenaghau diau gi sughang itula ngan ngeruani Yesus Keristus diau la Dighi ajung.

YUHANIS 17:3 ပူးပေါင်းရင်းမြစ်များ

MARKUS 9:37

“Jemau diau nerimau sughang budak keciak luak diauni karnau Aku, semegi ajau ngan nerimau Aku. Mangku jemau diau nerimau Akuni, ukan nerimau Aku ajau, tapitu nyambut pulau diau ngajung Aku.”

LUKAS 9:48

mangku Diau bekatau, “Jemau diau nerimau sughang budak keciak luak diauni karnau Aku diau nerimau Aku. Mangku jemau diau nerimau Aku nerimau pulau Allah diau ngajung Aku. Karnau jemau diau nidau penting jak di kamu, diaula penting sekali.”

YUHANIS 10:36

ngapau kapu dighi ngiciakka Aku nggelakka Allah, karnau Aku ngiciakka, Akuni Anak Allah, awuak Aku dipilia Bapak ngan diajungAu ke deniauni?

YUHANIS 11:42

Aku keruan Dighi maju ndengaghka du'aKu, anyautu Aku ngiciakka ini batan endak jemau banyak diau adau di sini, supayau ughangtu percayau, bansau Dighitu ngajung Aku.”

YUHANIS 14:26

Anyautu Rua Allah, Penulung diau ka diajung Bapak atas namauKu, diautu ka ngajaghka gegalaunyautu ngan kamu ngan ngingatka gegalaunyau diau la Kukiciakka ngan kamu.

YUHANIS 17:18

Aku ngajung ughangtu ke deniau, luak Dighi la ngajung Aku ke deniau.

YUHANIS 17:21

Bak, Aku mintak, supayau gegalau ughangtu njadi seghundak, luak Dighi seghundak ngan Aku, Aku seghundak ngan Dighi. Aku endak ughangtu seghundak ngan kitau, mangku deniau percayau, bansau Dighi ngajung Aku.

YUHANIS 17:23

Aku seghundak ngan ughangtu, Dighi seghundak ngan Aku, mangku ughangtu seghundak nian. Mangku deniau keruan, Dighitu ngajung Aku, Dighi nyayangi ughangtu, luak Dighi nyayangi Aku.

YUHANIS 17:25

Bak diau adil, deniau nidau keruan Dighi, anyautu Aku keruan Dighi ngan ughangtu keruan, bansau Dighitu ngajung Aku.

YUHANIS 17:8

Kici'an diau Dighi kiciakka ngan Aku, la Kukiciakka ngan ughangtu, mangku ughangtu la nerimaunyau. Ughangtu keruan nian asalKu jak di Dighi, mangku ughangtu percayau, Dighitu ngajung Aku.

YUHANIS 3:17

Karnau Allah ngajung Ana'Au pegi ke deniau ukan endak ngadili, tapitu endak nyelamatkanyau karnau Diau.

YUHANIS 3:34

Jemau diau diajung Allah, Diautu ngiciakka kici'an Allah, karnau Rua Allah dienjuakkaNyau galau ngan Diau.

YUHANIS 5:44

Kapu dighi ndalak puji jak di sughang ngan diau lain, nidau beusaha ndalak puji jak di Allah diau Esa. Luak manau kapu dighi pacak percayau?

YUHANIS 6:57

Bapak diau ngenjuakka iduptu ngajung Aku, mangku Aku pulau idup karnau Bapak. Luak itu pulau jemau diau makan dagingKu ka idup karnau Aku.

YUHANIS 7:29

Akuni keruan Diau, karnau asalKu jak di Allah, Diautu ngajung Aku.”

YUHANIS 8:19

“Bak Kaba di manau?” katau ughangtu. Yesus nimbal, “Kapu dighi nidau nian keruan sapau Aku ngan BapakKu. Amun kapu dighi keruan sapau Aku, cengki kapu dighi keruan pulau sapau BapakKu.”

1 KURINTUS 15:34

Mbak kini jagaula! Jangan maju ngerjauka dusau. Adau jak di kamu diau lum percayau nian ngan Allah. Titu maluka nian!

1 KURINTUS 8:4

Kitau keruan, ceritau makan daging diau disiwauka, diumpamauka setu diau sebenaghau nidau bediau. Kitau keruan Allah itu sughang, nidau bediau diau lain.

2 KURINTUS 4:6

Allah la bekatau, “Jak di keleman ka nimbul terang.” Allah itu pulau nimbulka terang di ati kitau, supayau rupu'an kitau njadi terang mangku ngeruani keagungan Allah diau kina'an di dayi Keristus.

PILIPI 3:10

Diau kukenda'itu ngeruani Diau ngan kuasauNyau diau ngidupka Diau jak di mati. Aku endak ngikut sengsarau ngan Diau ngan njadi seghundak ngan Diau dalam kematianNyau.

PILIPI 3:8

Gegalaunyau kuanggap rugi, karnau beregaula ngeruani Keristus Tuhanku sangkan gegalaunyautu. Karnau Diautu, mangku aku ninggalka gegalaunyau. Kuanggap gegalaunyautu sesara, supayau aku bulia Keristus

1 TESALUNIKA 1:9

Gegalau ughangtu ngiciakka ceritau kamu nerimau kami senitu, masau kami datang guak kamu. Ughangtu ngiciakka ceritau kamu ninggalka diwau mangku njenguak Allah diau idup ngan benagh endak nuruti ngan nyemba Diau.

2 TESALUNIKA 1:8

Ngan api diau maghak Diau ka tughun endak ngukum jemau diau enggup percayau ngan Allah ngan enggup ta'at ngan ceritau iluak jak di Yesus, Tuhan kitau.

IBRANI 3:1

Kantin-kantinku jemau Keristen, kamu pulau dipilia Allah. Rupuakkala nian ceritau Yesus. Diautu diajung Allah njadi Imam Besak di agamau diau kitau percayaui.

2 PITRUS 1:2

Aku bedu'a, supayau Allah iluak nian ngan kamu ngan maju ngenjuakka damai, mangku kamu maju tamba keruan Allah ngan Yesus, Tuhan kitau.

2 PITRUS 1:3

Allah la makai kuasauNyau endak ngenjuakka ngan kitau gegalaunyau diau kitau enda'au, mangku pacak idup alim. Titu dikerjaukaNyau, karnau kitau keruan Keristus diau la milia kitau endak ngikut meghasauka keilu'an ngan keagunganNyau.

2 PITRUS 1:8

Amun gegalaunyautu adau galau di kamu, kamu nidau ka malas, mangku buasil ngan tamba ngeruani Tuhan kitau Yesus Keristus.

1 YUHANIS 1:2

Idup itu la diancakka, kamini la ngina'au, mangku mbak kini kami ngiciakka ceritaunyau. Kami ngiciakka ngan kamu idup ngenianau diau selelamaunyau diau adau ngan Allah Bapak. Idup itu la diancakka ngan kami.

1 YUHANIS 1:3

Setu diau la kami kinak ngan dengagh, itu pulau kami kiciakka ngan kamu, supayau kamu pulau suijauan ngan kami, ngikut idup seghundak ngan Bapak ngan Ana'Au Yesus Keristus.

1 YUHANIS 2:23

Karnau jemau diau nidau ngaku'i Yesus, nidau pulau ngeruani Allah Bapak. Jemau diau ngaku'i Yesus ngeruani pulau Allah Bapak.

1 YUHANIS 4:6

Kitauni asalau jak di Allah. Jemau diau keruan Allah ndengagh kici'an kitau. Jemau diau ukan asalau jak di Allah nidau ndengaghka kici'an kitau. Luak itula kitau pacak mbidaka rua diau ngiciakka diau benagh ngan rua diau nyesatka.

1 YUHANIS 5:20

Kitau keruan, bansau Anak Allah la datang ngan ngenjuakka pengertian ngan kitau, mangku kitau ngeruani Allah diau benagh. Kitau idup seghundak ngan Allah diau benagh ngan idup seghundak ngan Ana'Au Yesus Keristus. Diautu Allah diau benagh ngan ngenjuakka idup sejati selelamaunyau.