YUHANIS 16:10 - PEJANJIAN EMPAI CERITAU ILUAK

¹⁰ Diau ka nyatauka Aku benagh, karnau Aku pegi njenguak Bapak, mangku kamu nidau nginak Aku agi.

YUHANIS 16:10 ပူးပေါင်းရင်းမြစ်များ

YUHANIS 16:28

Nyela, asalKu jak di Bapak, mangku Aku la datang ke deniau. Anyautu mbak kini Aku ninggalka deniauni endak baliak njenguak Bapak.”

YUHANIS 16:5

Mbak kini Aku ka pegi njenguak BapakKu diau ngajung Aku. Nidau sughang kia jak di kamu betanyau ke manau Aku pegi.

YUHANIS 3:14

Luak Musa nayiakka ulagh ke kayu setak di padang bungin, luak itula pulau Anak Manusiau mesti dinayiakka,

YUHANIS 5:32

Adau jemau lain diau ngiciakka Aku. Aku keruan kici'annyautu benagh.

YUHANIS 7:33

Yesus ngiciak ngan jemau banyak di Ghuma Allah, katauNyau, “Tigha jerang agi Aku di guak kapu dighi. Udim itu Aku ka pegi njenguak diau ngajung Aku.

RASUL 17:31

Diau la netapka aghi endak ngadili deniau ini ngan adil. Titu ka dikerjauka Sughang diau dipilia Allah. Mangku Allah la mbuktika titu ngan ngidupka Jemau itu jak di mati.”

RASUL 2:32

Yesus itula diau Allah idupka agi jak di mati. Kami gegalaunyau la ngina'au nian ngan ngiciakkanyau.

RASUL 3:14

Diautu iluak lagi beresia. Anyautu kapu dighi enggup nerimau Diau, mangku ngajung Pilatus, supayau sughang pembunua dilepaskanyau batan endak kapu dighi.

RASUL 7:52

Gegalau nabi diluatka niniak puyang kapu dighi. Lagi ughangtu mbunua jemau diau senitu la ngiciakka, mbak bansau Jemau Benaghtu ka datang. Diautu kapu dighi celakauka ngan bunua empaini.

RUM 1:17

Karnau ngan ceritau iluaktu diancakka caraunyau Allah mbuat manusiau seilu'an agi ngan diriAu. Caraunyau ngan percayau ngan Allah, jak di penembai enggut udim. Titu dikiciakka di Injil luak ini, “Jemau dibenaghka karnau percayau ka idup.”

1 KURINTUS 1:30

Kamu seghundak ngan Keristus karnau Allah. Kitau bepengertian karnau Keristus. Diautu mbenaghka kitau ngan njadika kitau umat Allah ngan mbibaska kitau.

2 KURINTUS 5:21

Keristustu nidau bedusau. Anyautu Allah ngajung Diau nanggungka dusau kitau, supayau kitau dibenaghka karnau seghundak ngan Keristus.

GALATIA 5:5

Anyautu kaminila ngaghapka, bansau kami ka dibenaghka Allah, karnau Rua Allah nulung kami percayau ngan Keristus.

1 TIMUTIUS 3:16

Agung nianan resiau agamau kitau, Diau ngancakka diriAu ngan rupau manusiau, dibenaghka Rua Allah, dikinak malaikat-malaikat, dikiciakka ngan bangsau-bangsau diau nidau keruan Allah, dipercayaui di gegalau deniau, diangkat ke sergau bada diau agung.

1 PITRUS 3:18

Keristustu mati sekali batan endak dusau manusiau, jemau diau nidau besala batan endak jemau besala. Keristus ngerjauka titu, supayau Diau pacak mbimbing kamu njenguak Allah. Diautu la dibunua masau njadi manusiau, tapitu la diidupka agi nurut rua.