YUHANIS 15:8 - PEJANJIAN EMPAI CERITAU ILUAK

⁸ Amun kamu bebua banyak, kamu njadi anak-buaKu nian. Ngan carau luak itu BapakKu diagungka.”

YUHANIS 15:8 ပူးပေါင်းရင်းမြစ်များ

MATIUS 5:16

Luak itu pulau terang kamu mesti besinagh di guak jemau, supayau ughangtu nginak perembak kamu diau iluak, mangku ngagungka Bapak kamu di sergau.”

MATIUS 5:44

Anyautu mbak kini Aku bekatau ngan kamu: Sayangila musua kamu ngan du'akala jemau diau meluatka kamu.

MATIUS 9:8

Masau jemau banyak nginak setu diau tejaditu, ughangtu takut galau mangku ngagungka Allah, karnau Allah ngenjuakka kuasau besak ngan manusiau.

LUKAS 6:35

Anyautu kamu, sayangila musua kamu, iluakla ngan ughangtu. Pinjamkala ngan jangan ngaghapka dibaliakkanyau. Amun luak itu, upa kamu ka besak, mangku kamu ka njadi anak-anak Allah diau Mahatinggi. Karnau Allah iluak ngan jemau diau nidau tau beterimau-kasia, ngan jemau diau ja'at pulau.

YUHANIS 13:35

Amun kamu sangi sayangi, gegalau jemau ka keruan, bansau kamu anak-buaKu.”

YUHANIS 15:5

Akunila batang anggur, kamunila cangka-cangkahau. Jemau diau mendam di Aku ngan Aku di diau, jemautu ka banyak buahau. Amun Aku nidau nulung, kamu nidau pacak mbuat tuapau-apau.

YUHANIS 8:31

Mangku Yesus ngiciak ngan jemau Yahudi diau la percayau ngan Diau, katauNyau, “Amun kapu dighi idup nuruti ajaghanKu, kapu dighi njadi anak-buaKu nian.

1 KURINTUS 10:31

Tuapau kila diau kamu kerjauka, apu makan apu minum, kerjaukala gegalaunyautu batan endak meregaui Allah.

1 KURINTUS 6:20

Kamu la dibeli, regaunyau la dibayighi galau. Karnau itu regauila Allah ngan badan kamu.

PILIPI 1:11

Idup kamu ka dipenui ngan kerjau diau benagh diau cuman pacak dikerjauka Yesus Keristus. Mangku Allah diregaui ngan diagungka.

TITUS 2:10

jangan maling. Anyautu ughangtu mesti maju iluak ngan ta'at. Mangku ajaghan Allah, Penyelamat kitau, maju dipuji jemau.

TITUS 2:5

bepengertian, idup beresia, ngurus ghuma-tanggaunyau iluak-iluak, ta'at ngan lakiau. Mangku nidau bediau diau pacak nggelakka katau Allah.

1 PITRUS 2:12

Carau idup kamu di guak jemau diau nidau keruan Allah mesti iluak nian. Mangku amun ughangtu ngiciakka kamu jemau ja'at, ughangtu maju nginak perembak kamu diau iluaktu, mangku ughangtu ka muji Allah masau Tuhan datang.

1 PITRUS 4:11

Jemau diau beketuba mesti ngiciakka katau Allah. Jemau diau nulungi jemau mesti ngerjaukanyau ngan kekuatan jak di Allah, mangku Allah maju diregaui karnau Yesus Keristus. KuasauNyau ngan keagunganNyau nidau ka udim-udim selelamaunyau. Nyela nian.