YUHANIS 17:22 - PEJANJIAN EMPAI CERITAU ILUAK

²² Akuni la ngagungka ughangtu ngan carau luak Dighi la ngagungka Aku, mangku ughangtu njadi seghundak, luak Kitau pulau la seghundak.

YUHANIS 17:22 ပူးပေါင်းရင်းမြစ်များ

MARKUS 6:7

Yesus mantau duau belas anak-buaHau, mangku ngajung ughangtu pegi beduau-duau, dienjuakkaNyau kuasau endak ngisitka rua ja'at.

LUKAS 22:30

mangku kamu ka minum-makan serempak ngan Aku, amun Aku la njadi rajau. Mangku kamu ka duduak di kerusi rajau ngadili duau belas bangsau jemau Israil.

YUHANIS 1:14

Pirman itu la njadi manusiau diau iluak nian ngan kitau. Di Diau kitau nginak diau benagh ceritau Allah. Diau mendam ngan kitau. Kitau la nginak keagunganNyau, keagungan diau dienjuakka ngan Diau, karnau Diautu Anak Bapak diau sughang itula.

YUHANIS 1:16

Keilu'anNyau la banyak tegalau. Kitau maju meghasaukanyau.

YUHANIS 14:20

Aghitu pulau kamu ka ngeruani, bansau Aku dalam BapakKu ngan kamu dalam Aku, Aku pulau dalam kamu.

YUHANIS 17:24

Bak, Aku endak, supayau jemau diau Dighi enjuakka ngan Aku adau guak Aku di badaKu, mangku ughangtu nginak keagungan diau la Dighi enjuakka ngan Aku, karnau Dighi la nyayangi Aku antak ka deniau adau.

RASUL 5:41

Rasul itu pegi jak di pengadilantu ngan riang, karnau pantas sengsarau karnau namau Yesus.

RUM 8:30

Luak itula Allah milia ughangtu diau la dulu ditetapkaNyau, mangku ughang diau la dipiliatu pulau la seilu'an ngan Diau. Mangku ughang diau la seilu'antu ka diagungka pulau.

2 KURINTUS 3:18

Mangku di kitauni kina'an keagungan Tuhan, karnau rupu'an kitau nidau tetutup, mangku kitau maju diubai njadi luak Diau. Tamba lamau kitau tamba besinagh karnau keagungan diau asalau jak di Tuhan diautu Rua.

2 KURINTUS 5:20

Kamini diajung Keristus. Mangku amun kami ngiciak, itu luak Allah ngiciak ngan kamu. Atas namau Keristus kami mintak nian, terimaula kasia Allah diau mbuat kamu seilu'an ngan Diau.

2 KURINTUS 6:1

Kamini sesamau bekerjau ngan Allah, mangku kami mintak nian, supayau jangan kamu mbuat keilu'an ati Allah diau la kamu ghasauka nidau begunau agi.

IPISUS 2:20

Kamu umpamau ghuma diau ditegakka di pelapiak diau dibuat rasul-rasul ngan nabi-nabi ngan Keristus njadi batu pelapiak diau penting sekali.

PILIPI 1:29

Karnau ngan kamu la dienjuakka setu diau iluak ukan ajau percayau ngan Keristus, tapitu pulau sengsarau batan endak Keristus.

KULUSI 1:24

Mbak kini aku riang sengsarau batan endak kamu. Mangku ngan sengsarautu aku nepati di badanku setu diau lum ditanggung Keristus batan endak jemau Keristen. Ughangtu umpamau badanAu.

1 YUHANIS 1:3

Setu diau la kami kinak ngan dengagh, itu pulau kami kiciakka ngan kamu, supayau kamu pulau suijauan ngan kami, ngikut idup seghundak ngan Bapak ngan Ana'Au Yesus Keristus.

1 YUHANIS 3:24

Jemau diau ta'at ngan perinta Allah, jemautu idup seghundak ngan Allah, Allah seghundak ngan diau. Mangku kitau keruan, bansau Allah maju seghundak ngan kitau, karnau Diau la ngenjuakka RuaHau ngan kitau.

1 YUHANIS 4:17

Karnau kitau disayangi Allah nian, mangku kitau nidau endak takut masau aghi kiamat, karnau idup kitau luak idup Keristus di deniauni.

PENGINA'AN 21:14

Di dinding kutatu adau duau belas batu pelapiak, mangku di batutu ditulis namau duau belas rasul Anak Bebiritu.